戀上台式料理

營業中

休息中

將軍澳海皮果邊一向好多野食揀..今次去左食台式料理！對住海邊，個人都舒適放鬆啲～餐廳空間環境都幾大～睇完餐牌..嘩左一聲!菜式覆蓋面相當廣泛,既有經典台式小吃,小菜,也有燒肉,烤魚,雞煲,椰子雞,打住邊爐飲珍珠奶茶🧋好正😂不過今次我冇食鍋類食物～揀左食比較道地台式小菜～🦐台灣胡椒蝦 $168🦐蝦唔細隻,蝦肉鮮嫩,炒得比較乾身,味道帶有微微的胡椒辣味,十分開胃。濃郁胡椒香味,好香口 。蝦的分量十足,我地2個人,每個人都可以食到好幾隻。🫛魯肉乾煸四季豆 $88台式家常小菜,分量正常,非常入味,魯肉好有鹹香,且肥而不膩,魯肉炒得唔會過於乾澀,幾好食👍🏻台式紅燒牛肉刀削麵 $88本身係牛肉麵,我轉咗食刀削麵,麵條Q彈有咬口,牛肉軟爛入味,搭配前菜非常豐盛,一碗經典台灣菜,好好味🤤👍🏻🐟燒雞泡魚乾 $68烤得岩岩好.好脆香…🐽蒜香麻辣豬耳 $68帶有濃郁的蒜香和適度的辣度,唔算好辣果種, 豬耳質地Q彈有咬口,搭配入味醬汁,唔錯～🧋熱香芋珍珠鮮奶 $32濃郁香甜,珍珠軟糯Q彈,非常解膩~☕️熱菊花蜜 $18清新回甘,清清地,幾好味～

🇭🇰✨南將軍澳海濱pet friendly台式餐廳🌊🦮今晚媽咪OT，同Daddy撐枱腳，去咗南將軍澳附近覓食😝搵到間海邊嘅台式餐廳🌊有户外用餐空間，日頭望住個海食飯應該好正，可惜我哋去嘅時候係夜晚，就咩都見唔到喇🙈而且餐廳係pet friendly，見到唔少食客都會帶狗狗去😆🦮① 戀上三杯雞 🐔 $88🔹三杯雞醃得入味② 小碗手工魯肉飯配溏心蛋 🍚 $38🔹呢個好抵食！👍🏻本身以為細碗係mini size碗，食幾啖嘗鮮，點知係正常size碗，唔算大食嘅女仔食一定夠飽！魯肉甜甜地夠入味，溏心蛋流心程度剛好，飯用上珍珠米，米粒分明。③ 鹽酥大大雞扒麵 🍗 $88🔹炸雞扒不過不失，沾沙律醬一齊食更加分④ 台式牛筋牛肚麵 🐮 $98🔹湯底可以揀牛肉湯/川辣湯/鮮茄湯，麵食可以揀刀削麵或者陽春麵，可以自由搭配👍🏻🔹牛筋牛肚份量足，刀削麵煙煙韌韌，紅蘿蔔炆得好軟腍⑤ 蒜香麻辣豬耳 🐷🌶 $68🔹個人幾鍾意呢道小食，如其名，夠哂蒜香麻辣，非常香辣惹味🧄🌶⑥ 窩夫配草莓三重奏 🍓 $68🔹 窩夫行實在路線，配上士多啤梨同藍莓🫐配以cream同雲呢拿雪糕，淋上士多啤梨醬📍 戀上台式料理 (將軍澳)將軍澳

之前食晏，寫個唔錯嘅食評，再喺OpenRice訂咗晚飯有七折，一路嘅服務、App落單體驗、飲品和一眾台式小食都有水準，可惜一到燒肉，就有好強烈嘅對比，無論質和量都大失所望，CP值低，鍾意食肉嘅人，真係唔好嚟呢度食燒肉啦，份量方面真係攝牙啦都唔夠，係室內冇抽油煙設備嘅情況下會搞到煙霧離漫，其他小食小菜滷肉飯其實大致上都冇乜問題，服務亦都唔錯，會再去，但係一定唔會食燒肉。上次都提過，餐廳門面有啲凌亂，今晚再睇清楚酒吧位置，同樣都係立立亂，今時今日其實要做大排檔都應該要清潔整齊㗎啦，何況呢間係有概念嘅餐廳，希望佢可以繼續努力有所改進，令食客對佢更有信心。