喜鍋 海鮮‧火鍋‧小廚 (已結業)

今晚十點無無啦肚餓想打邊爐，兩公婆就揸車去左旺角上海街這間喜鍋。老闆好好人，服務態度一流，環境舒服，食物質素高，我們點了一個胡椒豬骨濃湯煲，煲入面有大大舊豬骨，豬手，雞腳，栗米，蘿蔔再叫左一碟至尊本地牛頸脊牛味重，入口鮮嫩好味，一碟鵝腸都唔錯，就係有啲肥，本人怕肥所以要去走啲肥膏先食，再加多個蔬菜拼盤有生菜，白菜，菜心，芥蘭，2個人就飽到上心口埋單讚好社交平台 專業同分享就有88折，可以再來

聽過喜鍋很久了，因為這裡的湯底選擇很多，還可以先飲湯，才打邊爐。餐廳坐得舒服，很適合和朋友慢慢打邊爐傾下計。一如剛才所說，湯底選擇很多，有雞鍋、豬肺湯、海鮮鍋等等，真係好想一次過試曬咁多口味！最驚喜的是，餐廳正在做88折promotion！🌟香茜皮蛋鍋：和朋友點了最簡單的香茜皮蛋鍋，湯底好香香茜味外，還有好多皮蛋～🌟梅菜豬肉丸：是餐廳的新款丸類，用上新鮮豬肉，配上梅菜帶出豬肉的鮮味。🌟鮮蝦雲吞：包了一大隻鮮蝦在內，好足料，而且皮薄，口感不錯。🌟鮮雞件：想不到雞件份量都多，而且肉質滑嫩雞味濃，幾好食～🌟蟶子王：做緊特價，$38（再88折）就食到，仲要非常大粒，肉質鮮甜。🥬蔬菜拼盤：打邊爐總要叫點菜，這個有好多不同款的蔬菜，而且非常新鮮。最開心的是，埋單時看到有88折🥳下次再來吃海鮮鍋！

油麻地真係好多好特別，又非常之地道的本土餐廳。今次想坐耐D又慢慢食咁傾下計，所以就跟朋友介紹既，來到呢家喜鍋的港式火鍋店。LIKE 社交平台就有小食送，真係好。蕃茄薯仔雜菜鍋$118，今次叫左呢個平時好少用來做湯底既湯，一般個D都比較濃味，所以我地又想清清地，就選了呢個平和D既選擇。估唔到又幾甜，好有平時飲既湯既感覺，是真材實料的湯底~!蟹子墨魚油炸鬼$58，呢個小食好正呀，外面脆卜卜，入面就有口感的墨魚，感覺都好特別而且好好味~!餐前開胃之選。炸魚皮 $48，呢個係非常好食~!!!!因為真係好新鮮，好好味~~我真係好LIKE呢D咁香口的食物呢~!!!!炸芋片$28，都會叫番D清D既食物，呢個好厚切，而且香甜，同埋好夾我地呢個湯底~!正。是晚最豪華的食材，至尊本地牛頸脊$328，就係佢LA~!!!!!顏色好紅潤又新鮮，每片都切得好薄好靚。比起平時食既肥牛，我就鍾意呢款多D，因為有香D既牛味，而且有脂肪但入口感覺冇咁肥，好食~!值呢個價格既~!個湯仲有咩牛味，超開心。點都要食D菜先平衡個飲食，所以我地叫左呢個蔬菜拼盤$48，都幾多菜，有不同款式，夠曬健康LA。朋友是食多D肉，所以又叫左呢

忍左好耐啦！疫情叫做緩和左，限聚令都放寬左，真係忍唔到唔打邊爐🤩呢間上網見到做緊promotion，有八折，一於book黎試下😍入到去見到，原來係醫護仲有七折添👍🏻餐牌嘅選擇都唔算少兩個人先來半隻雞，小辣既雞煲，已經夠味，雞肉唔止嫩滑，仲非常惹味👍🏻黃沙大蜆，隻隻都有番咁上下大隻，新鮮而且無沙👍🏻咁多種餃，朋友獨愛韮菜餃，好彩大大隻，但皮薄餡靚，肉鮮，韮菜唔會有渣。食左咁多肉，要嗌番個蔬菜拼盤平衡下，感覺健康好多雖然嗌得唔多，但係份量十足，兩個人都夠飽🤗

火鍋係冬天嘅好朋友，之前已經聽朋友介紹過呢間火鍋店，大讚佢嘅花膠鯊魚骨鍋，而且網上幾乎都係好評，今日終於搵到人陪我去食！食物選擇都幾多，單係湯底都有成17種咁多，肥牛都有唔少選擇，仲有唔少自製食材。竹庶馬蹄煲得幾濃，滋潤清甜，係火鍋嘅好拍檔。本來想試下花膠鯊魚骨鍋，但對佢附送嘅泡飯冇乜興趣，所以揀咗呢個新推出嘅魚湯海鮮鍋。海鮮鍋嘅魚湯味唔算突出，但勝在材料都幾豐富，有蝦、蟹仔、扇貝、蜆同大量菇蔬，而且海鮮都幾新鮮，絕對對得住價錢。牛頸脊色澤鮮嫩，油花均勻，入口質感爽嫩，肉味香濃，係我嘅至愛！蝦滑質感結實彈牙，加入大量蟹籽增加鮮味同口感。蔬菜拼盤份量唔算多，有生菜、芥蘭同白菜仔。今次得兩個人唔係食到好多嘢，下次一定要嗌埋花膠鯊魚骨鍋同挑戰下佢個牛魔王塔!