Sense Cafe (已搬遷) 新店位置

同朋友晚飯後，搵甜品食既時候，見呢間一直係想試名單內既一員，奈何元朗太遠，而家佐敦有分店，即刻行入去一試究竟。一打開蓋已經有一種甜香溢出，呢個甜品本身係熱辣辣上枱，再加上雪糕，口感特別。朱古力心太軟，一切開就有杰杰既朱古力漿流出，唔似一般食開既較稀，再加上外層蛋糕同cream，配搭一流，雪糕係蜂蜜脆脆，一個未食過既味，十分香蜂蜜味，有少少似焦糖，但較為香。招牌盆栽tiramisu，唔算太甜，最為欣賞係佢底層酒味香濃，仲有爆炸糖，一個好玩好食既甜品。