Just Eat (已結業)

喺華輝閣地下嘅「Just Eat」，主理越南/泰國菜。要提提大家餐廳位置唔係咁易搵，要喺般咸道搭電梯落去先到。踏入餐廳覺得環境乾淨企理，以白色為主調，明亮舒適。牆上有一幅幅畫，為餐廳增添藝術氣息。加上播着熟悉的流行曲純音樂，令我不自覺邊食邊哼起歌來，感覺悠閒。蕃茄濃湯海鮮檬一上枱個賣相好吸引！有蝦、魷魚、帶子粒，海鮮種類多。湯底有新鮮蕃茄，重試到有d蝦醬嘅鹹香味。另外配菜重有肉碎、芽菜同莞茜，莞茜令湯底更香！芽菜同檬粉一齊食，一爽一腍，口感好正！湯底用新鮮蕃茄整，酸酸甜甜，好開胃！好味到連湯底都飲埋！菠蘿海鮮炒飯飯旁邊有預先切好左嘅新鮮菠蘿。飯入面都有菠蘿粒。重有好多配料！同海鮮檬一樣有蝦、魷魚同帶子。飯加左蛋去炒，份量多，有鑊氣，粒粒分明，口感煙煙韌韌似糯米。越式蝦卷入面有花生粒同青瓜粒，重有成塊香葉添。蝦夠新鮮唔鯹。質地似熟蝦壽司。生菜鮮綠爽脆。

今日同朋友食飯。同朋友食嘅最大好處就係可以叫多啲野食一齊share，試多啲唔同野食啦，啱曬為食嘅我地。🍜蕃茄濃湯海鮮檬（走青）$68有兩隻蝦、一堆帶子粒同埋魷魚圈。湯底食落都幾有蝦蟹嘅海鮮味，因為叫左走青，所以我唔知佢本身有冇蔥嗰啲啦。湯底入面仲有幾舊番茄味，不過我覺得海鮮味比番茄味更出，味道都唔錯。🥩濱海伴燒牛肉$56本身諗咗好耐咩叫濱海，望一望餐牌上嘅英文譯名，見到寫住vermicelli cake，推斷應該姐係粉絲整成一舊咁，所以就叫黎試下啦。呢個四個人share啱啱好，因為佢有四片生菜、四件燒牛肉同埋四團粉絲，仲有一啲汁同埋蘿蔔絲咁。咁我哋就推斷係用塊生菜包住啲牛肉同埋粉絲，再加少少蘿蔔絲同汁咁樣食。成個combination都幾好食，啲燒牛肉都幾好食，都幾軟淋同埋調味得唔錯。🥭芒果軟殼蟹卷$68其實係米紙卷，米紙包住少少軟殼蟹、芒果、檬粉、生菜同埋蘿蔔絲。因為我本身都幾鍾意食米紙卷，所以我覺得呢個都唔錯。點少少汁，酸酸地幾好食。如果軟殼蟹同芒果嘅份量多啲，應該會再好食啲。🍚雞絲扎肉頭蝦油炒飯$76好想食飯，所以點都要叫個飯，就揀咗個炒飯啦。炒飯入面有啲雞絲，扎肉切成粒狀，炒埋

今次搵食黎到西環，聽講依頭幾多小店，點知行行吓就落大雨😣，見附近有間越南野，就入去食野當避下雨🤭🔻蕃茄濃湯海鮮檬$68🔻湯底好香，好鮮甜蝦味🦐，同蕃茄幾夾，絕對無搶左海鮮既味道👍🏻。有魷魚🦑，有蝦，食落有咬口，的蝦都幾新鮮🤤，香濃鮮甜嘅鮮蝦湯底，再加上鮮蝦，真係好濃郁，然後咬啖蕃茄，鮮味又再提升👼🏻。🔻燒豬扒撈檬$68🔻熱辣辣既燒豬扒，仲要係厚切🤩，juicy有口感又夠味，啲香茅味啱啱好，唔會搶咗豬扒嘅味👍🏻。檬粉爽口夠凍，加上甜酸汁，非常開胃🤤。🔻越式雞$56🔻睇落好似海南雞😛，暖暖地，食落幾嫩口唔鞋😌，最正係個越式辣汁，辣辣地同個雞幾夾🤩，加的青檸汁，味道又越南的☺️。🔻泰式生菜包$72🔻超香囉，一黎到就流晒口水🤤，香料唔多但又好夠味喎👍🏻，而且都幾香辣，肉粒啖啖肉，幾鐘意😍，生菜好嫩好爽脆🥬，份量幾多，都夠4個人食👍🏻佢有2人餐，好似幾多野食，下次可以叫多2個朋友一齊黎食

難得夜晚要喺西營盤上堂，當然要試下新野。呢個舖位喺我讀書幾年嚟轉過唔少餐廳，下午五點幾六點人流好少，店內好冷清。越南菜式種類偏少，但係食物質素整體中上，所以特登寫篇食評讚下佢，等佢有多啲人認識。朋友叫撈檬都好好味，食到炭燒風味，正！蕃茄濃湯海鮮檬$68- 一上枱聞到濃濃嘅蕃茄味道，顏色賣相都幾吸引。湯底清甜，仲有好多類似蝦膏嘅粒粒，令到湯底生色不少，食到最尾都仲食到蝦膏，所以每一口都會有海鮮味。檬粉爽滑有口感，材料有鮮茄、蝦、魷魚圈，都幾鮮味。分量不會太少，如果海鮮數量再加多點點就更好。推介！

晚上經過正街，看到英華臺有一小店試業，好奇有餐廳在疫市期間開業，見價錢親民並有九折優惠，竟有意外驚喜內裡裝修光潔亮麗，老闆告訴我們之後還會掛上些油畫先試試這裡的越式粉麵！濃味牛湯浸手切牛肉河湯身清澈！手切牛鮮甜嫩滑！河粉爽彈幼滑蕃茄濃湯海鮮檬湯底喝起來酸甜可口！配料絕不欺場香茅燒豬扒腍軟鬆滑，外皮香脆，肉裏卻仍存肉汁，色澤金黃而夾有香茅清香吃越南菜怎少得越南凍咖啡奶？奶香突出、咖啡醇厚招牌Just  Eat 蜜桃香茅茶香氣馥郁，醒腦消膩整體感覺十分良好，到正式開業時一定要再來試試這裡的越式小菜