Davinci Cook (已結業)

周末郊遊過後，與友人來到坑口附近尋找用餐地方。我們決定走出商場外的地方，來到了坑口村附近，有不少小炒店。傍晚時間來到不算熱鬧。沒想到在眾多中菜館中，竟找到一間西餐店！🔸 白酒煮青口 1/2kg $128就算4個人食，份量一樣足夠。白酒味濃，夠多汁。青口新鮮，肉質嫩口彈牙。🔸 菠菜煙肉釀燒烤菇 2pc $98小食黎計，有少少貴。不過大啡菇有成隻手掌心咁大，上面舖滿左菠菜、煙肉、芝士，十分足料，好香。切開中間仲保留到水份，夠juicy。🔸 香烤蜜味豬手 $218原隻豬手份量，起哂骨，食起上黎更加方便。豬手皮脆肉香，配上芥茉醬好好食。仲有好多薯角伴碟，正！推介！🔸 香蒜蜆肉炒扁意大利麵 $128意粉唔辣，反而炒得好香好惹味！蒜味加上蜆肉，好maych！扁意大利麵偏硬身，食落更有口感。🔸 蘋果批 $78甜品份量夠2-3人share，甜度適中，唔錯。蘋果肉配上酸忌廉，一酸一甜中和返。

Halloween正日老婆唔想出去同人迫，第二朝要返工又唔想去咁遠，但又想搵間有情調，食物又美味嘅西餐廳撐枱腳。 身為稱職嘅老公呢個時候當然要做野啦，係OPENRICE找找看看，終於記得坑口村Davinci Cook呢間隠世意大利餐館。Davinci Cook其實我地未搬入將軍澳前都專登入過黎食，食物水準唔錯，反而搬左入黎之後好少係將軍澳搵野食所以遺忘左。難得搵到間咁fit嘅餐廳同老婆撐枱腳，當然立刻訂枱約老婆收工直接係坑口等啦。坑口村離坑口站都幾遠，最快嘅方法應該係由培成路直行到尾，穿過隧道再係富寧花園商場入，集福路出口出。係電話同路痴老婆講極佢都唔明，雖然我坐巴士係坑口村附近落左車，都唯有行返坑口站接佢再行返去餐廳啦。(一個來回都要差唔多20分鐘)我地比訂枱時間遲左好多到餐廳，不過店員都好nice咁招呼我地坐低，可能好多客人黎食都搵唔到路遲啦。可能係平日加上Halloween少人係將軍澳慶祝，店內客人唔多，反而訂外賣嘅電話就唔少。Dinner Set價錢由$168至$298都有，Davinci Cook其中一款招牌菜恐龍燒排骨都有set，我原本想食，不過老婆睇完Openrice食評