屋子咖啡

營業中

休息中

同男朋友食飯，叫左佢入黎大圍，帶左佢去屋子咖啡。我自己住呢頭就黎過好多次，呢度位唔多，間唔中要等位等好耐，不過今次去就好快有位。之前幾次都係同friend黎食甜品，第一次食正餐。我叫左吉列豚扒揚物餐($63)，超級豐富，包一杯熱飲，我叫左蘋果茶，陣陣幽香撲鼻而來，蘋果味七成，紅茶味三分，正。跟餐配生菜蕃茄沙律，撈左芝麻沙律醬，好fresh。醃蘿蔔都好好食，酸味較淡，都係行清新路線，我諗應該係想畀客人好好中和下食炸野嘅口感掛？真貼心。主菜吉列豬扒整得好好食，香但唔油膩，皮薄肉厚，口感同味道都好好，除左沙律醬之外，仲另外畀左個酸酸地嘅醬我地(唔知係乜唔記得問lolll)，好香好好食。食完之後驚嘆原來食炸野都可以好清新😍😍男朋友叫左贊歧叉燒湯烏冬($65)，因為比較細碗，好擔心佢男仔會唔夠食🙈🙈不過佢話都幾好食咁就算了~ 偷左佢一塊叉燒，味道適中，始終呢度都係走清新路線，d野食一定唔會好味濃，重口味嘅人就唔啱架喇，中意食得淡嘅人就會好中意呢度。總括而言，價錢黎講我個餐係抵嘅，但男朋友嗰個我覺得略貴，食面嗰d似乎冇咁值。不過呢度勝在個vibe好，夠曬休閒舒服，拍拖或者同朋友聚下都好適合，非常推

男朋友住大圍就上左openrice睇下呢邊有咩食，發現呢間有好多好評，又精緻就去試下，食左天婦𡤢烏冬，飯團，梳乎厘同埋窩夫。烏冬麵質不錯，天婦𡤢就普通。梳乎厘比較硬身我比較中意食林小小。鮮果窩夫既柚子雪巴5錯。整體都ok既

小店風味濃厚，單是餐牌已令人著迷。不花巧卻藏著滿滿的心思。蘋果茶: 充滿了蘋果的果香，茶味柔和，很清新。抹綠奶茶: 抺茶味不夠濃，有點點失望。七味雞揚定食: 沙律爽口，開胃。新菜的蘿白很清甜，味道特別，拌飯很不錯。炸雞內藏心思，不是全雞肉，夾有南瓜蓉，味道配合，亦令炸雞的油膩減輕了，可口。鹽味鮭魚飯團及日替飯團: 鹽味鮭魚飯團帶點咸味，味道適中，不一會便KO了一件。奇怪的是日替飯團質感偏硬，令牙骹有點倦。冷豆腐味道好，但實在是份量太小了吧。士多啤梨窩夫: 窩夫較厚身，感覺較像旦糕，配雪糕，冷熱交融，很不錯。但份量少，價錢偏貴。抹茶雪糕配蘋果金宝: 很有趣的味道配搭，紅豆+抹茶雪糕是絶配，想不到再加上帶微酸的蘋果金宝，又是再多一個層次的味道。蘋果金宝滿滿的果香和肉桂香，加上焗餅底，很完滿的感覺。 

上星期六, 同愛人去踩完單車返到大圍已經七點幾, 又懶得去第二度覓食於是係openrice隨便serch下最後揀左呢間屋子咖啡一入門口就已經覺得呢間coffee shop好舒服燈光好柔和, 而且d擺設好似上年係台北旅行個陣坐cafe咁有d日式既手繪畫、令人感覺好放鬆、好warm既擺設印象分即時大增!!我叫左個讚歧海老天婦羅湯烏冬同埋熱可可熱可可 朱古力味唔算濃, 唔會好甜對我黎講味道岩岩好讚歧海老天婦羅湯烏冬有d驚喜!! 估唔到小小既coffee shop都幾有水準!!海老天婦羅好新鮮~~ 海老好好食!!個烏冬唔會太淋, 係彈牙既~我最最最最欣賞係個湯底~~ 佢唔係味精湯~ 難以形容係咩材料...不過好鮮甜, 好好味呀!!愛人就點左一份揚物餐, 本來要七味雞塊, 可惜無哂, 轉左炭燒雞塊成個set有飯、有salad、前菜再加埋一杯凍既蘋果茶都係$62!! 抵呀!!愛人話個set係standard水平不過雞塊好嫩, 有炭燒香味, 好食佢好鍾意杯蘋果茶, 飲落好清新唔係好似糖水咁等個甜字好快飲完想再黎多杯喎...haha XD本來食完兩個餐已經飽飽地點知老闆推介我地食甜品, 我對甜品真係0

連續幾日公眾假期, 超鐘意外遊ge我竟然無去旅行… 留係香港, 真係要動動腦筋搵野做下~ 呢日就relax下, 訓左一日, 之後去左大圍massage~ 咁當然要食埋飯la~ 見到呢間餐廳係 “開飯熱店”, 就嘗試下~蜜糖腸造得好精緻, 好可愛!!! 花小小心思就可以將普通ge腸仔變成得意又可愛~ 佢有番茄醬同沙律醬, 我覺得用沙律醬好食d~墨魚丸其實普普通通, 晤夠燒汁, 無特別.叉燒烏東叉燒: 瘦肉同脂肪比例剛好~ 所以幾好食~烏東: 係煙韌ge~ 食落口好好食~~湯: 味道偏甜, 係我ge至愛~蘋果茶味道其實同一般ge茶無分別, 亦晤會覺得濃味, 但聞落去就好香蘋果味~ 有一種好舒服ge感覺~Overall: 裝修要比個讚佢! 好日本家居feel, 雖然晤豪華, 但布置做得好detail~ 有相, 有畫, 有書桌, 燈光柔和, 整體感覺好relax, 好舒服~ service方面, 其實都好helpful, 但可能因為晤熟手, 所以落漏單, 叫佢加番都晤記得加, 係唯一失望之處…