日月堂

營業中

休息中

日月堂台灣菜都係一直咁好食食左好多次台灣菜都係鐘意幫襯日月堂，無論麵同飯都一樣出色滷水雞翼麵同紅燒豬腳拌麵都做得好入味湯底同麵條好夾好入味，雞翼唔係細隻，都十分大隻多肉，口感勁正又入味，豬腳都好有份量又入味，全部都整得好入味小食有朱古力吐司同虎咬豬(包)虎咬豬豬腩肉好香口，配搭好好食，吐司香脆可口，而且好大片，朱古力脆脆口感十分好飲品好大杯，百香果綠茶同桂圓紅棗茶都唔錯店員服務好又做野快手，個個都好有禮貌價錢黎講都好抵食，而且開左咁耐水準都保持到，所以幫襯幾次都係咁鐘意食，黎觀塘必到

觀塘工廈咁多台灣嘢食 呢間出咗名抵食又大份 賣相夠靚味道都好地道❣️牛三寶麵 $80一碗有齊牛腱肉 牛筋 牛肋條 份量十足絕不hea貨香濃牛肉湯底長時間熬煮非常入味 牛筋腍身入口即溶 彷彿花膠一樣 麵身飽滿而厚實 掛湯能力極強 淺嘗一下口腔都充滿香醇牛肉香❣️起司雞排便當 $63平時便當都係一般嘅炸雞排 見到呢個芝士雞排即刻話要試!!! 🐣即炸即淋嘅芝士熔岩影完相都仲可以牽絲 罪惡感十足滷肉飯採用相對冇咁肥嘅部位 注重健康嘅香港人一定會愛上飯身吸收滷肉飯汁 完美還原濕潤地道嘅味道❣️虎咬豬 $36中間三層肉油脂豐厚 閃令令嘅賣相相當吸引 連埋香蔥酸菜一齊食中和油膩感 一口氣食晒成舊真係好滿足❣️炸甜不辣 $38切成一條條嘅甜不辣外脆內軟 撘配甜辣醬調味🍢彈牙軟熟 係值得一試嘅台灣小食❣️凍珍珠奶茶 $28煮得淋嘅珍珠係珍珠奶茶嘅標配🧋點可以唔試呢個國民飲料❣️凍鳳梨紅茶 $15香甜鳳梨香同偏濃紅茶嘅組合 係充滿夏日嘅味道🍍

相信大家都有聽過呢間台灣菜，餐廳上年開業至今都好受歡迎。 本店前身位於小西灣，叫「日月台灣料理」，同樣售賣多款台式美食鬱，但環境較細，最後喺19年底結業。 餐廳以水泥風格為主調，但門口放咗個垃圾箱，影響外觀。 牆上有好多油畫/海報，當中有英國法國城景圖,面具人，mee計劃海報，政治字句等。 午餐（w /前菜，冬瓜茶）-紅燒牛肉麵$ 75價錢正常，好多餐廳都買$ 47-80。 湯底好特別，顏色好深，唔清澈，睇唔到入面，與別不同。 聞落有陣獨特風味，好似落咗花生咁。 口感濃厚，牛骨味濃鬱，有少少果甜同藥材香，偏重口味，但真心好似加吃花生咁。 牛腱肉炆得非常軟淋，酥嫩無比，肉味香濃，筋位非常入味，有少少入口即化嘅feel，但同時出現「節肉分離」嘅情況。 麵條用上上海幼麵，熟度剛好，有些少粉香，掛湯能力強，但我就麻麻呢咁掛湯嘅麵條，因為湯頭都幾濃吓。 蘿蔔燉得耐，但食落太鹹，弄巧反拙，要飲一大杯水先得。 配菜有娃娃菜同酸菜，呢碗麵都幾高分。 前菜係炸蕃薯，但放到淋鬼曬，入面仲係凍嘅，好心餐廳唔洗擺啦。 起司肉鬆蛋餅$ 40題外話:呢個係最多人推介嘅野，但我發覺大多台灣菜都係最多人推介蛋餅類嘅野