Bella Shine (已結業)

朋友難得這個星期可以準時收工,所以約我食飯,我提議去觀塘工廠區,因為特別多隱世美食,今次我帶朋友去一間我同事讚過好食的西餐廳!餐廳位於觀塘近APM的工廈,由地鐵行去只需5分鐘,非常方便!踏入門口就見到2個著住盔甲的鐵甲人,餐廳裝修走工業風,燈光暗暗地好舒服,坐位好寬敞,唔會有侷促的感覺!餐牌有頭盤,燒物和炸物!如果選主菜或意粉或意大利飯都可以加錢轉套餐,包括頭盤,餐湯,甜品和飲品!我同朋友選擇單點再另加飲品!<蒜蓉包> 麵包塗上厚厚的蒜蓉,烤到金黃香脆,飄來陣陣蒜香味,真的不錯!<軟殼蟹天婦羅咸蛋黃扁意粉> 軟殼蟹和天婦羅炸得不油膩,口感好香脆,每條意粉都沾滿了咸蛋黃醬,味道濃厚,同軟殼蟹天婦羅一齊食非常好味!<慢燉美國安格斯肉眼蘆筍野菌意大利飯> 安格斯肉眼用慢燉去煮,煮出來的肉眼十分入味,咬下去肉汁溢出,配上奶油般質地,軟硬適中的意大利飯,令人引唔住一口接一口咁食!<羅漢果雪梨滋潤茶> 近排天氣乾燥,飲返杯滋潤茶最好不過! 羅漢果,雪梨和菊花好多,十分足料!滋潤又降火,甘甘甜甜好好味!!<蘆薈蜂蜜花茶>

觀塘依家已經係九龍東嘅中心點，人流之多真係可以媲美油尖旺😱簡直係兵家必爭之地💪🏿💪🏿我知道有好多有實力嘅食肆，都進駐咗觀塘嘅工廠大廈入邊，今日同朋友試咗間fusion菜叫咗個dinner set佢個龍蝦湯真係冇得頂，飲得出係用咗大量嘅龍蝦殼去制作，🦐味非常濃郁真係唔捨得一大啖飲晒佢，要細細淡咁去品味佢當中嘅鮮味我平時食開嘅鵝肝蘇味比較重，但今次呢個凍鵝肝蘇味比較少，質感唔會太林，入口即溶，好似食緊一件雪糕一樣加上黑魚子嘅鹹味，更加能帶出鵝肝本身嘅鮮味怕蘇嘅朋友一定啱食，因為依塊羊扒只係有好輕微嘅蘇味，建議大家叫七成熟，因為羊太生嘅話又冇乜羊味，肉質嫩滑，有肉汁味道好清新甘甜，並帶有淡淡嘅蘆薈味總括來講，菜式有新意，將唔同嘅菜式結合並且味道好夾，一定會再試

近年愈黎愈多小店開左係觀塘,九龍灣一帶既工廈入面今日心血來潮..搵埋好朋友一齊陪我黎試下^^上網見到呢間cafe幾多好評~而且位置又唔難搵~ 所以就決定黎試試!!工廈外圍平平無奇同比較舊式..上緊lift時一直都有d忐忑....估唔到踏入cafe後係另一個小天地😌簡約既裝修同佈置, 比人好舒服既感覺~呢度有set dinner供應 但係款式比較少.. 又唔係平好多..而散叫就多好多款啦^0^ 有頭盤類,仲有燒物,炸物,主菜同pasta類!!所以我地決定散叫~當然佢都有甜品款^___^ 本來都諗住食..估唔到最後係飽到食唔落了.....T__T仲做緊$10一隻生蠔既推廣.. 不過我地都無試到XDD落左單後先送上免費既蒜蓉包.. 想講個包真係好好食T___T咬落去好鬆軟同埋好新鮮.. 暖粒粒咁上枱,配上好香既蒜蓉牛油食完好想encore呀 ...XD我地叫既主食亦都係等左15-20分鐘之後上枱啦^^!輕煎日本帶子黑松露意大利飯$128雖然帶子得2粒唔夠喉.. 但真係好肥美同juicy😋😋令人念念不忘😋但係risotto屬於偏硬既口感..唔係我地鐘意個隻感覺醬汁亦都偏多, 所以食到尾有少少膩

第一次食Bella Shine已經係幾年前嘅事，果陣觀塘工業區嘅食店都未有咁多，第一次食係慶祝我嘅生日，老公專程帶我黎食豬鞍同埋非常漂亮嘅甜品Dancing Heart，果次之後我地經常去開餐，直至我地搬屋。之前我地結婚週年打算訂枱重溫一下呢個美味時得悉Bella Shine已經搬走，終於最近係Openrice見到Bella Shine重新開業，我地當然立刻訂枱去重拾呢個久違了嘅味道啦。😁Bella Shine新舖同舊舖距離都唔遠，亦都係工業大廈入面，而且比舊舖更近地鐵站，裝修以黑木色為主，配搭柔和嘅燈光，比以前更有格調。餐牌同以前差唔多，最重要係價錢都仲係一樣😍 👍除左Set dinner之外，其他主菜加$88亦都可以轉套餐，價錢計埋同Set dinner都差唔多，由於選擇太多，我地揀食咩都揀左好耐。最後我地揀左羊架同我最愛嘅銀鱈魚。😄今晚呢個湯係甘笋薑藍青口濃湯，入口非常creamy，薑味好濃，甘笋味甜，份量都唔少。老公揀嘅主菜係法式香草寶雲酥焗紐西蘭羊架配紅酒燒汁，羊架肉質非常鮮嫩，外層嘅寶雲酥香脆，入口彈牙多汁，熟度剛剛好，沾紅酒燒汁非常惹味，我都忍唔到口食左佢半份。😂 配菜有