The Backstreet Kitchen (已結業)

我唔熟元朗，係Google map 搵左好耐。真係係後巷，連住幾個小店。同咪冇得book位，所以我地係出面等左約30個鐘。門口有幾張櫈仔坐。我地叫左2款定食！ (5⭐⭐係最高，星星分數係比較同一間餐廳的不同食物） 石燒一口牛肋肉定食 和石燒吉列牛小排定食 hkd98 + 40蚊配 定食如果只叫燒肉，不叫定食（一定唔飽）。定食包括橫町飯、蕃茄豆腐、溏心蛋一口牛肋肉⭐⭐⭐佢地會有個碟放d牛肉，然後我就一片片夾上去燒。牛肋肉好薄，但油脂分布均勻。大該10s左右就熟，沾下醬汁、芥末、蒜蓉就可以食。 石燒吉列牛小排定食⭐⭐⭐都一樣係1cm厚。食落去外脆內軟，幾特別。但係我自己比較喜歡厚切。如果可以餐廳可以推出厚切會更好。蕃茄豆腐湯⭐⭐⭐⭐味道一般，但就係好考師父既刀工。切完放係湯到，好似開花咁。望落都開心橫町飯、溏心蛋⭐⭐⭐⭐橫町飯係珍珠飯，配上薑肉汁、紫菜、櫻花蝦。拌勻後食，好好味！好想要多d🥰🥰 環境其實好迫，好似撞到旁邊果個人。鋪頭空氣流通唔好，好大陣油煙味，好攻鼻🙂 。如果開門流通下，會更好。

係元朗一個隱蔽處，藏住一間高質又價錢親民嘅石燒牛日式餐廳😋 食完會舉起大拇指呀👍🏻— — — — — — — — — — — — — — — — — — — — — — — —　【石燒吉列牛小排】$98 （4/5分）（配定食：橫町飯、蕃茄豆腐湯、糖心蛋+$40）**附有醬汁、蒜蓉、芥末石燒板係好夠熱，亦有一舊牛脂肪仔。— — — — — — — — — — — — — — — — — — — — — — — —🥩🥩吉列牛小排燒完之後，吉列皮好夠脆，肉腍又多汁，唔加任何醬汁都已經夠哂味！要讚一讚佢嘅份量，一份吉列牛都幾多塊😉🍚🍚橫町飯有生薑燒肉汁，配上飯素同紫菜，好足料，夠哂撈飯😄🍅🍲蕃茄豆腐湯呢碗湯可以用巧奪天工嚟形容，個豆腐切到開花，十分精緻🌼 盡顯精湛嘅刀工技藝，太厲害了👍🏻🥚🥚糖心蛋平時食定食嘅糖心蛋得半隻，呢到有完整一隻，真係好抵🤩 有流心蛋漿，好食😋— — — — — — — — — — — — — — — — — — — — — — — —【石燒一口牛肋肉】$88（3/5分）🥩🥩脂肪分佈都幾平均，切得薄薄地，好快煎完兩面就食得喇，佢嘅肉味比吉列牛重d，但咬落去層次當然冇吉列

黎到元朗搵食梗係搵啲比較特別，而且比較好食嘅餐廳喺openrice度搵到呢間餐廳，就一早target咗，六點半去到門口有好多人心諗呢間嘢可能好出名㗎喎，見到條隊本身都有少少唔想等，但係我又唔肚餓，所以一場嚟到就等啦結果大概等咗40分鐘左右，終於到我哋喇舖頭因為唔係好大，所以坐位唔算多，但係翻枱率都高，因為其實一般食半個鐘至45分鐘左右就應該ok我哋叫咗呢度嘅signature吉列牛，任何主食加12蚊可以配白飯，22蚊可以配橫町飯，加40蚊就可以配套餐套餐包括橫町飯、糖心蛋同埋蕃茄豆腐湯吉列牛份量都好多，而且肥瘦分明，肉質非常好味外面皮脆脆，然後再按個人喜好燒塊牛肉。其實都食過好幾間吉列牛，呢一間我覺得都算好好食都算數一數二。另外叫咗石燒一口牛肋肉，份量都有好多而且肉質比較嫩滑，燒完之後充滿牛味，好味講番個套餐跟番茄豆花湯，個豆腐切到水中花咁，刀功非常犀利整得好靚，而且豆腐嫩滑，蕃茄湯味濃。溏心蛋跟餐有一隻，流心程度perfect橫町飯其實即係有啲紫菜同埋日本素飯嗰啲粉，撈埋一齊食真係好食 再叫左柚子椒麻魚柳套餐，魚柳帶大塊，肉質真係非常嫩滑，好似銀鱈魚咁。而且醬汁豐富，加埋橫町飯食有豐