影片
更多
2014-10-20
2086 瀏覽
日本拉麵喺香港成行成市，每每各出奇謀，以唔同特式作招徠。醬家就別樹一幟，用湯底向同行挑戰，只賣蕃茄湯底拉麵。 舖頭座落上海街豉油街附近，人流疏落，更非年輕潮人聚腳點，若非刻意上門，好易走漏眼。門面裝修簡約，門外有A字牌MENU,圖文並茂，但只有一頁紙5款麵，老闆喺門口貼出告示，拉麵「制作需時20分鐘」，但見舖內只有三個客人，相信呢個都係先小人後君子嘅提示啫 舖面傳統日式拉麵格局，開放式麵檔，座位倚牆同厨房而建，全場只有廿個位左右。座位上只有筷子同托，以及黑胡椒磨同炸蒜片樽，簡約到有點禪味 而且坐低，真係水都無杯 ，對拉麵店嚟講可謂不可思議 一坐低，店員遞上MENU 同ORDER紙，原來真係只提供5款拉麵，而且全部係同一隻湯底！就係原汁原味無添加無味精嘅蕃茄濃湯！今次決定試蕃茄雞肉雜菜麵。蕃茄雞肉雜菜麵-$85一上枱，熱騰騰嘅湯已洋溢蕃茄嘅甜味香氣，同菜苗嘅草青味，呷一啖湯，茄味濃度爆錶，仲食到茄核，再混和芝士碎，暖透全身，其他材料已經唔重要。麵條幼細，彈牙兼完全吸收湯汁精華，說時遲那時快，已經徹底KO咗 未曾想像過，原來全蕃茄湯麵可以咁好食，唔怪得老闆
日本拉麵喺香港成行成市，每每各出奇謀，以唔同特式作招徠。醬家就別樹一幟，用湯底向同行挑戰，只賣蕃茄湯底拉麵。
舖頭座落上海街豉油街附近，人流疏落，更非年輕潮人聚腳點，若非刻意上門，好易走漏眼。
門面裝修簡約，門外有A字牌MENU,圖文並茂，但只有一頁紙5款麵，老闆喺門口貼出告示，拉麵「制作需時20分鐘」，但見舖內只有三個客人，相信呢個都係先小人後君子嘅提示啫
舖面傳統日式拉麵格局，開放式麵檔，座位倚牆同厨房而建，全場只有廿個位左右。座位上只有筷子同托，以及黑胡椒磨同炸蒜片樽，簡約到有點禪味 而且坐低，真係水都無杯 ，對拉麵店嚟講可謂不可思議
一坐低，店員遞上MENU 同ORDER紙，原來真係只提供5款拉麵，而且全部係同一隻湯底！就係原汁原味無添加無味精嘅蕃茄濃湯！今次決定試蕃茄雞肉雜菜麵。
蕃茄雞肉雜菜麵-$85
一上枱，熱騰騰嘅湯已洋溢蕃茄嘅甜味香氣，同菜苗嘅草青味，呷一啖湯，茄味濃度爆錶，仲食到茄核，再混和芝士碎，暖透全身，其他材料已經唔重要。麵條幼細，彈牙兼完全吸收湯汁精華，說時遲那時快，已經徹底KO咗
未曾想像過，原來全蕃茄湯麵可以咁好食，唔怪得老闆膽敢只賣一種湯底，但希望師傅考慮吓喺配料方面加多啲選擇，例如叉燒、牛肉等等，而飲品希望有得揀，唔好只得罐裝可樂同檸檬茶，至少有日本茶供應，則更為完美。
希望小店可以發揚光大，令香港人多一個選擇。
張貼
