馬來椰爺

營業中

休息中

📍大角咀 𝚃𝚊𝚒 𝙺𝚘𝚔 𝚃𝚜𝚞𝚒❝最好食既叻沙🍜自家製咖央多士🌿🍞值得等一個鐘!❤️超高質既心機之作!❞見米紙大推🙌🏻放工即刻沖黎 都等左一個鐘位😳完全值得!❤️可以話係我食過最好食既叻沙💯🥰食得出足料同係心機之作 仲要無味精我放心飲晒個湯😋食完就知點解米紙比5/5分👍🏻點解要等咁耐位 太多熟客番轉頭食🥹咖央醬都係自家製🌿好高質! 老闆話營業以外既時間 全部都係用黎煮醬料熬湯底😳製作需時 所以每日淨係營業5個鐘多d🙈feel到老闆對食材既堅持同執著! 🦐虎蝦帆立貝 三重香蝦叻沙湯摻摻 $98 (5/5)中意蝦鮮味/海鮮控既一定要叫呢個!❤️叻沙香mix蝦鮮味既湯底🥳微辣惹味+鮮味十足又濃郁! 米粉油麵掛滿/索晒湯😍除左2大隻虎蝦同帆立貝 仲有大量櫻花蝦 爆炒辣香蝦同蜆粒🦐聽講老闆遲d會推出「五重」🤯難以想像有幾咁濃郁!🦀原隻炸軟殼蟹 蜆肉 椰爺秘傅叻沙摻摻 $118 (5/5)呢個湯底係鎮店signature! 叻沙mix椰奶香🥥湯底好濃郁厚身 椰香好重😍軟殼蟹炸得夠薄脆 廚師堅持去除蟹腮蟹腸 係心機+功夫野!👍🏻呢款比蝦湯款冇咁惹味(當然還是好濃郁)中意椰香既可以揀呢個!😝🌿🍞鮮牛油 班

大角咀一到夜晚，除咗酒吧，其他餐廳多數門可羅雀，但喺富多來偏偏有間馬拉餐廳仔誇張到，天黑都要等位好彩大胃早啲到，免受等位之苦呢間有好幾款湯底嘅摻摻選擇，其中呢款招牌椰爺秘傳叻沙湯底，自家製醬汁，真材實料熬製至少9粒鐘，唔需要味精，已經非常香濃，而且好暖胃軟殼蟹大大隻又夠實，唔會好空氣感，去咗蟹腮同蟹腸，放心食用，浸吓湯底食，更係好食到癲咗。食到一半，再唧啲青檸汁落湯底，頓時變咗另一種風味，更清新更有南洋feel另一碗就係三重香蝦叻沙湯底，混合咗叻沙香蝦、日本櫻花蝦、爆炒辣香蝦同虎蝦，哈哈哈哈咁熬成嘅湯麵，嗰種香辣，係史無前例嘅新境界，眼見連蝦花蝦都熬成不一樣嘅紅，就知個湯底幾耐人尋味摻摻唔係用一般嘅油麵嚟撈米粉，而係用類似意粉嘅麵，唔會變腍又更爽口馬拉嘅甜品點少點班蘭多士呢？呢款仲要係溝埋香蕉蓉，組合新奇，咖央醬屬於高難度製作，但竟然都係自家製作，令人欽佩。醬汁易溶，所以一上檯要即刻食，外脆內綿，又唔會太甜，真係五體投地除咗咖央，炸香蕉都係馬拉名物，其實香港好易炸爛，呢間炸完仲咁有質感，保持綿綿地嘅誘人口感，太神奇喇雖然好想飲熱拉茶試吓，不過真係需要凍飲解辣，服咗仲飲到熱飲嘅胃民凍拉茶

自從鰂魚涌間小娘惹執咗之後，就搵唔到一間好食嘅喇沙🥹 今次勁開心喺大角咀試到呢間專食喇沙摻摻嘅良心小店💛 湯底標榜無味精之餘，仲係用咗自家炒嘅手工醬，試完真係大推！小店環境好細得幾個位同埋兩個店員，但係睇得出佢哋好用心，亦好著重食物質素，每個客人食完都會問佢哋意見，真係值得去支持下🥰▪️原隻炸軟殼蟹 蜆肉 無味精 椰爺秘傳叻沙摻摻 $118▪️首先要讚嘅係湯底好濃郁🤤啱晒重口味人士！除咗有好香嘅叻沙味，食落仲有椰奶嘅香甜，比一般叻沙嘅湯底更特別～如果食到膩仲可以加青檸，睇得出小店嘅用心💛 配料有軟殻蟹、蜆肉、魚蛋、豆卜、青瓜絲等，超級豐富！炸軟殻蟹又大隻又有蟹膏，配埋摻摻食一流😍▪️虎蝦帆立貝 無味精 三重香蝦 叻沙湯摻摻$98▪️呢款湯底就冇咁重椰味，係偏重蝦香味🦐因為湯底用咗三重香蝦—叻沙香蝦、日本櫻花蝦、爆炒辣香蝦等製成，食之前記得撈勻個蝦香醬，帶少少辣同勁濃蝦鮮味✔️調料方面同軟殼蟹嗰款都差唔多，又係多到成碗滿晒🤣主角虎蝦都幾大隻、冇雪藏味，帆立貝都幾大粒～▪️馬來炸香蕉 $28▪️見到呢個甜品幾特別，所以特登叫嚟試吓！即叫即炸嘅鮮香蕉🍌外面層炸粉好脆，入面嘅香蕉又香又淋到好似流心咁，外脆內