Papa (已搬遷) 新店位置

10-3-2020 (Tue)同女同事食晏,佢揀咗呢間,睇完menu,佢好快就決定要$88.00嘅卡邦尼扁意粉,我要$88.00嘅芝士菠菜焗釀大蘑菇配薯菜,兩個都要橙汁.落完單,waiter即刻喺女同事後面張枱,拎兩碗湯嚟,睇見應該係蘑菇湯,味道清淡,食到啲粒粒,應該係薯仔粒.橙汁到嚟,飲管係紙造,橙汁唔太甜.然後卡邦尼扁意粉到嚟,我冇問女同事覺得點,不過太多汁,有啲似湯意,而最後漏到食唔晒,都剩返幾多吓.而我嘅芝士菠菜焗釀大蘑菇配薯菜呢?等得幾耐至到,因為要焗吧,睇見有3個蘑菇,焗到好熱,蘑菇肉厚juicy,釀上去嘅有菠菜同番茄粒等,味道清淡但又不失惹味,唔錯.薯菜方面,薯仔嘅調味係有落黑椒吊味.埋單$183.00因有加一.2.5分呢篇食評分數只計我嗰樣.

今晚我地黎左Papa食晚餐🥣(京瑞廣場一二期而家開左好多餐廳🍴馬鞍山有野食啦😆)餐廳環境都幾舒服，個staff見到我地拎住好多野，就幫我地轉去4人圓枱，坐得舒服d 👍🏻晚市有set dinner $148-$238包左甜品🍮同一杯飲品🍹我地叫左<炭燒羊扒配薄荷香草汁☘️>羊扒賣相唔錯，有3大塊，肉質軟淋入味👍🏻不過切開就偏多肥膏><我地仲叫左<海鮮🐙墨汁意大利粉>墨汁冇新鮮墨汁應有既味，意粉🍝食落好易斷😕不過意粉份量都幾多海鮮每款仲有2隻，有蝦🦐、青口、墨魚仔另外叫左<Papa Orange沙律🥗>有雜果、好多蝦、同沙律菜🥙配個芒果醬汁🥭呢個沙律以$88黎講有d貴，因為生果唔甜，份量又唔多，個芒果醬汁唔夠甜😐餐湯係蘑菇湯🍄飲落有粒粒蘑菇蓉，味道正常總括黎講食物味道一般，以呢個價錢黎講偏貴><但服務唔錯，坐得舒服，唔嘈，幾啱傾計

石門對我黎講好遠, 但朋友話就喺石門站旁，且環境十分舒適，最啱gathering，餐廳有配套即使帶埋小朋友都冇問題。好啦，即管一試!第一次黎京瑞廣場，真係一出港鐵站就到，餐廳出面仲要有個大廣場，適合俾小朋友食到悶出去跑跑跳跳。