穴 (新城市廣場一期)

營業中

休息中

這間日本居酒屋，第二次再來，原因是假期新城市廣場地下確實好難搵位食晚飯，這間居酒屋較其他店鋪價錢略為貴，見容易入座有位，就再來食 ！論食物質數係確有，兩個人點了4道菜，鯛魚刺生爽口好食，都新鮮。鹽燒牛脷 /串燒秋葵及串燒雞軟骨，係好好食，由其是鹽燒牛脷確實唔錯。推介係個蟹蓋超級足料，分別有三文魚籽、海膽、蟹肉及吞拿魚蓉，一啲都唔鯹，讚！ 最後加多個蕎麥麵。整體食物係好好，有賣相有質數！但留意到 ，有部份店員對客人態度欠缺禮貌，客人點餸菜有別，服務態度會有所轉變，這一點只是個人觀察，希望這間鋪店員對客人服務有所改善。居酒屋食物好，但員工服務態度欠缺，會幾影響生意！

沙田有好多唔同既日本餐廳，但最鐘意呢間啲刺身😆 同種類多1. 刺身拼盤 (8種) $328海膽魷魚卷、甜蝦、三文魚、油甘魚、吞拿魚、帶子 etc。刺身幾出色😆 鮮甜爽口，有喺日本食既感覺2. 燒物 (白鱔 $68 牛脷鹽燒 $78)燒都唔錯，佢會俾三種粉去點，其中一個係咖喱粉，幾得意，唔會辣，但又會令到燒物更野味。而白鱔燒到層皮脆卜卜，肉又鮮嫩；而牛脷好香，口感一流。3. 麵食 ($62/1)個人覺得梅子冷麵比蕎麥冷麵正😝 因為幼啲同開胃啲，配埋啲醬料，好Fresh。推薦。

利申 所有服務生嘅態度都極好極友善但個別女經理態度奇差 所以點都唔會番轉頭食🙄我地想問清楚個餐係咪跟燉蛋女經理要突登瞪大隻眼糾正我地用字: 蒸蛋呀嘛？其實你明我講咩咪得囉😅 你叻你叻然後完全不洩理會我地 叫左其他服務生應酬我地佢亦唔見得有幾忙.------------------------------想試穴好耐 定價會係偏貴嘅連鎖店但勝在午餐好多款 好多配搭 價錢又相對相宜所以今日同媽咪黎試下😌.首先沙田新城市呢個場唔知點解完全無冷氣咁坐得好唔舒服😫.但呢度嘅服務生好似特別受過訓練咁所以都好有禮貌.前菜及沙律.壽司及天扶良配蕎麥麵套餐 ($158)天婦羅: 有點油膩 但都頗脆 蕃薯天婦羅好似唔熟 仲硬硬地壽司五貫:全部都好好味 大愛帶子同甜蝦😍好厚肉好夠份量 而且味道鮮甜💕蕎麥麵: 感覺只是用作充飢 沒有特別.媽媽叫的北海道刺身飯 ($168)魚生非常新鮮👍🏿👍🏿👍🏿💕而且好足料 正！.甜品:日本嘅和菓子 透明嘅mochi包住紅豆餡😊唔錯不過都係個句 幾好食嘅野都好服務態度唔好真係唔會再幫襯！我比錢仲要受你氣😳😳😳😳😳😳😳