Sleepyhead

營業中

休息中

今次專誠黎到係灣仔月街既Sleepyhead嘆下fusion茶記 ( 月街真係好多好chill既餐廳/ cafe好彩一收工就飛過去 去到都仲有位嘿嘿 (*´ω`)人(´ω`*)店舖design落足心機 對比色既霓虹燈一眼就俾人知道店舖既風格特色我十分欣賞店舖既裝潢風格！(´▽`ʃ♡ƪ)"| 食左咩呀 |🍖蔥油雞三文治 Set蔥油雞三文治係用佛卡夏包黎整，佛卡夏烘到熱辣辣脆卜卜好香口、內裡厚實柔軟配上啖啖肉又香料味十足既蔥油雞，令人好有食慾 (๑´ڡ`๑)另外覺得套餐跟既沙律都不容忽視，柚子檸檬汁酸酸甜甜沙律面仲鋪上炸得好香口既蔥油，成個味道異常balance第一次食沙律個調味可以食到肉既感覺✨🐮自家製沙嗲牛肉三文治 Set佛卡夏三文治同樣做得脆卜卜沙嗲牛肉整得好嫩滑、炒蛋份量足亦好嫩滑唯一問題係太多料食到有啲倫盡haha 🍋☕Lemon tea (Hot & Ice)茶底好香濃但唔苦澀 (✪ω✪) 有種英式茶既感覺如果想搵個地方Happy Friday放鬆下心情，黎Sleepyhead絕對唔會令你失望！✨

由日街、月街、星街和永豐街組成的小社區，被喻為「灣仔後花園」，入面有不少型格藝文店、家居精品店、花店、咖啡室、主題餐廳和酒吧等，真係好似去咗歐洲小鎮一樣。今天就和先生來到月街一間特色cafe，食個包，歎杯茶，慢活和打卡。這間餐廳明亮通爽，全是bar位和高椅，前者可觀賞店員操作高壓氣閥，把氮氣注入咖啡或茶中；後者可憑窗望遠。餐廳主打中西結合又帶港式風味的三文治、西多士和特色咖啡。我和先生都點了全日供應的套餐（$98），有三文治、沙律和飲品。蔥油雞三文治嫩滑雞脾肉，醃酸青瓜、炸蒜和生菜，配美味蔥油和蛋黃醬，加上鬆脆的foccacia麵包，超級好味。黯然銷魂菠蘿叉燒包除了多片叉燒，還有嫩滑沙蛋，醃酸青瓜、炸乾蔥和生菜，配甜甜的洋蔥醬和黑醋醬，麵包是店家自製的薯仔菠蘿包，層次豐富，非常滿足。氮氣泡沫港式奶茶（跟餐+$25）在港式奶茶中注入氮氣，讓奶茶產生細小的氮氣泡沫，喝起來絲滑綿密，茶味和奶味醇厚。16oz大大杯。Flat White跟餐不用加錢，細緻香濃。沙律菜很新鮮，我們都選了柚子檸檬汁，清新開胃。.下次我要再來試她的西多士！