徐記廚房點心 (已結業)

太子原來有間幾特別嘅點心專門店，門口招牌已經好傳統，中文字係又右至左寫，而店入面仲寫住味道不變餐牌上有啲比較特別嘅點心，平時其他酒樓或者點心鋪好少見，所以我揀咗黎試下🌟芝麻糕整得幾滑，甜度適中，芝麻嘅香味好濃郁，口感帶有微微嘅煙韌度，食完想再食🌟茶果呢樣去離島成日見到，但喺點心鋪好少見，茶果一上枱就有陣竹葉香味撲鼻而來，食入口外皮好Q彈，餡料豐富，有好多眉豆蓉、蝦米、肉碎，味道非常傳統🌟薑汁糕呢碟係薑汁千層糕，師傅功架唔錯，每層整得分明，而味道充滿薑汁同紅糖，幾好味，薑汁仲可以驅寒，夠健康🌟上湯魚肉卷上湯係用芹菜、胡椒、麻油淆出黎，冇味精，飲落好清甜，好健康魚肉卷嘅腐皮比平時食開嘅特別有咬口，唔會話太淋，入面嘅鯪魚肉係自家手打，冇落太多生粉但都好彈牙🌟山竹牛肉球牛肉球嘅牛肉成份幾多，混入少少芫茜，唔會蓋過牛肉本身嘅鮮味呢度仲有好多特色點心，燒賣都係招牌菜，下次再黎試

至從肺炎之後都冇同婆婆出黎飲過茶。今日婆婆有興致想同我地兩個孫坐下食下hea下，就揀左呢間良心點心店食早餐。總括而言，雖然佢可能比出面好多正統大茶樓貴少少，但質素絕對比佢地高。啲點心啱味——好似碟燒賣咁，蝦多過肥豬肉，唔會好似其他地方咁食到成口油咁。仲有個牛肉球，難得真係有牛味。味精唔重，食完唔洗狂飲水。我嘅重點推介會係佢嘅薑汁糕，煙韌唔甜，我地數過有成11層咁多！（其實千層糕好晒功夫嫁～）服務好，大家都好有禮貌，地方有乾淨企理，疫情大家都係求食得安心姐☺️😇