池記 (已結業)

雖然唔係經常嚟食，但呢間嘅麵真心覺得唔錯。已經都算比較早嚟到，都基本上坐滿人，個人覺得呢到嘅麵夠爽口，湯底都可以，除咗單點之外，仲有套餐選擇，可以根據個人喜好進行搭配，除咗麵之外，雞翼我都幾鐘意，有南乳嘅香味，表面炸過夠脆，整體食落唔算太熱氣，仲有飲品，薏米水唔會太甜，帶有些少姜味。整體性價比都算唔錯，出品速度都可以，不過店鋪就只收現金，呢點有少少唔係咁方便，畢竟依家有唔少支付方式，如果提供多d選擇會比較好。

話說約朋友去樓上睇戲，見到仲有時間就上咗四樓覓食，見到池記有下午茶食，就入咗去。坐低後見隔離檯有國內客食 蟹粥，仲對距讚不絕口。坐低見到餐牌上一個價錢 可以叫菜食又有嘢飲 好似幾好咁， 於是我同朋友決定唔食下午茶 ，而叫咗一個蟹黃粥套餐share來食 ，一於試下距有幾好食。

聖誔放大假日日同阿媽周圍去. 今次逛到去朗豪坊. 同老人家搵食呢樣唔得個樣唔好. 最後都係搵番中餐.估唔到兩個人都係叫埋同一個餐 - 蘿蔔豬軟骨菜飯 $81雖然價錢睇落有點貴, 但份量可不能看輕.一碟菜飯, 一碟蘿蔔豬軟骨, 重有菜(有幾款可以供選擇)同飲品(同樣有幾款供選擇). 主角出場 - 蘿蔔豬軟骨. 嘩. 超Lum. 可以話接近入口就溶個隻, 重要超入味, 不但蘿蔔入味, d豬軟骨都好濃味. 大讚送飯一流..個飯都唔係細, 早知叫佢少飯.... d菜都係充滿晒係d飯度. 超足料. 油菜叫左蠔油冬菇及上湯菜心. 個冬菇超大粒. 同樣都係好入味. 只要呢幾粒冬菇其實都夠我送一碟飯....上湯菜心. 完全唔似係套餐內的感覺, 超有平日單叫一份油菜的感覺... 份量唔講得笑.最後再飲埋足料的熱薏米水. (裡面有唔少薑, 冬天飲超正) 簡直食完行唔郁...

之前係此店食過晚餐,又貴分量又小材料係足但太貴啦，今次路過見有下午茶餐即試俾起夜晚已經叫抵,選擇都算多薏米水-真材實料好似煲左好耐,檸檬味小酸,薏米已經煲林左食埋對身體好,成日嘆冷氣嘅女人飲多d可以去水腫去濕牛筋河-分量一樣小牛筋得3舊,炆到剛好唔會林到食漿糊但好膠口,湯底超濃郁,蘿蔔唔係時令但都冇苦澀味但就未紋林,河粉好新鮮夠軟熟又滑水餃麵-水餃得2粒皮薄蝦同肉比例7:3口感爽蝦又鮮甜,幼麵好硬又鞋,湯底有小小皂水味食得辣記得試試xo醬炒得好香另叫凍飲會加3蚊但上枱時只得溶淨小小的4粒冰,飲品只算熱小小嘅常溫但一d都唔係凍飲,叫店員加冰應完後影都冇,再周圍留意原來幾枱客情況一樣同店員講後都係無反應,建議店舖如果唔識整凍飲不如不設凍飲啦，唔好收3蚊後貨不對板

為左有多D時間在朗豪坊shopping, 今晚就食得簡單D, 我們揀左池記，店裏9成滿座，門口有一group幾個人排緊隊，我們2個人唔使等，正 。雲吞麵套餐細細一碗仔，麵條幼長，無梘水味，而且有麻油香！雲吞皮薄够滑，蝦肉彈牙。配油菜: 灼芥蘭，唔油够健康，而且有甜甜的杞子點綴。配飲品: 熱薏米水薏米水單睇外表已經好吸引，每杯薏米與水的比例是4:6。真是好多薏米，裏面還有一粒蜜棗，不過就甜左DD。豬軟骨米粉大大碗，湯底香濃，豬軟骨腍身，米粉無咩特別，麵比米粉好食。配油菜:蠔油冬菇，冬菇大大隻，腍身有味。配飲品:熱豆漿只得有糖，如果有無糖就更好。