影片
更多
2016-04-11
2121 瀏覽
大概大半年前，帶老婆嚟試過Fiat Caffe嘅栗子菠菜南瓜意大利燴飯，佢極為欣賞，仲話絕對值得再嚟，我就當然不以為意啦。想嚟又唔需要奢望，最近，就本打算一試其新出嘅半自助午餐，點知嚟到已經無做，既來之，則安之，反正，個燴飯又真喺好啱我老婆口味。雖有話依家個市道好似差咗，不過，今日嚟到，眼見佢哋星期日嘅午市生意不俗。所以話呢，一家餐廳做菜嘅質素好重要，好嘢有人欣賞，自自然然會有翻頭客。今次走入啲，原本裡面睇到個半開放式廚房，而且，入面仲有唔少位，另一邊尾又通番去個商場。同上次一樣，簡簡單單，晌個早午餐牌度做選擇，印象中跟大半年前嘅餐牌一樣，菜式無變，再睇睇以前個食評對比一下，就連個價錢都無變。快意特色全日早餐 $118其實小弟一向甚少食全日早餐，因為一般嚟講，都喺啲現成食材煎煎炒炒，較難睇得出廚師嘅真功夫，所以，今日點咗個全日早餐純粹貪口痕。一客「快意特色全日早餐」真喺都幾大份，包括：傳統英式豬肉腸、大蘑菇（龍葵菇）、茄汁焗豆、煙肉、炒蛋及烘多士。你話食落好有驚喜咩，當然唔會，但睇得到唔會「求求其其」做，食材質素又無話好隨便，就好似啲大蘑菇肉厚汁多，炒蛋炒得嫩滑，所以，襯一襯多士食就最
雖有話依家個市道好似差咗，不過，今日嚟到，眼見佢哋星期日嘅午市生意不俗。所以話呢，一家餐廳做菜嘅質素好重要，好嘢有人欣賞，自自然然會有翻頭客。
今次走入啲，原本裡面睇到個半開放式廚房，而且，入面仲有唔少位，另一邊尾又通番去個商場。
同上次一樣，簡簡單單，晌個早午餐牌度做選擇，印象中跟大半年前嘅餐牌一樣，菜式無變，再睇睇以前個食評對比一下，就連個價錢都無變。
快意特色全日早餐 $118其實小弟一向甚少食全日早餐，因為一般嚟講，都喺啲現成食材煎煎炒炒，較難睇得出廚師嘅真功夫，所以，今日點咗個全日早餐純粹貪口痕。
一客「快意特色全日早餐」真喺都幾大份，包括：傳統英式豬肉腸、大蘑菇（龍葵菇）、茄汁焗豆、煙肉、炒蛋及烘多士。你話食落好有驚喜咩，當然唔會，但睇得到唔會「求求其其」做，食材質素又無話好隨便，就好似啲大蘑菇肉厚汁多，炒蛋炒得嫩滑，所以，襯一襯多士食就最好喇。
栗子菠菜南瓜意大利燴飯 $118晌個早午餐牌中，只有依個燴飯喺全素菜式，所以，上次老婆就揀佢，今次再揀番佢，皆因好食所以翻兜無妨。
再食，水準無跌，同樣燴飯嘅口感一樣做到既煙韌，又無生米嘅感覺，啖啖充滿南瓜清甜味，而糖漬過嘅栗子，粉甜好食，反而比上次較明顯唔同，就喺混和菠菜碎以外，亦加多咗菠菜葉。
栗子菠菜南瓜意大利燴飯
$118
35 瀏覽
1 讚好
0 留言
忽然天氣變得頗熱，一向飲開鮮奶咖啡（熱嘅），今次就轉轉口味，改飲椰香青檸咖啡。杯中睇到有一小片青檸皮，不過，由頭到尾，都唔多覺有青檸嘅味道，反而，椰香就從咖啡中慢慢滲出，感覺幾得意，卻又唔會有種古怪嘅感覺。
芒果沙冰 $48平時甚少飲凍嘢嘅佢，今日都試吓飲杯沙冰，杯芒果沙冰入口已感覺到佢嘅質感打得幼滑，味道清新，芒果味夠濃郁。
芒果沙冰
$48
19 瀏覽
1 讚好
0 留言
蘋果烤酥配雪糕 $68撻殼搓得好平均，厚薄均一，頗鬆化，而內裡嘅蘋果酸香清爽，面層鋪滿脆脆嘅金寶粒，整體都做得具水準。所配嘅雲呢嗱雪糕，粒粒雲呢嗱籽，足見真材實料，雲呢嗱香味嚟得自然。
蘋果烤酥配雪糕
$68
39 瀏覽
1 讚好
0 留言
雖然無緣試其新出嘅半自助午餐，但以其質素，果然值得再嚟。加上服務又好，一頓悠閒早午餐，美味從來不需要奢望！
張貼
