屋子生活 (已結業)

知道友人最近心情不好，便想起一定要帶他來「屋子」放放鬆！甫坐下，即被這裡的格局吸引著，陽光折射在落地大玻璃，好讓微光灑在餐桌上，份外温暖。😊《醬油鯖魚定食》起初以為是平常吃到的燒鯖魚，反而是將鯖魚蒸熟、再淋上日式甜醬油，味道不咸之餘，魚肉也不會因過熟而太乾。除了主食外，每份定食配上珍珠米白飯、麵鼓湯、前菜和指定茶品。今次便選了《抹綠奶茶》，不重奶茶味，送上來時也不太熱，整杯味道偏淡。《和風漢堡定食》餐廳推薦，也特別有所期待。🙂自製漢堡扒舖上了半熟荷包蛋，旁邊還有薯仔沙律，賣相精緻且豐富。尤其欣賞漢堡扒，烹調時間剛好，整塊能鎖住肉汁，再配上甜甜的日本燒烤汁，提了肉扒的牛肉味，也不會太口渴。《蘋果金寶撻》雖然吃掉整份定食已很飽了，所以我們點了這份「小甜品」。熱騰騰送上的蘋果撻，果肉分明、餅皮鬆脆，有少許甜但可接受。伴著的還有舖了紅豆蓉的抹茶雪糕。一份甜點，兩份滋味，即使小小的蘋果撻，卻帶給我倆幸福感呢！💕每天勞勞碌碌的生活讓人透不過氣來，放假有時都想過得寫意點，不妨可到「屋子」慢活一下也是不錯的選擇：）

兩年前來過之後 一直都好想再嚟 上星期終於有機會再嚟喇 心𥚃一直充滿期待😍😍去到即刻有位又係好好彩不用等位 哈哈✌🏽是次點了和風漢堡定食 食物好快上枱 先講前菜 白蘿蔔 平時我不喜歡吃的 今次吃了兩塊 覺得都幾好味 好淋又無咩蘿蔔個種生味 可以接受 面鼓湯 味道適中 不過鹹又不過淡 平時我又不太喜歡飲面鼓湯嘅 但哩個又okay喎😆☺️白飯係珍珠米 再配上茶漬 好軟熟又好彈牙 至於漢堡 有少少過熟 但都可接受 個漢堡扒上面有隻煎蛋 感覺上好似有點不太搭 不過隻蛋係半生熟 可以撈飯🍳🍚 餐飲係杏桃茶 我覺得係伏 飲左一啖唔想飲 不過係自己嗌嘅就儘量飲啦😐😐即使好飽 都堅持要點個甜品 佢就係蘋果金寶撻喇 即叫即整架 要等25分鐘 等咁耐都係值得嘅 賣相好靚😍😍金寶撻好脆好香 入面啲蘋果蓉都好入味 再配上抹茶雪糕🍵🍨好味到不得了 雪糕唔會好快溶 仲好有抹茶味 真係要推介哩個甜品