沙縣小吃 (已結業)

餐廳細細又唔係好起眼既門面，但裡面竟然隱藏住美食！！餐廳係以麻辣小食同麵食為主，本人好鐘意食辣野，每次黎到黃大仙都會想起佢。每次坐低都必定會叫既「麻辣土豆絲」、「蒸餃」、「干撈麻辣豬耳麵」。我好享受食辣野嘅過程，但絕對唔會挑戰辣度，只會揀自己鐘意既辣度，所以每次都會叫小辣或BB辣，其實BB辣都已經幾辣架啦，所以如果唔食得辣既你，就要諗清楚先啦！麻辣土豆絲：土豆絲爽口，容易入口，要小辣既辣度剛剛好，香得黎唔會太辣蒸餃：配埋土豆絲一齊食就最正，因為蒸餃係比較清淡，但如果已經食到個口好辣，可以食蒸餃中和返一下干撈麻辣豬耳麵：麵質幼細但唔會好淋，食落依然有咬口，撈麵本身已經撈好左，唔洗擔心味道唔平均

今日中午完全諗唔到食乜野，突然之間諗起想食蒸餃，立即諗到嚟鳳凰村試下呢間沙縣首先試左個炸豬腳米線，豬腳好入味，脆口，好香，係好惹味再嚟就係麻辣雲吞拌麵，姐姐好細心，落單已經問要唔要小辣，驚太辣食唔到，我地立即當然係叫小辣啦！雲吞雖然細細隻，但味道好新鮮，麵既醬汁好味道，麻辣得嚟唔係好辣，小辣易入口，味道唔錯最後嚟既係蒸餃，外型好多摺，真係好好味，下次可以再試炸雲吞同花生醬蒸餃

好中意幫襯一啲小店 見網上都有推薦過呢一間黃大仙區嘅小舖頭 見係屋企附近就想來試一下炸雲吞 ($30)同平時食開嘅炸雲吞完全唔同呢一款炸雲吞 好少餡 占大部分都係炸雲吞皮別有一番風味 份量好多 點雞汁味道一流豬腳飯 ($47)豬手飯就食得多 但係脆卜卜嘅炸豬手飯我就真係第一次食 豬手嘅皮炸到很脆 連肉很煙韌 好好味 回頭率好高 必食！豬手飯餐跟紫菜湯碗湯有好多紫菜 好味道蒸餃 ($26)$26 有8隻餃子 認真抵食而且味道不錯 好多餡 賣相都ok平均每人$50 左右有點小店嘅味道 價錢又親民 值得一試

呢間沙縣小吃可以穩得上係平民隱世小店 外表毫不起眼 但係就係內地都有幾多分店既福建菜 價錢親民 口味地道 所以有唔少街坊捧場客👅平時我地都成日會去買外賣食既 今次難得堂食 又試左佢地既燉湯 當然要介紹下比大家啦😍先介紹既係3個我地好鐘意食既小食 酸辣土豆絲 蒸餃 同埋炸雲呑🤤 土豆絲除左酸辣 其實仲可以麻辣 不過我哋試過覺得麻辣真係太辣 反而酸辣加左醋就更惹味 有一種食極都唔夠既感覺👍🏻 蒸餃就係每枱客人都會叫既指定動作 因為價錢太平 味道太好食😭 $25 有8隻蒸餃 而且每一隻都大大隻好足料 每次泥都必食😋 炸雲呑就係我既至愛 雖然饀料唔多 不過即叫即炸 好鬆化 對於我地呢d鐘意食熱氣香口野既人有一種無化抵抗嘅吸引力😂另外 呢到既燉湯都幾出名 我見好多客人都會叫 不過我地就第一次試 今次我哋就試咗蟲草花鴿子湯 燉湯都相當足料 入面有1/4隻鴿子同蟲草花🐦 不過味道就淡左少少另外我地每次都會叫一個撈麵 由於麻醬同酸辣撈麵我都係一般 呢到仲有個隱藏Menu 係可以叫清撈米線 唔好以為無味 佢地既醬油都好好味🤤🤤 而我地通常都係揀清撈豬腳/雞翼米線 因為豬腳同雞翼佢地都炸得好出色😋 好香口

朋友說附近有一間好吃的福建菜，於是決定去試。沒想到是我平常也有去吃的沙縣小吃。吃主食前，我們點了炖湯，可惜太晚去，只有5種可以選擇。我們選了豬肺，排骨，豬心及鴿子湯。-茶樹菇排骨湯（清熱祛火）-雖然小小一碗，但很足料。裡面有排骨，茶樹菇，枸杞，紅棗等所以不會因為茶樹菇而過份苦澀，帶有甘甜香味。-枸杞豬心湯（補血養心）-味道比茶樹菇排骨湯少了甘香的層次，帶鹹香豬心入味，有咬口。不過炖湯不會很解渴，因為材料多，所以會有飽足感。-蒸餃-聽說每次餡料有少少不同，有時會比較多紅蘿蔔，有時則有其他蔬菜。熱騰騰的蒸餃配上香醋令味道更有層次，亦不會太膩。餃子帶有鮮甜味，讓人愛不惜手，一吃再吃。我們這次點了兩籠另外還點了一些前菜-酸辣黑雲耳-酸味恰到好處，令人開胃。-酸辣無骨鳳爪-鳳爪不夠入味，只是單憑醬汁的味道，不會再點。-酸辣粉-是順滑形的紅薯粉，較波浪形紅薯粉入味。辣味過癮，怕辣的朋友亦可以選擇少辣。紅薯粉份量多，配菜有豬頸肉，腐竹等，不會怕不夠飽肚。-炸雞翼麵-因聽說雞翼好吃，所以也另外點了一份雞翼。可惜雞翼有點太鹹，不然它香脆入味，會比快餐店更好吃。食物質素不錯，但因吃完會很口渴及中間有些小插

食物還可以可能原本對佢期望好大叫左兩籠蒸餃 熱辣辣 幾好味叫左一個酸辣鳳爪 唔算好味一個香拌麵 無乜味一般一個酸辣雲吞面 味ok 但面一般d面都有一大堆芽菜係上面 味道唔得唔算好好味 所以唔會特登返去再食

住過黃大仙一排竟然未食過哩間小店，今日特登返去試一試！炸醬麵放低果陣我o左咀，竟然有四塊薄豬頸肉！正常餐廳，無論係韓式定中式，炸醬麵都只係得肉碎，配埋肉令我非常驚訝味道都唔差嫁！麵質方面，麵質唔係煙韌果種，偏淋身。但係食落十分滑溜，一吸就入到口，好順口既麵質！麵質淋身幫到佢掛醬汁，每一啖都撈左啲醬，味道好平均配料方面，有四塊薄豬頸肉、原粒花生、肉醬、酸菜、芽菜、蔥花、芫茜；豬頸肉因為薄切，欠缺口感同肉味；花生都尚算爽脆；肉醬味道調得唔錯，肉碎都幾大粒，瘦肉比例較多，食落有咬口、係有實感既肉碎但份量就較少；酸菜撈勻後無食到；芽菜無味，但保持到爽口，增加口感；醬料方面，炸醬麵底有大量麻醬、花生醬，撈埋左辣油，因為醬汁既關係，炸醬麵食落其實有啲似乾撈版擔擔麵無論配料定醬汁味道都係！麻醬花生醬雖然都幾多，不過食落唔會漏，味道唔算太濃郁，帶有將口既感覺，唔錯加埋辣油有辣勁，會好開胃，一啖接一啖，好快就清左碟炸醬麵整體味道比我預期中好，以為會好多油，事實係冇！加左大量醬汁都唔會勁油膩，哩點做得出色，可以一試蒸餃好靚呀紋理同包法係香港好少見餃子新鮮蒸起，熱辣辣，加上兔子咁既賣相，非常吸引！餃子皮方面

是日經過雙鳳街，正考慮是否吃雲吞麵時，途經斜路見有個小店很多人吃，雖然門面不是太吸引。。。但也入去試下新口味1，見很多人也叫蒸餃，也叫一客試下，的確有驚喜，新鮮，料也很足，又有蔬菜，紅蘿蔔2，豬腳麵下次如果再食，會叫豬腳米線，麵本身較「林」，跟豬腳不配。豬腳本身也有用油炸過，所以很好味！但又不會「油林林」3，酸辣麵一一般般，但要配「暑粉」，食完感到脹胃如果可以配米線，就仲好備註，唯一不太理想，是店內很多一隻隻似蚊仔，飛來飛去食店環境，須作出改善