Bulldog Hotdog (永勝大廈) (已結業)

見大J成日話好食，但大埔對我哋來講真心有啲遠😂今次喺銅鑼灣見到有分店，終於可以去試吓😍招牌熱狗 $50佢嘅肉醬都幾好食，撈埋啲酸忌廉醬一齊食，覺得都幾開胃👍佢個麵包係屬於偏軟，更加鍾意齊柏林嗰種少少脆皮嘅包，所以覺得個麵包質感一般般🥲薯角+汽水 套餐價+$18店員推介我哋試薯角，👧🏻作為薯仔控，梗係要試吓🤣薯角揸得都算係幾脆，裏面嘅薯蓉都好多，都真係幾好食，值得試吓👍👍美國水牛雞翼 $18/2件香辣得黎，帶少少酸同甜味，食落多幾開胃🤣🤣香草芝士雞翼 $18/2件香草味幾出，芝士嘅份量都多，但芝士味道唔係好出，淨係食到香草味🤔

銅鑼灣太多好野食 但周圍都排晒排 男朋友就拉我去食熱狗本來想試期間限定既黑糖蘋果豚肉熱狗但太好賣無得食🥺🥺唯有試下個經典口味—————-招牌熱狗⭐️⭐️⭐️⭐️⭐️不得了 成個包既組合我比一百分無誇張😍首先個包面有少少焗薯皮咁既質感 而且有淡淡既香料 比坊間既熱狗做得更加細緻 酸忌廉唔會太出 好岩我既口味 而肉碎醬少少辣 中東風味十足 包既內層比醬汁浸到林左 但口感無變差到 重有啲似芝心 成個感覺好豐富 直頭覺得食緊pizza😋————————-松露蛋熱狗⭐️⭐️⭐️⭐️松露味好香 而且估唔到熱狗專門店既蛋可以炒得咁滑 份量唔會孤寒 絕對唔會差過其他餐廳 只係相比招牌 依款就比較平凡少少 可能我食熱狗都係鐘意辣既 但依款整體都係高水準作品👍🏻👍🏻—————-另外加$20就可以轉餐多份小食同埋飲品 我覺得兩個人黎食加一個餐就夠 因為熱狗本身都好大份 男朋友都有提過我 但我想試多隻味所以一個叫一個熱狗😂😂😂所以如果係兩個女仔我甚至覺得可接受share一個熱狗黎食🙊鋪頭唔算大 但都設有洗手盆 好細心既設計 之前睇過一個YouTube飲食Channel訪問老闆 睇得出佢對食物既熱誠 今次終於試到 真係好有驚喜