原汁原味

營業中

休息中

今日同屋企人提早慶祝母親節， 我哋去咗最近有親戚介紹過的粵式懷舊中菜館食飯，聽講係曾經有米芝蓮推介過的中菜餐館今日餐飯每道菜都色香味俱全，屋企人都食得津津有味，有D菜式仲好有創意服裝員亦都好親切有禮貌，食物質素及服務質素絕對值得米芝蓮推介今日母親節六人套餐$2380全包，我地再另外加多一個 薑蔥桶蠔煲＆ 話梅豬手煲如果人少，可以揀四人套餐$1680係同樣的菜式，真心抵食👍👍👍咁性價比高的餐廳，價錢又親民，係灣仔區已經唔多。

發現要搵啲一圍枱食小菜嘅餐廳真係唔簡單，早幾個月仲係8人限聚令嘅時期小編就搵到原汁原味，如果喺港島想同朋友一圍食小菜，又或者自己一個食吓好食的中菜，都可以去吓原汁原味試吓㗎！😋 蜜汁金柚片皮雞（全隻） $308呢味真係非常值得推介！片皮雞非常脆口，雞肉被片皮腐後同柚子撈成沙律，食落口食到柚子香味又食到啖啖雞肉，真係估唔到咁清新，絕對係有「哇」一聲嘅感覺😝😋 薑蔥桶蠔煲 $158薑蔥蠔煲看似平凡，價錢亦都看似不平凡，正當你懷疑緊：「食個煲啫，使唔使158呀」嘅時候，發現啲蠔真係好鬼大隻，長9厘米呀痴線😱 煲完縮完水都仲有9厘米，咬開入面仲好肥美仲有蠔汁，唔乾㗎！