目利きの銀次 (已結業)

翻尋味了3次，共吃了4次，總括來說食物的品質味道是平穩有保證的。記住訂位，週末要等位的～海鮮沙律：推介～ 用料新鮮，海鮮其實是角切魚生及蝦，量足，dressing 是柚子汁，清新有驚喜～ 定價90多元也合理。海膽汁燒蠔：其中一款特色招牌菜。味道濃郁且特別，蠔大大隻及多汁，塾底的菠菜也吸收了精華，正～! 適合嗜鹹之友，食完要飲番多點水，入口時小心燙口。燒豬頸肉：片片厚度適中平均，腍度適中，安全之選。燒芝士玉子：口味偏淡，有點失望。驚喜欠奉。牛油明太子燒飯團：慕名而來，果然沒令人失望。份量十足，2-4人分剛好。飯焦脆，牛油香，明太子比較鹹。賣相很吸睛～紅豆蒸餅：期間限定，這個出奇地美味～ 紅豆大粒兼量多。上枱要快食，otherwise 會變得很 sticky & tricky!

好朋友同我補祝生日，因為之前同事試過呢間沖繩料理話唔錯，所以叫左朋友訂定位去試下。由於係訂枱的關係，所以唔洗等就有得入去了。先來一個炭燒煙肉生菜沙律。呢個沙律未切開之前好似一個生菜咁，正當我同朋友都好迷茫唔知點樣落刀嗰陣，靚女經理主動行左過來幫我地切開佢。今時今日咁既服務態度真係值得一讚!味道方面，炭燒煙肉、生菜、溫泉蛋同沙律醬好夾，值得推介!來食日本菜，唔叫刺身好似對唔住自己咁，所以我就老實唔客氣，叫左個最貴的特上刺身拼盤(2-4人)。正所謂一分錢一分貨，來的梗係唔係三文魚咁簡單啦，裡面有薄切鯛魚、響螺、鰹魚、金目鯛同赤鯥魚。我同朋友都最愛個薄切鯛魚，因為真係好鮮甜;響螺又爽口又唔腥;其他刺身都唔錯。食完之後就來左個炭燒拼盤(6串)。其實叫呢道菜的目的係貪佢樣樣都有，可以樣樣都試下。作為食肉獸的我，竟然最愛番茄煙肉串，可能係貪佢夠fresh夠juice掛。其他串燒味道都唔錯，唯一覺得鵪鶉蛋再加多少少汁會好味啲。之後來的係海膽汁燒蠔，又係值得推介的一道菜。平時食海膽同蠔，多數都係就咁生食，估唔到熟食別有一番風味。就連下面墊底的菠菜，都因為個海膽汁變得好好味，最後就梗係俾我地掃哂落肚度啦

由於本人十分之懶散，很難想像我也能完成到200篇的食評，希望本人的恆心能持續下去。想來這食店都有一段時間，但對於居住於九龍的我來說兩間食店的地點都不太就腳，因而減低了來這店的意欲，近來這店在尖沙咀開了分店，所以在一個雨夜的晚上就慕名來到在尖沙咀的「目利きの銀次」。尖沙咀的「目利きの銀次」是在彌敦道100號The ONE UG層220-221號舖 ，其實即是搭電梯上兩層近升降機的一間食店，地點上十分之易找。「目利きの銀次」是在2013年尾來到香港，初時只有銅鑼灣和屯門兩間分店，到了今年年尾再在尖沙咀開它們的第三間分店，其實來自沖繩的「目利きの銀次」在日本已經開業了十多年，並在日本各地有很多的分店，是以在魚市場直接選購食材再運到食店出名，形式上是以傳統日本居酒屋的格局，提供融合外國和日本的食物風格的一間食店。在尖沙咀分店格局上和其他兩間分店差不多，格局上以木色為主，店旁就放了一些日本漁業組的名字的木牌，廚房就是以一個開放式的做法，令食客們可以見到廚師工作的情況，店的中間就放了一盤的活魚，可以供食客選擇當天的海鮮食材。廚房的上方除了放了一些日本食品名字的木牌外，旁邊還放了幾大桶的日本酒作為裝