日

營業中

休息中

平時食便當都係諗住愉快同平為主外賣店質素都麻麻地🥹今日咁啱發掘到呢間日式便當店比起一般外賣店有啲唔同🩷設計帶點日式嘅風格包裝嘅設計都好有和風🎎一打開個便當加上配菜擺設都好精緻用心🎨見到呢啲細節食便當都開心D🥰 另外一題仲有好多唔同嘅甜品選擇😛誠意度真係好加分⭐️ 蒲燒鰻魚便當 🐟鰻魚嘅肉質嫩滑加上充滿豐富油脂香🔥微甜嘅蒲燒醬汁加上焦香陪飯一流❤️配上自家製既卷蛋配菜原來專登加上味醂調製🍳心思同精緻值得一讚⭐️ 和風牛肉便當 🐮經典嘅和風牛肉口味唔會太重有種家庭嘅感覺岩岩好🥩 比起快餐店冇咁肥而且洋蔥既清甜度好健康🧅另外一個亮點係便當會附送小份甜點🤪今日試咗蕨餅同埋Brownie🍡飯後甜一甜感覺不錯⭐️ 紅豆鯛魚燒 🐠⭐️ 曲奇 🍪即叫即燒嘅鯛魚燒入口好鬆軟😍配上綿密既紅豆餡岩岩好🫘 曲奇總共有朱古力碎燕麥提子同埋雙重朱古力三種口味🍫特別鍾意雙重朱古力嘅味道特別濃郁🖤⭐️ 冷泡凍頂烏龍🍵⭐️ 冷泡特級宮廷普洱 ☕️兩款冷泡茶都不加糖飲得出茶嘅原味🫖特別推薦宮廷普洱濃郁得黎嚐得到回甘💚

香港人對日本菜一向都好受落，如果講到日本便當又會諗起咩呢？小弟就想起晌日本旅行時嗰啲鐵道便當，非常有特色，今次嚟到北角嘅小店「Hibi」，主打就喺日式便當。由於小店只做外賣生意，基本上不設堂食，所以，鋪仔細細，但裝修雅致，有少少位俾人坐晌度等。不過，其實落咗單晌商場打個轉時間都差唔多。最緊要喺見佢哋廚房乾淨企理，自然安心好多。食物嘅選擇，以外賣小店嚟講，都算幾多元化，包括一系列日式便當，仲有特色和風小食、夾夾脆系列、飯糰、自家製冷泡茶、甜品……等等。仲見到有長者、學生哥嘅優惠。雖然係小店一家，但睇到好多細節位都好用心，食物方面就等陣先再講，而餐具都用上有質素嘅竹筷，當然，最搶眼就喺店家所用嘅飯盒，既和風，又具美感。和風牛肉便當 $62一想到食便當，就好易諗起牛肉飯，一打開盒，就算只喺便當，擺盤賣相都好靚，唔喺求其堆埋一齊，加上灑下大量蔥花，好養眼，搭埋啲牛肉一齊食真喺好唔錯，再者，啲牛肉腍滑好味。仲配上一小件朱古力蛋糕仔，朱古力味非常濃郁，一點小心意。豚角煮便當 $72唔怕膽固醇指數標升，豚魚煮喺邪惡而誘人之選，多件半肥瘦嘅豚肉橫陳晌飯面，確喺吸引，入口味道濃郁，雖然見到肥瘦相間，但咬