Kuro Japanese Cuisine (已結業)

KURO Japanese Cuisine 黑食日本野，其實有好多地方都會有，不過我今日就去左銅鑼灣的#KURO Japanese Cuisine 黑 ，入面既裝修環境都好正，今次我哋就叫左＄1200嘢食，包括有一個二人餐、入邊有帆立貝牛油黑魚子，帆立貝好大粒！刺身拼盤——-大藍洞——入面有雜錦刺身六款，包括（赤身，平政，三文魚，左口薄切，牡丹🦐，同埋帆立貝）咁嘅陣容都係398！😁我另外仲叫咗個薄切白身魚沙律配柚子欖油醋汁and 拖羅豪華卷都唔錯！個餐入面仲有天婦羅、鱈魚蟹膏燒，黑松露炒黑豚肉石鍋飯、最後仲有甜品甜品🍮全部嘢食都好好食！可以話係又靚又好味。不過本身當日冇乜胃口、所以將個飯打包左，拎到返屋企又真係幾好食！順帶一提！佢有個戶外位置係可以俾人飲吓嘢！整得都好靚！

Kuro Japanese Dining - 位於銅鑼灣既一間日式fine dining🍣我會推介比想獎勵下自己既上班族黎個極上享受: )而我今晚就係慶祝自己返新工返左一個月..係時候要獎勵下自己!!😝環境係一百分.. 暗黑既氛圍帶有高尚而神秘既感覺, 加上垂墜既星球燈同大大塊落地玻璃望住街外五光十色既街道, 有高貴又舒適既感覺先叫個沙律開胃一下:: 薄切白身魚沙律配柚子欖油醋汁$118好似係第一次食白身魚😳呢度既chef刀功應該好了得, 魚切得超薄身!白身魚本身較淡味, 要沾醬汁帶出鮮味而呢個配既汁係柚子汁, 好清新開胃而且真係將白身魚既鮮味帶到出黎擺盤超靚既大藍洞$398💎好欣賞呢6種配搭..有濃有淡 而且每一件都配有唔同既水果/海藻伴碟員工提示先由淡味同少油脂感既款式開始食..大家都可以參考下以下次序:1️⃣左口薄切 魚味比白身魚突出, 同樣係好有鮮味2️⃣帆立貝 好大隻 珍寶size!! 超新鮮加上口感扎實3️⃣牡丹蝦 不得不讚蝦頭既餘韻好悠長😆👍🏻4️⃣平政 係食口感的一款! 好爽脆, 而魚味就無左口咁強烈5️⃣三文魚 同平時食既好唔同!! 鮮味非常突出!!🍣6️⃣赤身 魚味最濃烈的一款p.s. 中