Bischofia by Mood

營業中

休息中

有無諗過外食族都可以Mon住自己食幾多kcal ？仲要款款都食得，有埋營養師推薦嘅餐廳🫶🏻 大癲，係我近期嘅至愛（減脂中）！環境餐廳設計有feel，有佈置迎合嚟緊嘅Halloween ！適逢星期五晚仲有live band ，氣氛一流。餐牌真係無呃你，每款食物都列明哂卡路里、蛋白質、脂肪等等，方便我呢啲每日都要mark住攝取量嘅麻煩人！超級減肥人士users friendly 😂 香辣蕃茄海鮮燴椰菜花飯 $158（Regular） 一碟200kcal都無！絕對係減肥人士恩物，重點係仲要好食，有青口、大蝦、墨魚仔，夠哂蛋白質，蕃茄汁酸酸甜甜好開胃，椰菜花飯唔洗講，做到米飯咁又低卡索汁。 蕃茄意大利飯球 $68（6粒） 同樣低卡之選，將平時嘅Risotto變成波波球，外脆內軟，過到食脆炸口感但又唔邪惡。 新牛肉大啡菇漠堡配番薯條 $138自減脂以來，好耐無食過Burger😭 超級掛住，呢到用素牛肉，高蛋白質，配埋番薯條先400kcal！同埋朋友仔分，絕對無罪惡感！Moonrise $55 仲有營養奶昔，呢杯由黑莓＋藍莓＋士多啤梨＋脫脂奶，可以抗氧化，有助消化排毒，維護視力，十分稠身，絕對

適逢紀念日所以同另一半會去餐廳度慶祝今次佢揀咗呢一間餐廳叫Bischofia by Mood間餐廳嘅設計好多樹葉 🍃望落去好舒服 ，而且空間感都幾大睇吓個Menu有好多嘢食仲有卡路里同埋營養師推介我哋就揀咗Set Dinner前菜我哋揀咗三文魚他他同埋牛骨髓兩個都會配多士 ～ 都幾飽肚牛骨髓好香好滑，雖然係有少少油膩憑但係係好香口 紀念日破例一次唔怕啦另外就加左兩個小食個意大利飯球真係超級推介因為好好食，而且炸得剛好仲有蕃茄蓉拌上，令到成個配搭都好合襯餐湯我就揀咗南瓜湯對面嗰位就揀咗蘑菇湯兩款湯都唔係太濃味 ～飲完湯中間仲會送一個雪芭俾我哋清吓個味蕾又幾好喎 到主菜啦，我揀咗西冷牛 五成熟個熟到煎得啱啱好 個皮仲有少少香脆 牛味亦都幾濃 薯蓉就甜咗少少，不過都幾滑身飲品我就揀咗一杯車厘茄草莓燕麥奶都幾好飲呀，可以走甜Set Dinner 仲有一個strawberry tiramisu 仲會有火焰添㗎呢個真係超級適合嚟慶祝打卡留念除咗食飯，當晚原來仲有魔術表演魔術師除咗會喺台上面表演之外仲會嚟到你張枱面前同你近距離接觸表演簡單既魔術俾你睇又幾特別喎我哋都係第一次咁近距離有人同我玩魔術咋唔