Plato Cafe & Bistro (彌敦道) (已結業)

係旺角行下行下去到油麻地一間cafe 這間店之前已經有聽過第一次食油麻地分店。叫了兩個dinner set,配有餐包同餐湯。 今日係周打海鮮湯，超足料亦好濃。個湯好關胃。再加上佢個黑糖包，又軟熟，又每口都有黑糖味。仲係暖笠笠，好有誠意。明太子海鮮意大利粉這個好味，明太子既咸香味，令個味好出。加上佢粉量好多，個汁亦好好食。蝦都好多隻，個味幾好。芝士牛肉竹炭漢堡配沙律薯條個竹炭漢堡輕輕烘一烘，然後佢個牛肉好juicy，咬落去肉汁超豐富。仲配有吾少既甜薯條。酸忌廉煙肉薯條因為我地都好鐘意薯條，所以係漢堡以外我地點了一份薯條，本身有黑松露同埋酸忌廉揀。揀了這個，幾好味。朱古力心太軟配雪糕跟套餐可加$48換購。即叫即焗薄荷朱古力雖然食完會肥，但真係好好飲。熱死辣辣，來個凍朱古力。

成日搭巴士都見到呢間樓上餐廳經過樓下都望過餐牌好似唔錯今次終於喺肚餓嘅時候經過樓下可以試下啦😛當日接近爆場好彩仲有位—————————————————————叫左兩個set lunch食肉獸👨🏽叫紐西蘭西冷海鮮控嘅中島梗係叫個蟹肉啡菇炸蝦啦講下個西冷先👨🏽叫左5成熟切開係粉嫩粉嫩仲有啲煙冒出一咬落的肉汁會噴出尼同食到好濃郁既牛味最鍾意西冷因為佢有脂肪同筋位可惜大部份餐廳都係整到又老又韌呢間既筋位係好易咬得開同充滿油香味淋上燒汁撈埋意粉食一流至於中島嘅蟹肉啡菇炸蝦意粉可能真係太多人所以漏左中島張單提醒左店員之後都有不時幫忙跟進👍🏻芝士蟹肉大啡菇切開勁爆JUICY咸香芝士配鮮味蟹肉YUMYUM炸蝦脆卜卜包裹住鮮嫩嘅蝦肉配上清新刁草忌廉汁 唔錯大食嘅👨🏽食完個西冷仲叫多個炸魚薯條好大碟😯魚柳粉漿超薄脆卜卜仲有好多粗薯條呢啲真係好邪惡—————————————————————☛ 芝士蟹肉大啡菇伴炸蝦意粉 $98☛ 紐西蘭西冷牛扒 $102☛ 炸魚薯條 $68☛ 以上均可配$34飲品一杯

平時禮拜日都係約老友或者胃弟，今次就陪吓大胃之母行吓果欄，買到一袋二袋咁，就搵以前做嘢成日會上去放lunch嘅餐廳試吓食晚市湯好似進步咗喎，夠晒濃味包都好食咗喎，浸湯食真不錯夜晚唔敢飲咖啡，於是飲朱古力，加埋cream成件事好令人舒服呢碟risotto色水相當可觀，食落果然好濃郁，牛頰面肉仲要幾多吓大胃之母的健康之選黑毛豬鞍不得之了，煎得非常漂亮，點吓醬汁簡直係完美配角都唔係hea㗎，一樣配合返主角嘅水準最後加咗個甜品，玉桂條配雪糕認直完善咗成個晚餐，好好食呀開始有啲聖誕氣氛喇

今日自己去開油麻地食晏，search openrice成日見到e間就嘗試下啦。未入到餐廳，經過走廊時好熱，好彩入去都夠冷氣。一入到去見到有幾多空枱下，我一個人坐既2人枱同隔離好近，大動作d都會整到隔離枱。我叫左lunch set，有餐包同湯送，叫左個牛排+薯條另外叫多左個凍薄荷朱古力。蒜蓉包個醬可以多d香草同蒜蓉，個醬唔夠多，所以味道比較淡。主菜賣相好靚，份量足，而且全部都熱辣辣。但係牛排既味道一般，好有鬆肉粉味，質地唔算稔（叫左6成熟），切開係靚既紅色，但都要有d力去咬。薯條外脆內軟，夠厚身，炸到岩岩好。沙律有黑醋，食落好甜，唔會覺得酸，對我來講幾好。薄荷朱古大夠大杯，賣相幾靚，好有薄荷味同朱右力味，成餐飯覺得最好味既野係佢。服務正常，就算坐好耐都唔會趕人走，lunch set連野飲加一$87，正常價錢。如果想搵個地方坐耐d，e到唔錯。

旺角油麻地從來都是約飯聚的好地方，所以今次就約朋友到plato cafe 聚會今次點了比目魚意粉套餐，分量充足，比目魚不會煎得過火，魚皮脆，魚肉滑，意粉韌度十足，味道有驚喜👍🏿套餐已經包括餐湯，蒜蓉包，仲有餐飲。 非常抵食，餐飲還可以加錢升級選擇各式各樣的特飲，薄荷朱古力味道香濃，強烈推介👍🏿👍🏿👍🏿水牛城雞翼大大隻，味道酸酸辣辣，十分開胃一頓飯最後當然要以甜品作結，今次點了churros伴雪糕，肉桂味香濃。總括而言，plato cafe 的確是朋友聚會的好地方

「Plato Cafe & Bistro」是一間樓上咖啡西餐廳，裝潢簡約年輕，以鮮艶的黃色作主色調，部份牆身掛上顏色對比分明的掛畫裝飾。 午市套餐有十款，包餐湯、主菜及飲品三款食品，定價由 $48 至 $128 不等。「蒜蓉包」不夠脆熱，與「忌廉湯」一樣評價只屬普通。 主菜「西班牙黑毛豬鞍」配薯條，份量豐盈。黑毛豬鞍本味濃香，只需以食鹽黑椒輕輕引味已有不俗味道。一般來說，黑毛豬鞍可不用煮至全熟，這件成品亦大概煎煮至九成熟，切面肉色呈微微粉嫩，口感鬆軟細膩，美中不足之處是肉汁不夠豐富。另外，薯條明顯炸得過了火，色澤深脆感弱。 「薄荷朱古力」是需額外付費的特飲，在冰涼的薄荷調和下，整杯朱古力的味道更平衡。「Plato Cafe & Bistro」是一間走年輕路線的咖啡西餐廳，食品定價不貴，並有合理的質素，不俗。

今晚收工食飯來到油麻地的Plato, 第二次來比上一次明顯熱鬧了不少! 點了Set Dinner: 蘇格蘭比目魚扒, 西班牙黑毛豬鞍架。不用等好耐, 餐湯和飲品好快送上。食過餐湯配蒜蓉包, 然後是主菜蘇格蘭比目魚扒, 西班牙黑毛豬鞍架。比目魚醬汁調配得好出色, 魚扒肥美, 配上黑松露野菌汁, 令人食唔停口。黑毛豬鞍份量充足配紅桑子汁, 解膩開胃, 和肉汁滿滿的豬鞍好夾!兩個人share 兩個Set, 超滿足! 最後點了檸檬生薑茶和薄荷朱古力, 兩杯特飲為晚餐畫上完美句號! Plato絕對是油麻地區少有的高質Cafe, 和朋友食飯一定要來!