小火焰韓式咖啡廳 (觀點中心) (已結業)

［觀塘cp值高韓國菜🇰🇷小火焰韓式咖啡廳］-今日同朋友黎到觀塘整陶瓷🍶順便係觀塘食埋午餐🍽上網見到間評價唔錯嘅韓國餐廳就決定食佢啦😗-餐廳座位寬敞有幅小火焰🔥同炸雞嘅塗鴉仲播住韓團嘅MV😎好有韓國嘅感覺🇰🇷-😋明蝦水冷麵🧊$80呢個係我最推介嘅菜式😗啲蝦食落爽口😛一啲都唔霉流心蛋生熟程度啱啱好😙個湯好清😚放咗啲芝麻冰涼嘅冷麵超級彈牙🦷配埋青瓜同紅蘿蔔絲🥕非常適合夏天🔥🥵好味指數：🌕🌕🌕🌕🌑-😋泡菜燒豬頸肉拌飯 $62豬頸肉燒得好香😍個醬汁唔算好辣🌶撈埋泡菜一齊食🤪味道唔錯😚好味指數：🌕🌕🌕🌗🌑-😋巨型炸雞限定午餐 $48只可以話「一分錢一分貨」炸雞大過手掌少少個皮炸得好硬🥲好麻麻地🙅🏻‍♀️唔推薦好味指數：🌕🌕🌗🌑🌑-😋藍柑白桃梳打 跟餐$28呢個打卡一流🤪藍綠漸變非常夢幻😍仲要好大杯🤣不過味道好普通😗藥水味糖水梳打🍹好味指數：🌕🌕🌕🌑🌑 （計埋個樣）-😋綠茶拿鐵 跟餐$16呢個好好飲🍵綠色漸層好靚💚好香濃嘅綠茶味美中不足就係個底仲有好多綠茶粉未溶晒好味指數：🌕🌕🌕🌖🌑-追加小食：😋芝味韓式炸雞 $15🍗相對巨型炸雞好食😕不過味道普通😋迷你明蝦蕃茄沙律🥗 $18😋泡菜年糕杯 $10 年糕

自從有個friend帶我過嚟食呢間之後就好想試佢其他嘢🤪今次就係臨我生日前一日去食佢哋居然話因為我外帶嘅蛋糕細可以唔收切餅費😂仲要好到用朱古力畫了happy birthday比我😆雖然畫得麻麻地😂而環境方面整體都坐得比較舒服🤤❤️推介指數: 7.5/10 😎會再回訪嗎: ✔️ （勝在食物種類夠多可以慢慢品嘗🤤）等候時間：～20 mins (週末晚上時間）—————————————————————😍牛肉水冷麵 $78 (8.2/10) ✨最推介✨一講到冷麵就係可以消暑🤩好嘅係佢嘅份量夠多擺左咁耐先食都夠凍而且麵都夠爽口充滿了湯汁😆牛肉就不過不失啦重點係佢加了沙津醬(?)落去啲湯汁不過都偏少嘅同埋令到個湯汁更酸甜🙈😍蜂蜜提子脆米炸雞 (半份) $98 (7.5/10)半份其實都夠幾個人share😋炸雞也挺脆的可惜的係我唔係好食到提子味只係有啲提子乾做配料而言而且因為蜂蜜太多搞到好甜😢😍芝士海鮮煎餅 $68 (7/10)對這個有點失望🥲嫌佢海鮮有啲少泡菜得幾舊而且煎餅偏簿轉眼間幾個人分就食完了😢好嘅係佢挺脆嘅🤔😍熔岩芝士炸雞麵包 $158 (8/10)熔岩芝士係個麵包入面好新奇賣相同份量真係相當

韓式蟹籽卷蛋 $78見到menu張相都覺得一定要嗌黎食😍果然無揀錯!! 個卷蛋好滑，一啲都唔會過老，卷蛋包住既飯都好香好有口感😋加埋海量既蟹籽，成舊放落口真係勁滿足!!藍柑白桃梳打 $52老實講依個野飲係sell個樣🤣味道其實就似普通檸檬梳打，唔係太飲到白桃味!! $52黎講有啲貴，試過一次下次應該都5會再嗌🧐牛肉水冷麵 $78不是打手既我當然有讚有壇😉食過韓國正宗水冷麵，真係接受唔到佢將沙律醬加落個麵度🤯一夾起啲麵，沙律醬撈埋啲湯，令到成碗湯濁左，無左清甜既感覺，仲有層油浮面😰加上完全唔夠凍(正宗水冷麵會加入冰塊)湯亦都無梨味，麵質係ok，不過沙律醬+湯令我食左兩啖就放棄🥶蜂蜜提子脆米炸雞 $88 半份依兩日牙肉好痛先醒起依個炸雞就係元兇😂因為表面有脆米，感覺特別脆口，當然都幾熱氣🥵不過依個炸雞好juicy，加埋香甜既蜂蜜提子，好惹味!! 不過半份既份量有啲少，$88都算貴😂好掛住係韓國又平又大盤既炸雞😭蟹膏海鮮炒年糕 $98超級鐘意食韓國既炒年糕，用埋蟹膏黎炒鮮味十足，真係超正😋依個炒年糕都好足料，有又大隻又爽口既蝦同青口‼️啱曬我依個海鮮控😋

小火焰係一間韓式甜品cafe～因為朋友想食甜品，但係我地又未食dinner，最後就簡左呢間二合為一嘅特色餐廳😛餐廳坐位寬闊，裝飾尚算別緻～打開menu望到好多係韓劇見到男女主角會食嘅野，就急不及待想試下佢地食過嘅味道🤣當然唔少得嘅係泡菜～最傳統嘅韓式配菜👅泡菜酸得恰到好處，又有少少辣味零舍開胃！炸紫菜卷係岩岩炸好就即刻送到～食落熱辣辣，而紫菜卷入面似乎係切碎左嘅粉絲🤔個texture好有趣～值得一試🙌🏻今次係我第一次食水冷麵～雖然唔係好夠凍，但係d麵都好有咬口👍🏻最重要嘅係，每食一啖就覺得好似韓國人上身甘😆野飲方面，因為俾display嘅梳打飲品吸引左，我同朋友就簡左兩款唔同口味嘅梳打🤤梳打唔止賣相得，連飲落都好jeng👍🏻甜品就最後先上～我order嘅係芒果窩夫🍴果然係甜品cafe，甜品嘅質素冇令我地失望❤️窩夫脆得黎因為有芒果汁係上面，食落有幾重滋味～而朋友叫左一份雪花冰～食到一半個時朋友叫哂救命，因為雪花冰嘅份量實在太多啦🤣甘嘅價錢竟然有甘大份又足料嘅甜品👍🏻食到我地捧住個肚走，竟然每人都只係百幾蚊😱真係抵到爛👍🏻

觀塘雖然集商業，工業和住宅區於一身，可說極之繁盛，但原來吃新派韓國菜的食肆不多。要數到質素高而且地點方便的應該非<小火焰韓式咖啡餐廳>莫屬。位於觀塘市中心的<觀點中心>一樓，APM商場行過一點就是了。店內較隱蔽位置還設有雅座，還可以看見港鐵觀塘線列車埋站，雖然沒有開揚的景觀但都市摩登的感覺也不錯哦。店內不斷播放著K-Pop music video，還有好萌卡通公仔作裝飾，感覺愉快<溶岩芝士炸雞包>警告📛📛📛以下內容極度邪惡，慎入❗❗❗巨型的脆脆農夫包盛著濃濃的芝士登場天啊！！大家看見芝士拉絲的程度有多誇張嗎？！除了芝士外當然不可以忘了主角<炸雞>，啖啖肉的無骨雞件香脆惹味，而且脆漿不厚。最怕就是那些乾淨淨得會刮損上顎的炸雞。嫩滑脆雞再沾滿濃濃芝士，邪惡到破表伴碟的紫菜米粉脆卷也很好吃，外層炸得酥脆而內裏有乾爽的米粉，口感有層次。<藍柑白桃梳打>淡檸檬味的梳打水加上藍柑白桃的清甜後帶點微酸，感覺清新。吃過炸雞後再喝這個，清爽又解渴。原來這裏也有兒童餐，下次可以帶姨甥女一齊來了。

最近迷上了韓國食物，於是一直同朋友周圍去搵特別既韓國餐廳，今次我地就去左呢間廣受好評既小火焰餐廳。到步時已經差唔多八點，人比較多，但唔洗等好耐已經可以入座，餐廳環境唔錯，裝修亦很有韓風味道。咁我地叫左幾樣野食同野飲，首先黎到既黎係藍柑白桃梳打賣相十分有趣，味道亦不錯，藍柑同白桃既味幾夾，酸酸甜甜咁幾開胃。另外到重頭戲 - 溶岩芝士炸雞麵包，上網見到人介紹已經覺得好吸引，親眼見到後更加覺得震撼。麵包有成個頭咁大，一切開個麵包D芝士就係咁湧出黎，D芝士好香好滑，配埋麵包簡直係一流，另外炸雞亦係超級好味，外皮炸到脆卜卜，入邊既雞肉都好嫩滑，絕對唔輸比韓國地道既炸雞。將炸雞點埋芝士黎食亦係另一種享受，絕對係芝士愛好者既天堂。雖然呢道墨魚汁青口刀切麵幾入味，D麵幾爽口，青口亦幾鮮甜，但食完岩岩個芝士炸雞麵包已經幾飽，最後食唔晒，而且兩者相比之下刀切麵比較遜色，但鐘意墨汁既朋友亦可以一試。整體而言，呢間餐廳既野真係幾好食，難怪咁多好評，絕對會再去。如果係鐘意芝士既朋友更加要去試一試呢到既芝士炸雞麵包，絕對會一試難忘。

約了舊朋友食飯，遷就一下到官塘開飯，小弟一向少去官塘區，平時食野都只會去apm的連鎖店食肆，今天經朋友介紹發現原來附近的商廈都有好野食呢！餐廳裝潢開揚，有點似cafe的輕鬆格局，亦有很多大電視播放著韓國明星的MV，整個餐廳都充滿韓國風，女生們應該會比較喜愛！朋友說平時會來吃午市套餐，價錢實惠抵吃，但夜晚就沒有套裝供應要散叫！小弟一向很少吃韓國菜式，以為都是人參雞、泡菜、石頭飯居多，但一看餐牌，現在的韓國菜都很新潮，比我想像中有出入呢！😮😮溶岸芝士韓醬牛肋麵包：一個類似農夫包的菜式，伴有幾件牛肋肉串燒！初初以為是辣醬，但原來內裡是茄醬，再鋪上大量芝士烤焗，很正！牛肋肉亦很唸很入味！吃完亦可以不浪費地將麵包沾上芝士和醬汁吃，物盡其用😝😝溫泉蛋肉醬黑雨伴飯：看來平平無奇，但意外地好味的菜式！溫泉蛋的調配較好，刺穿蛋黃再伴上肉醬，說穿了其實是免治牛肉飯呢！但伴碟的紫菜很香脆，吃入口感覺就像吃薯片一樣，伴飯吃更加美味呢！餐廳秘製的辣醬也是色香、味濃，連不嗜辣的小弟也添多幾口到飯中，增加味蕾的刺激感呢！😜😜藍柑白桃梳打：普通的梳打飲料，味道清香甜美，不過勝在大杯解渴！將樽倒轉插入杯中，也算是令人留

看過金剛與小儀介紹這韓國餐廳後，一直好想來探個究竟。今日與女朋友來試試，晚上七點幾已經非常多人等候，幸好因有訂座不用排隊輪候。餐廳不斷播放至新至潮的K Pop ，非常有氣氛！餐牌上的選擇非常多，令人花多眼亂，每一款都想試試，考慮過後決定選擇豬肋骨炒飯，芝士包與一杯飲品。最快送上的是豬肋骨炒飯，點單後大約十分鐘後就來了，豬肋骨炆得甚為入味，淡淡芝士與醬汁跟飯非常搭配，如果飯更熱會更好。吃完炒飯不久後，就輪到我們最期待的熔岩炸雞麵包上場了。一整個芝士海呈現眼前，熱辣辣脆卜卜的炸雞拌以芝士，美味得使人上癮。炸雞吃過後可把外圍鬆脆的麵包，沾拉絲芝士品嘗。藍柑白桃梳打味道甜甜酸酸很醒胃，不過兩個人飲用的話份量就不太夠。已經有八分飽，女朋友嚷著要吃過甜品才算完美。草莓迷醉雪花冰，皆因她堅持要吃草莓味，其實我有私心地比較想試試紫薯口味，唯有留待下一次。外圍有糖粉加在士多啤梨上，影相效果尤如雪花降落於上。普遍來說，草莓味的甜品皆有一種人工果甜甜味，但這甜品並沒有這種藥水味，且帶鮮果酸酸甜甜的味道，非常真實。雖然餐廳價錢屬中上，但食物質素證明了其價值，而且賣相吸引，下次會與更多朋友一同來品嘗更多其他的菜