Smokey Ice (已結業)

睇到朋友share過呢度嘅野食相，好過癮！問佢其實係咩黎，佢話帶你黎食下咪知囉！首先叫左兩杯飲品，因為朋友想食d咸野先～右：藍天之雲$40藍色飲品下面係有盞燈，好有天空嘅感覺，店員建議攪勻之後飲，味道都係乳酸味為主左：代酒$38呢杯好明顯係扮啤酒，以茶代酒，我覺得好成功！send張相比媽媽睇時，佢話我做咩飲酒～哈哈！其實係椰香奶蓋南非桂花國寶茶，第一次飲國寶茶，係無咖啡因嘅養生茶，茶味好特別同清新，奶蓋奶味好濃好滑。細炸物拼盤$78有迷你辣魚餅、蜜糖雞中翼、雞球薯條同炸薯條，薯條份量好多，所有野都係熱辣辣即炸，好飽肚，我幾鐘意雞球薯條，即係無骨嘅炸雞球，好夠味，好脆。7成熟雪糕牛扒$88牛扒有兩層，面層係朱古力雪糕，底層係士多啤梨雪糕，營造牛扒半熟嘅效果，「伴菜」有花生醬西多士同扮薯條嘅燒香蕉，燒過嘅香蕉特別香甜我好鍾意食椰汁河粉/腸粉，呢個甜品我想試好耐！蒸籠芒果腸粉$58蒸籠下面放左乾冰，所以好似平時飲茶食腸粉咁有出煙嘅效果，估唔到腸粉皮係咁煙韌！食落椰汁味好重，每條入面都包左一大塊好甜嘅芒果～大愛！

每一次同朋友食完飯，都會想再搵一個地方，食下糖水，傾下計。呢間甜品鋪唔係第一次黎喇，同朋友講起呢度有逼真既牛扒雪糕，怇地都想黎試試，所以去完貓cafe我地就揀左呢個地方做我地既下場，我地仲食左好多唔同款既甜品 7成熟牛扒雪糕($88) 幾可亂真既牛扒雪糕！！做得幾真同幾可愛(⊙０⊙)牛扒仲會出煙架，模擬左食鐵板倒上燒汁會出煙既情況外面係朱古力味，用左D朱古力整左格仔紋，而入面就係士多啤梨味雪糕，岩岩好7成熟(〃∀〃)~♡不過雪糕溶得幾快 ，影左幾張相就要即刻食喇～～隔離有扮薯條既焦糖香蕉，同埋扮薯餅既迷你西多(๑´ㅂ`๑) 蒸籠芒果腸粉 ($58) 又係D gimmick野，用原個蒸籠上，而且都識出煙架~~入面係3條白雪雪既芒果腸粉，份量係少左D，都係一D綽頭黎~~ 椰汁腸粉幾香濃軟滑，芒果亦都夠甜，不過試一次就夠喇 好似係腸粉 ($58) 好似街邊既魚蛋同腸粉呀~~入面有椰汁糕，豆腐雪糕、炸魚蛋（其實係糯米糍黎)、菠蘿同士多啤莉。雪糕同椰汁糕都好幼滑，比起芒果腸粉更豐富~~伯爵茶雪糕 ($46)、麥精雪糕 ($46) 底下用左乾冰，所以都會出煙呀~~~雪糕各有一球半，麥精味同