徐記廚房點心 (已結業)

🫖🫖🫖知道餐廳快將結業，都想去再度光顧恰巧就到時間就係最後一日營業同朋友再次品嘗美食，雖然都已經結業，但都值得留一篇post記錄一下👍🏻👍🏻徐記蝦餃皇($37)一籠四粒大大粒，鮮蝦彈牙餡料足，絕對對得住個價錢煎釀虎皮尖椒($32)好香，尖椒少少辣，同魚肉既比例做得好好，亦唔會散開，一啖同時食到鯪魚肉又有少少帶辣既味道翠綠叉燒腸($35)中間有生菜，唔會只有叉燒既油膩感，味道剛好，腸粉亦都好滑芫茜燒賣($41)好少地方有芫茜燒賣，見到一定要試，芫茜唔會蓋過燒賣本身既味，芫茜只作少少點綴，但都好夠香

鹹蛋味燒賣朱古力花生燒賣你又食過未？😎呢間餐廳有個燒賣Menu 有成20款燒賣任你揀🤩想試齊咁多樣可以叫一個set有晒咁多款🥳當日揀咗燒賣派對🎊有8款燒賣(粟米、洋蔥，五香肉丁、蝦醬、勁蒜、夠薑、梅菜、鹹魚）有啲分唔清蝦醬同鹹魚味😛兩款都係鹹鹹哋臭得尼幾香🤩其他味道加入喺燒賣裏面除非好重口味如果唔係其實味道分別唔係好大🤔想試吓新嘢嘅朋友可以嚟試吓😝當日都叫咗其他點心味道正常

一心諗住係佢唔做之前試佢個燒賣共和國。諗住一次過試20隻味啦！結果上菜個陣 一句彈埋黎「唔係好齊，有啲重覆」⋯⋯點解？點解唔齊你唔通知我？唔問下我仲要唔要？點解會係上菜先通知？最過分係一隻味有5粒呀！明明本來有20個味，依家得8款呀！好失望！但佢哋都唔做啦！可以點🤷🏻‍♀️

今天和家人第一次耒吃，叉燒腸粉極差，叉燒很瘦很乾又實又鞋，似陳年瘦肉。叉燒包的饀沒有汁，每咬一啖衹是鞋口叉燒肉，同麵粉皮，冇汁，完全分開，極失望。棉花雞，蝦餃一般般。點心師傅吾合格喎！大茶壺的所謂茶沒有味道，用耒洗碗筷就適合了。吃點心却沒有中式酒樓的傳統有耳茶壺，又要扣分吧。坐的位置常常有烏蠅飛耒飛去，不會再幫襯了。由於有期望，看到有好評才突登耒吃，非常失望，而且價錢不太便宜，但却那麼難吃，真是貼錢買難受。

這一晚，又是個來太子找吃的日子，而這次我的目的地，是「徐記廚房點心」。晚市時份，這廚房不但有點心吃，而且也有少量小菜供應，而這次我吃的，是點心。吃粵式點心，蝦餃燒賣叉燒包不少得，「徐記蝦餃皇」（$37）、「蟹子燒賣皇」（$35）與「蠔皇叉燒包」（$23）三款傳統經典點心中，以這裡特別推介的燒賣做得最好，肉質佳，有彈力和嚼頭，飽滿的燒賣，豬肉餡味道好又不鬆散，確是不錯。蝦餃其實也不賴，蝦餃皮雖然還是厚了點，不夠晶瑩剔透，但每隻漲鼓鼓的蝦餃內都有兩隻完完整整的大蝦，都幾真材實料。相比起蝦餃和燒賣，一籠只得兩個的「蠔皇叉燒包」質素過得去，可就顯得較為並通。老婆仔愛吃叉燒包，所以也叫來「雪山叉燒包」（$28）一起分嚐。同樣一籠只得兩個的「雪山叉燒包」與「蠔皇叉燒包」相比，我就更喜歡這味道帶甜的酥皮叉燒包。「煎釀虎皮尖椒」（$32）則是我的最愛，這晚的尖椒，稍欠熱度，卻有辣度，香辣的魚肉釀尖椒，刺激又好味，可是我從小到大都喜歡的點心。還叫了「招牌素鵝」（$32）。這迷你版的素鵝，我就嫌它不夠香口，腐皮也太軟腍，不是我杯茶。最後的甜點就叫了「徐記甘露」（$25）。這在冰粉上加了黑糖、花生碎、芝麻、

如果想係夜晚食到點心都唔易，徐記竟然開到夜晚10點，假日都唔休息🤪代表幾時想食都食到囉店內環境，座位多而且空位都大，有梳化位，有廁所，算乾淨。總括嚟講，徐記係可做到點心應有既味道😂小籠包皮唔厚唔簿、彈牙，連台灣朋友都大讚正燒賣入面啲蝦夠鮮，中上。糯米雞都好正，料多好香。春卷發揮不穩，頭一兩次去乾身脆卜卜，第三次就炸老咗。叉燒包本身唔係賣飛佛，不過餡無好似平價酒樓咁食醬多過食包。位置方便，地鐵到太子A出，行4分鐘就到。渣車好彩既話可泊係門口。小加分位：呢間會派飯盒比有需要人士

今日中午落大雨，本來冇街去，諗住屋企煮面食算數。點知3，4點又好好天，陽光普照。咁好天，無理由唔出街架，即刻出街行下玩下先。咁就出咗去行下花街雀街。行行下肚仔餓，夜晚唔知食乜好，諗起附近近近地有徐記，有好味既點心食，所以走咗去徐記食下點心。點心不嬲都好好味，蝦餃燒賣必叫必食，所以今次唔介紹點心。食食下，老闆娘走黎介紹食泡椒魚皮。有蘿蔔絲墊底，蘿蔔甜甜地，食落去好似海蜇咁，幾特別，好好味，誠意極力推介，值得一試。

平時夜訓開，中午怕人多冇乜機會食點心🫣好彩依家都唔少點心舖開到好夜，徐記之前都想食，特別係佢嘅燒賣，終於就到時間晚上食。秘製牛柏葉牛柏葉大大件，夠入味同好有咬口北菇棉花雞啲雞蒸到啱啱好，夠滑廚師發板燒賣估唔到點心都有廚師發板😂，好有滿足感。啲味道係第一次見，顏色夠搶眼，睇個色係完全唔會估到乜味，但食就明顯，深綠有粒粒紫洋蔥，食落甜甜地。黑色係腐乳味，唔會好重口味。徐記甘露好少見嘅冰粉，食完好清新，唔會好甜，仲解膩。

依間點心舖除左點心之外，仲有好多特色燒賣，夜晚都可以滿足點心癮之餘又有特別野試首先試左燒賣阿媽家姐($40)，有成二十款可以揀，揀左燒賣嘅師傅發辦，睇下會試到邊幾款！分別係黎左西芹、蝦醬、薑同芝士蘋果，每款味道一入口已經好濃郁，仲好新穎！另外叫左鮮蝦菜苗餃（ $33 ），個皮幾薄幾滑，個蝦爽口菜苗夠鮮甜仲試左黃金魚餅（$36），食落幾香口，魚味同葱味幾夾鳳爪排骨飯（ $30 ），鳳爪同排骨都醃得好入味，個飯底蒸得岩岩好唔會過硬最後食埋徐記甘露，係冰粉黎，涼涼地好爽，口感仲好豐富依間都算係又平又好食

之前睇燒賣關注組，先知道呢間點心鋪! 位置雖然係角落位，但係都算易去，除左係太子站，仲可以係旺角當過去! 因為燒賣共和國而得知既徐記，緊係要試試佢既燒賣!呀媽家姐燒賣，原來點心都可以做廚師發辦，又幾有趣!! 四色燒賣見到都幾開胃! 黃色個款係薑味，入面有D薑絲，食落去有好微既薑辣味，中和左平時燒賣既油膩咁，比想像中夾，感覺連長輩都會鐘意。綠色就係韭菜味，呢款有D似平時食餃子既味道，韭菜味係好突出。蝦醬味既燒賣都係第一次食! 帶有少少咸香! 青醬味既燒賣就似fushion感覺 ，平時食意粉先食到既味道，估唔到係燒賣到食到!腐皮蝦卷有驚喜! 外皮好脆好脆，蝦肉彈牙，仲有D蘿蔔絲增加口感。金錢肚最鐘意係個汁，好惹味，內藏亦沒腥味。菜苗餃好大粒，好足料，入面D蝦粒同樣係彈牙，每啖食落都好滿足! 徐記甘露呢個甜品一級棒! 平時都比較少係甜心鋪食到冰粉，上面好多花生粒同芝麻，好香口，重點係佢唔會太甜!! 夏天食呢個真係好岩! 小店值得更多支持!

港式點心｜徐記廚房點心｜太子本地小店 全日供應點心即叫即蒸 食物冇落味精—————————————🫶🏼 鮮蝦菜苖餃 $33外皮好煙韌 餡料豐富 蝦好彈牙而且夠曬大隻 菜苗好食🫶🏼 北菇滑雞飯 $30蒸飯食到有雞味 飯粒有口感 唔會過硬同過軟滑雞超滑又大舊🫶🏼 翠綠叉燒陽 $35叉燒口感爽口 蜜汁味重加埋生菜 好夾 腸粉又夠曬滑🫶🏼 咸水角 $28造型滿分嘅蒸堆 扮南瓜、青椒、紅蘿蔔外脆內軟 外皮超級煙韌 好正而且入面嘅肉同出面唔同 佢係好大粒！🫶🏼 徐記甘露 $25冰粉滑溜 加入提子乾、芝麻、核桃、黑糖口感豐富 味道清新解暑 唔係一碗令你感到有負擔嘅糖水嚟————————————📍太子花園街239號地舖————————————Overall 💗💗💗💗#food #delicious #eatwithfoodiez #港式點心#徐記廚房點心 #太子 #香港點心 #點心

徐記廚房點心太子花園街239號地舖Shop 1-2, G/F, Kenwood Mansion, 15 Playing Field Road, Prince Edward傳統懷舊點心之外，更有新派燒賣，可說是新舊融合。早午市供應點心,到晚上餐廳會有火鍋及串燒食的, 不同時段來, ENJOY不同美食。4款燒賣， 白色芝士蘋果，芝士味就唔太覺，確實食到蘋果粒。黑色五香肉丁，味道帶辣。黃色是勁薑，綠色是洋蔥，非常過癮特別。黃金魚餅。HKD36感覺像煎香的鯪魚煎餅，混了很多蔥特別香，外層有餃子皮，香口小吃菜苗餃，皮彈牙qq,多蝦肉塞得滿滿的餡料。叉燒腸 ，份量足入面仲有椰菜，淋埋甜鼓油 甜品食碗冰粉糖水#香港美食 #hkfood #hkfoodie #yummy #foodporn #delicious #cuisine #restaurant # #restaurant

食點心唔一定要去酒樓，徐記點心位於太子，除咗有經典點心，更有新派燒賣可一試😋✦ 首創燒賣共和國 $48/4粒小店獨創多達20款燒賣口味😳我哋點咗麻辣、芥末、粟米、泡菜4款比較保守既口味小試😂 全部都係豬肉燒賣底，食落有新鮮感，但未到好大驚喜👌🏻✦ 徐記蝦餃皇 $374隻蝦餃皮薄餡厚，每隻都有有幾粒蝦🥟✦ 徐記燒賣皇 $35蝦肉份量多，豬肉彈牙，有豬肉香味，唔錯👍🏻✦ 翡翠鮮蝦腸 $38蝦肉份量足，但腸粉皮做得比較厚🦐✦ 椒鹽魷魚鬚 $68炸得香脆，但椒鹽味略嫌不足✦ 香煎蘿蔔糕 $25極厚切，可以食到有一絲絲蘿蔔✦ 鮮蝦菜苗餃 $33一籠3大粒，多菜苗多蝦，好食✦ 醬皇蒸鳳爪 $25傳統口味，鳳爪愛好者必點👍🏻

送屋企人搭直通車，先發現原來太子呢邊開左好多點心舖，呢間係朋友話好食，今日又唔算太餓，叫左少少試下。價錢都相宜。小見用mug做茶杯雪山叉燒飽- $28 叉燒包夠熱，咬落口軟林林，本身包都甜甜地，再加埋咸咸既叉燒，唔會太重味,唔會搶左包既味，好balance. 個雪山仲唔會一咬開就散晒，有功夫。煎釀虎皮尖椒 - $32即叫即煎嘅虎皮尖椒，上倒枱熱辣辣，咬開好juicy, 尖椒都幾辣，不過岩我口味，好惹味，入面釀既魚蓉唔會太多，好有口感。店員仲加左少少甜豉油，味道提升。黃金魚餅 - $36 個皮超級脆，食落口真係會卜一聲，好香口，入面魚漿不會太厚，同時食到彈牙口感，仲混入左香蔥加持，推薦！翠緑叉燒腸 - $35 叉燒腸好特別，第一次食入面有生菜既，叉燒係瘦瘦地，比較有咬口，生菜好fresh, 而腸粉外皮都非常簿，又滑溜。養顏薑汁糕 - $29千層糕黎，好用心既制作。食落口薑味十足，好暖胃，又煙韌但唔會痴牙。

好耐無去飲茶食點心，最近放學經過【徐記廚房點心】見難得唔使等位就去試下。店内位置唔算多，所以好大機會食飯時間要等位。徐記主打手工點心，即叫即蒸，所以超級新鮮。 鮮蝦菜苗餃、蟹子燒賣皇、北菇棉花鷄、養顔薑汁糕、徐記甘露 鮮蝦菜苗餃：一隻餃入面有幾隻大大隻既蝦，菠菜苗都好爽脆。超級彈牙爽口。 蟹子燒賣皇：都係同出面好唔同，肉質緊實、蝦彈牙，唔會好重味，非常不錯。 北菇棉花鷄：鷄肉唔會“拉“到D肉鬆曬，但好滑、棉花吸曬D精華，好正。 養顔薑汁糕：薑汁味超級濃，會覺得少少辣，但係完全唔甜。 徐記甘露：有D似冰粉，冰冰涼涼，食完熱野好perfect。