Sawadee Chef

營業中

休息中

今日趁男朋友放大假，Book左間新開既泰國菜食下。餐廳裝修好Grand，一入去就感受到職員好好服務態度，男朋友仲話有酒店級服務質素。入到去餐廳已經好多人，好彩有Book位，我地被安排坐係落地玻璃邊既位置，景觀開揚，望到成排棕櫚樹🌴 🌴 🌴都知哩間餐廳係中高價位，除左對服務同環境有要求，我地對佢食物都有一定要求。服務同景觀暫時都好滿意，接下來就係食物喇：我地叫左半隻海南雞（$188）、一個虎蝦炒金邊粉PadThai（$198）同一個芒果糯米飯（$108）。職員亦有主動提出幫我地後上甜品👍🏻🦐 虎蝦炒金邊粉 Pad Thai （$198）金邊粉配兩隻虎蝦，側邊有青檸、花生碎同辣椒粉，包住金邊粉既蛋花整得好靚。金邊粉質地偏彈牙，唔會炒到好濕、好黏，入面仲有香口既蝦米。而兩隻虎蝦肉質結實。整體來說係炒得好好。🐓 半隻海南雞 （$188）餐廳用既海南雞醬，唔係傳統既甜鼓油、薑蓉同辣醬，而係餐廳秘製三色醬，兩辣一不辣。綠色係羅勒青檸辣醬、紅色係小小辣、中間就係蒜頭花生。由於我食唔到辣，主要配都係返中間既「蒜頭花生」，由於蒜頭有先炒過，所以比甜鼓油更香口。而辣醬方面，男朋友話羅勒青檸辣醬食落有種真係

疫情下已經兩年無得飛，慶幸我哋仲可以係香港搵到世界各地唔同嘅風味美食，止止痕啦。想念泰國美食既我，最近搵到一間悠閑嘅泰國餐廳，令我勾起在東南亞旅行時的快樂時光。餐廳環境開揚雅致，地方好闊落，柔和自然色調的設計風格，落地大玻璃可望出窗外面，充滿悠閑氣息。餐牌裡除咗有必吃的海南雞，另有海鮮、咖哩、船麵、金邊粉、小食、特飲等，款式特別，選擇種類多元化。海南雞飯    $188這是套餐包括海南雞飯、豆腐湯，海南雞飯擺盤精美，粉黃色的油飯，充滿雞香及香料味。雞肉嫩滑可口，皮薄爽滑，雞肉味道濃郁而且已經去骨，食起嚟好方便。自家製的三色醬汁用來蘸點雞件一齊食，份外惹味，再配合清甜嘅豆腐湯，滋潤順喉。虎蝦炒金邊粉     $198造型特式用網紋蛋包著豐富嘅食材，睇起嚟已經覺得好吸引。金邊粉炒得好乾身，調味亦好均勻，配料除咗大大隻虎蝦外，有蛋絲、蝦乾、豆干、青木瓜、芽菜及蔥等，當然仲有花生碎、辣椒粉同青檸汁伴碟調味，每樣配料都同金邊粉好夾，好難得食到炒得乾身，又唔油膩的金邊粉。芒果椰汁沙冰    $58芒果香味濃郁，口感綿滑，散發陣陣椰子香，味道清甜，新鮮兼解膩，透心涼飲品。鮮榨西瓜汁     $48果

WFH咗好耐，慳埋慳埋咁多日冇用lunch錢，一於食餐精緻啲奧海城有間新開嘅泰國餐廳，環境超闊落，未食嘢食已經可以先食環境雖然佢一碟Phad Thai都要成兩嚿水，但雕琢得好精美，蛋網包得實，厚度平均，大蝦細蝦份量幾多，金邊粉炒得入味，仲以芒果絲作點綴，一大驚喜位海南雞都唔平，好彩佢質素有返咁上下，黃飯椰味好足，雞肉嫩口嘅程度係好容易瀡入喉嚨點埋嗰三款醬，再仔細嚼，多重味蕾享受湯都好有誠意，裡面有玉子豆腐，黃白混色好特別睇到「燒松阪肉」唔知係燒豬頸肉，用日本肉燒出嚟冇咁肥，比較爽口，點埋特製辣醬，更加開胃冇諗過泰國菜會冇芝士年糕，原來係fusion塗上泰式辣汁，真係可以咁夾，成件事升咗呢嚟到呢度，咁嘅價錢，只想食坊間少有嘅甜品，大樹菠蘿雪糕未試過呢？原本預咗佢陣味會好假，但今次好手氣，味道真係好大樹菠蘿呀洛神花同西柚嘅結合，都係未飲過，西柚味比較突出，配合落地玻璃外嘅椰林樹影，當自己去咗泰國啦

奧海城新開的泰國餐廳，店內裝修十分豪華，更有落地大玻璃一覽商場內外的景觀。餐具設計好精美，環境衛生。侍應數目很多，能即時服侍食客。外賣自取更享八五折優惠。虎蝦炒金邊粉 - $198兩隻虎蝦去殼去腸超新鮮彈牙，整個炒金邊粉被煎得精美的蛋花包裹著，旁邊有花生粉、辣椒粉和青檸自行控制份量；炒香的金邊粉集甜酸鹹一身，有茄汁、魚露和羅望子醬味道，層次好豐富，更有些蝦米、青瓜絲、芽菜、豆腐乾等增添口感。曼谷豬手飯 - $138一片片的豬手瘦肉又夾著一點肥肉和豬皮，整塊超軟嫩，肥肉位置更入口即化，有著熱騰騰的滷汁，超惹味。泰式炸蝦餅 - $88三塊即叫即炸的蝦餅酥脆而不油膩，厚厚的肉餅充滿蝦蓉及原隻蝦肉，好彈牙鮮味。椰汁西米糕 - $68/4件兩層顏色分明，奶白色的椰汁充滿椰香又紮實，下面的西米糕軟糯多汁，整件帶點冰涼好清新。