盈記四季養生麵館

營業中

休息中

灣仔區CP值很高的養生麵館前一段時間在灣仔區工作，令我最為頭痛的是午餐時要選擇吃什麼餐廳，因為灣仔區實在太多餐廳可以選擇了，但是大多餐廳因為租金昂貴，很多都把成本轉自消費者身上，一餐飯動不動就要$100或以上。這間養生麵館就成為了我們的「月底救星」，只需要$60左右便能夠吃到一餐營養豐富的午餐，所以我們同事們都常光顧。★藥膳農場雞蟲草花養生湯米線所有養生米線中，我最推介這個蟲草花米線。米線上佈滿蟲草花、農場雞塊、以及紅棗， 十分足料。湯底亦嚐得出是用了大量藥材所熬製的，藥香十足，且沒有味精， 適合一眾健康人士。

平日食得多好西，都想食啲健康啲嘅晚餐，所以今日就去咗灣仔呢間藥膳湯底嘅麵店。我同朋友叫咗藥膳農場雞蟲草花養生湯米線同藥膳雜丸養生湯米粉，大家都係藥膳湯底，可能因為落咗紅棗，飲落去甜甜哋，湯料仲有杞子同木耳，食完麵之後都想飲番兩啖湯。米線夠彈牙，加咗雞令湯底有雞湯嘅感覺，而且有雞脾，肉質幾嫩滑。米粉就健康啲，雜丸有墨丸同貢丸。墨丸有墨魚味，亦好咬口，貢丸都好高質，好重豬肉味。餐廳好多餸都係有藥膳成份，我哋就叫咗藥膳上湯浸時令菜，生菜嫩綠之餘帶少少藥膳湯嘅甜味。我哋各自叫咗杯檸水同柚子蜜滋潤下。

聽喺灣仔附近返工嘅人講，呢間藥膳養生麵館晏晝通常都大排長龍，有晚經開見到唔洗等位就入咗去。叫咗個二人餐，包兩個麵兩杯野飲同一個小食。我地叫咗藥膳農場雞蟲草花養生米線同藥膳農場雞花菇養生米粉加咗麻辣。首先啲雞好嫩滑，無雪藏味，烹調方法處理得好好。花菇醃得好入味，又唔會太重口味，又厚又大塊。個湯底好清甜藥材味又唔會太濃，食完成晚都無太口乾既感覺。可以有多個選擇轉米粉，個人米線同米粉都試咗覺得米粉較為出色。認為麻辣不太值得一試，可加可不加。藥膳浸雞腳比較失色，但總括而言都值得一試佢啲雞同個湯底

晚飯時間看到這間盈記四季養生麵館有好多款米線，又有藥膳湯底選擇，馬上吸引到我進去一試😋進去以後環境挺舒適整潔，侍應很快便帶我們上座，遞上餐牌。我和朋友叫了兩款米線和一款小吃，一碗是藥膳農場雞蟲草花養生湯米線，一碗是自家製水餃叻沙沙米線，還有一碟醬香牛肋條，再加配兩支豆漿😁牛肋條首先登場，色香味俱全，入口輕嚼幾下即化入口，牛肉味與醬汁配合得十分好，我與朋友一會兒便消滅了它😆兩碗米線亦隨後送上來，我的是藥膳農場雞蟲草花湯米線，配料極多，有龍眼肉、紅棗、杞子、木耳和蟲草花，全部都很健康亦很美味，配料的甜味加上農場雞肉的鮮甜，使湯底十分濃厚又易入口，一邊喝湯一邊吃米線，真不愧是藥膳湯底呢！雞件大塊新鮮無雪味，當中還有一隻雞腿😍朋友選擇的則是自家製水餃叻沙沙湯米線，我也淺嚐了幾口，湯底比較濃郁，小許辣，十分開胃，配料如豆卜等都很入味🤤水餃也很新鮮足料，比湯匙還要大😋此次晚餐十分滿足，皆因很少吃到這麼多配料而又美味的藥膳米線，而且堂食還有全單九折，外賣自取則有八折，下次經過會外賣一碗回家吃😌

環境4分：大大個餐牌放在响門口出面，非常顯眼同易明。地舖門面好光鮮，雖然地方唔算大，但坐得唔會好逼，最搞笑係D櫈，可以畀四分。衛生5分：Ｄ位全部有板隔開，餐具响檯上面，Ｄ餐檯非常乾淨，可以畀滿分。服務5分： 侍應一個人做曬所有野，接待，落單，傳菜，清枱，埋數，快手快腳唔囉唆，滿分！味道5分：1)  藥膳農場雞蟲草花養生湯米線有大約六舊雞件同大量蟲草花，仲有木耳，藥膳湯底食落非常養生，少少藥材味但唔苦，食完真係覺得有些少熱。2)  紅油抄手有5隻，個皮真係超級薄，餡靚夠嫩同嘢味，好食過好多上海舖，真心正。3)  古法炆蘿蔔都係藥膳湯底，眼見好多半開嘅紅棗，蘿蔔炆到超淋，唔使用牙都食得到。4)   鮑魚汁炆花菇有4隻，冬菇同樣非常之淋同入味， 大大嚿花菇一定要試。5)   凍菜蜜大大杯非常抵飲。抵食5分：六十幾蚊就有大大碗雞米線，仲要係藥膳湯底，飲得出Ｄ湯係用多種藥材煲成，呢個價錢又有湯又有麵食，堂食仲要有九折，真係非常低，滿分。