古早味台灣原味 (已結業)

銅鑼灣嘅京都廣場有好多嘢食，呢間古早味就係其中一間。上到去見到裝修係以黑色為主，燈光比較黑暗，感覺私隱度都幾好。➡️ 蚵仔煎 ($52)見咁多人介紹當然要試吓啦，攞到埋嚟已經聞到好香嘅蛋香味，睇落仲有好多蠔仔。食落口蛋味好香，個外皮煎得好香脆，撈埋面頭啲辣醬一齊食，辣辣地咁樣真係好惹味！➡️ 古早味牛肉麵 ($65)牛肉麵嘅牛肉雖然睇落厚身，但其實整得好淋好入味。麵條嘅煙韌度做到好好，只不過份量就少咗啲。➡️ 花枝蝦排 ($38)新鮮熱辣炸出嚟，食入口超熱，炸粉唔算太厚，咬落好脆，蝦肉亦都整到好彈牙，好好食！推介！➡️ 黑糖珍珠奶茶 ($22) + 牛奶咖啡 ($20)飲品方面就正正常常，幾好味。古早味台灣原味地址📍: 銅鑼灣駱克道491-499號京都廣場5樓.............................. 味道😋: ⭐️⭐️⭐️💫環境👀: ⭐️⭐️⭐️💫服務👨🏻‍🍳: ⭐️⭐️💫抵食💰: ⭐️⭐️⭐️⭐️

銅鑼灣京都廣場5樓有間台灣菜，想食台灣野好耐，台灣菜總係好滋味😋小食方面，選擇左鹽酥豆腐，炸到脆卜卜好香，個皮係金黃色。唔會話炸到好油，入面嘅豆腐好嫩滑，一口一件。/蚵仔煎咁出名嘅食物又點會遺留，好多蠔仔，蛋味好香，醬汁好match, 有啲甜。炸紅槽肉，個皮炸得好脆，豬肉夠嫩滑，同埋有小小酒味🤔/主食到我地叫左個農家盛飯再加個干貝櫻花蝦荷葉飯。農家盛飯好多料，有蝦、魚塊、豬肉、雞蛋🥚。配料好足，各種配料都match到，我最中意肥肥豬肉配飯食😂好正👍🏻干貝櫻花蝦荷葉飯又一大驚喜，首先送上枱時已經好香，好大陣蝦香味，飯面鋪滿蝦米仔，飯入面又有肉腸同菇，飯裝滿成個籠，好多好飽好滋味😋/最後甜品時間，都話甜品係我地第二個胃，縱使頭先食得好飽都好，甜品都唔會放過😂芋圓仙草緊係離唔開我地唔五指山，芋圓夠q彈👍🏻

老公今日又係銅鑼灣附近做完野，經過樓下有人派傳單就入咗去試呢間台灣餐廳。一入到去舖頭都好大，座位之間都有空間唔會好逼。因為我地都好耐冇食過台灣野所以我地都叫左好多嘢食…首先係個九層塔手抓餅，整得好好食同埋好香九層塔味，整得好香脆同埋唔油膩，如果可以再加多隻蛋咁就perfect啦。之後就上左蒜味鹽酥雞同埋蚵仔煎。鹽酥雞一上台已經聞到好香，調味岩岩好又唔會太咸，炸完應該有一兩分鐘先上台所以食既時候唔會辣親口，雞肉本身都好嫩滑，真係好有台灣既風味。蚵仔煎面頭有啲用辣醬溝成既醬汁，少少辣加埋蚵仔好夾，成個蚵仔煎唔會整到一pat野咁，蛋同埋蚵仔加埋個醬汁真係好惹味，老公切開咗幾份我地轉個頭已經食哂！古早味牛肉麵既湯底好濃，飲得出應該係用左好多材料煲成而唔係用湯包，每條麵都掛到湯再加埋煮到好淋好入味既牛肉真係好好食。入面仲有兩大舊紅蘿蔔，可以中和到食牛肉麵有少少滯既感覺！黃金炒飯一上台已經聞到好香，仲加入咗台灣香腸，成個飯炒得好有鑊氣之餘飯粒都係粒粒分明。蔥餡餅有4塊，細細舊但入面好多汁，加上皮薄同埋面頭有煎過，每人食兩舊都唔會好油膩。老公嚟到當然要叫黑糖珍珠奶茶啦，黑糖味好濃好香，有少少掛杯既感

人生在世流流長都未試過食台灣野，平時台灣野比我既印象就淨係魯肉飯同肉燥飯所以都冇乜興趣，但今晚個朋友突然之間話好想食台灣野，係佢既極力鼓勵下我地上網搵到呢間，首先出升降機就見到好多人排緊隊，應該有好多人食，所以都幾好奇究竟有咩食，到去環境幾舒服，有足夠空間比人行，我地揀左坐bar台因為唔洗等，職員見我地咁住背囊又主動同我哋講枱下面可以掛袋，食都食得舒服4啲，我地一口你氣叫左四樣野食同飲品，首先係芋香牛奶又係試新野，芋味都幾香而且唔會話好甜，奶味同芋味平衡，我同朋友都好中意飲，跟住就係蚵仔煎，蠔,蛋同膠漿麵粉既比例啱晒，唔會好重粉味，而且每啖都食到蠔配埋個酸甜汁，完美，古早味牛肉麵都係好impress，湯香肉腍！！塊牛肉又厚又夠juicy!! 個麵係闊條麵，好好咬口，至於台式小雲吞真係好細粒，一啖一隻，味道正常，仲有蔥餡餅，真係估唔到入面竟然有湯! 不過如果可以落少啲油煎會好啲，總括而言呢間台灣菜比我一個好好印象！

我一向對台灣菜都頗有好感，今日去到銅鑼灣，突然想食台灣菜，上網一搵，發現古早味都算係銅鑼灣比較受歡迎的其中一間餐廳，所以就選擇左呢間啦。一入到餐廳，就覺得環境十分不俗，係銅鑼灣黎講，座位算幾鬆動，坐得幾舒服，我見到佢仲有一個位可以關上門，做一個細細的private room/area坐低左之後，我地就開始睇下餐牌，睇下選咩野食啦。基本上每一次去食台灣野，我哋都會選擇滷肉飯，蚵仔煎，所以呢一次亦都唔例外，除此之外，我哋仲叫咗海鮮粉絲煲。滷肉飯食落好夠汁，好好食，因為一般食滷肉飯好驚會好乾身，唔夠汁，而呢一個夠汁，味道亦做得好好👍👍蚵仔煎做得都好香口，夠足料，亦都係推介之選。熱食去到最後呢個海鮮粉絲煲，睇相都見到，海鮮份量好足夠，粉絲亦都索晒煲既味道，好好味😛😛😛 最後梗係唔少得要叫一個甜品，就係芋圓啦，食落Q彈有口感，正👍

一直都好鐘意台灣唔多唔少當然係因為佢既地道食物啦又平又好味 花款又多今次去左一間CP值幾高既台式餐廳地點又就腳方便 響銅鑼灣C出口一出對面就見到啦 約朋友就唔怕搵路難店入面都算多二人位 而且間距都唔算好密好岩情侶或同好朋友坐低邊食邊傾計黎到台灣食店一定要試下滷肉飯呢到既滷肉飯肥瘦均勻 油香豐富食落肉質鬆軟 加埋D汁淋響飯上面好野味連平時唔多鐘意食飯既我都食哂一大碗之後我地仲叫埋蚵仔煎呢到同台灣既蚵仔煎有小小唔同呢到既比較薄身 漿少少啲蛋漿多啲食落無咁漏 都幾適合香港人口味我地仲叫左款家鄉豆腐試下起初都唔知係咩黎既睇個MENU既英文知道原來係煎豆腐黎個豆腐幾有驚喜 同埋都有幾多舊下上台時見到咁多醬料以為佢已經唔脆 似紅燒豆腐但夾起發現原來佢有一層挺身既脆皮食到最後一舊都仲脆 好特別飲品我地點左杯芋香奶綠share芋頭味好香 綠茶味就不算太突出不過$15定$18既價錢黎講都幾好!!食飽飯我地仲叫左款甜品就係大熱既芋圓啦 呢款綜合芋圓除左主角芋圓之外仲有紅豆綠豆仙草等等配料 好豐富芋圓 地瓜圓味道好濃 好香甜由於食左咁多野大家都好飽我地就叫左個花茶消濟款茶個名叫做減脂國寶茶味道甜甜地甘甘地朋

由於最近見到呢間鋪頭係尖沙咀紅磡旺角銅鑼灣都開咗分店 見台灣野來講呢間嘅分店都算多於是就的起心去試吓嚟呢度主要係食台灣野 去親台灣鋪頭都一定會叫下佢哋嘅牛肉麵 所以今次首先叫咗一個古早味牛肉麵 $65呢個價錢喺銅鑼灣食一碗牛肉麵都算正常 比起其他連鎖店仲平左少少 食落去個人覺得呢碗麵質素唔錯 主要係因為面嘅質地有少少彈牙唔會一咬就散 同埋佢嗰幾舊牛肉亦都幾厚幾有肉味 所以個人覺得呢個牛肉麵評分係咁多餸入面最高另外亦都叫咗一個大雞扒滷肉飯$75 雖然呢個價錢食滷肉飯偏貴但係叫咗飯之後發現佢嘅份量都幾大幾大碗 建議大家可以叫幾個主菜分享食咁就唔會淨係食一樣太齋除咗兩個主菜之外我哋亦都叫咗一啲嘅小食 分別係麻辣拼盤$68 一開始以為拼盤嘅入面有豆腐嗰啲但係原來呢個係豬肚豬耳雞腎拼盤主要都係內臟 唔鍾意食內臟嘅朋友就要留意下啦另外叫咗一個蚵仔煎 $52 食落去幾有口感 水準正常講到最驚喜嘅可能係呢個嘅花枝蝦餅$38 同埋劉包$28 估唔到呢間台灣鋪既蝦餅比其他泰國越南鋪頭更加好食 咬落去更加有墨魚肉 咬落去勁爽口 下次嚟食一定會encore 另外佢個劉包亦都非常出色 入邊舊豬肉配上小小嘅酸菜食

呢晚同朋友想食台灣野，咁係銅鑼灣附近就搵到呢間叫古早味既台式餐廳，距離地鐵站都幾近，3分鍾路程，上到去估唔到原來星期一都要等位，咁等左一陣我地就入座了，呢間係一間環境唔錯既台式餐廳。餐廳餐牌:餐廳餐牌既選擇非常多，基本上平時你想食既台灣野，你都會係古早味呢間餐廳搵到，個人覺得小食同飲品都吸引，好適合一班人黎叫勁多Share。宜蘭蔥餡餅 $28呢個宜蘭蔥餡餅幾質感幾特別，佢有小小似生煎包，但係內裡係超多蔥，個人覺得味道不錯，不過係有小小油，喜歡油炸食物既人一定會鍾意呢個宜蘭蔥餡餅。蚵仔煎 $52呢個蚵仔煎係我覺得成晚最驚喜既小食，其實古早味既蚵仔煎唔係傳統味道既蚵仔煎，佢係有蛋餅既味道，咬落去味道口感都勁似蛋餅，蚵仔既份量都夠，真係幾唔錯。珍珠奶茶 $18珍珠奶茶味道正常，價錢都還可以，珍珠軟硬度適中，平時食親台式餐廳，我覺得一定要飲下珍珠奶茶！古早味牛肉面 $65古早味牛肉面超好味，牛肉有3塊，超入味，紅蘿蔔都好軟口，一咬就分得開。

同老公去銅鑼灣洗牙，整完都成九點，本來想番屋企果頭d商場食，但是真係太肚餓了，所以上openrice 京都廣場有咩食。不如試試台灣菜，於是上了五樓古早味！點了擔仔麵、醉雞卷、蚵仔煎和炸花枝蝦餅！每樣都很好吃呀，服務員又幾好人，可以下次encore!

好久沒有吃過台灣菜 看到古早味評價甚高 菜式有很多選擇 價錢也很貼地 所以便去試試豬軟骨滷肉飯 ($75) ﹣ 分量很大 豬軟骨炆得很淋很入味 滷肉不會太油膩 滷水味也不錯台式滷水拼盤 (雞翼 雞蛋 腩肉) ($68) ﹣ 腩肉的肥瘦貌似比例相宜 但肉質很韌很乾 吃不到滷水味 雞翼也是不入味 只是非常普通的雞翼 雞蛋素質一般 所以滷出來也不怎麼樣宜蘭蔥餡餅 ($28) ﹣ 應該是即叫即煎 上菜是熱騰騰 餡餅里是滿滿的汁料和蔥 口感上像在吃日式煎餃 味道不錯花枝蝦排 ($38) ﹣ 外皮炸得很酥脆 內餡肉質彈牙 有粒粒爽脆蝦肉 配上甜酸醬汁 挺惹味的蚵仔煎 ($52) ﹣ 蚵仔分量不少 粒粒飽滿 是挺鮮甜的那種 漿粉不會太多 醬汁是帶點辣 感覺跟蚵仔煎不太配 這個是扣分位鹽酥雞 ($38) ﹣皮脆肉嫩多汁 調味粉味道可以 不太鹹 沒什麼太特出的地方總結: 我覺得整體食物素質和味道是一般 沒有好評說的那麼出色 話雖如此 來試一次也無妨 因為價錢是挺大眾化

心血來潮想食台灣嘢, 於是上網搵下有咩選擇,睇到"古早味", rating 又幾高, 決定試試.由於係樓上舖, 樓下有個姐姐拎住 menu 搵客,咁啱問中我哋, 就帶我哋上去喇, 個姐姐好有禮貌!!2個人 ordered 5樣東西:-醉雞卷-蚵仔煎-古早味牛肉麵-台式滷肉飯-手工綜合芋圓雞肉: 有少少"鞋", 雞皮薄而爽, 如果雪凍少少會比較理想味道: 酒味唔太濃, 但懷疑玫瑰露酒落得多咗少少, 偏苦蚵仔煎: 多蠔仔, 有咬口, 蛋味夠香, not oily醬汁: 較濃, 有少少 dominate 咗個食物*如果醬汁分開上會比理想*牛肉: 望落似"鞋", 但係原來好"林", 味道剛好, 夠入味麵: 正宗台灣麵, "煙un", 厚度恰到好處湯底: 不過不失滷肉: 分量多而且好入味, 夠汁完全唔乾**請看圖**飯: 完全負分!!乾!!硬!!1舊舊!!*請參考上圖*手工綜合芋圓: 味道適中但建議選擇熱食會比較好, 太凍令芋圓變得硬整體有少少 overrated, 未有想食到 overweight 意慾,但服務質素理想, 員工態度正面, 上菜速度快!!

上個月啱啱先去完台灣而家已經開始好掛住台灣嘅嘢食...所以我哋今次專登嚟咗銅鑼灣呢一間都幾新嘅台灣野 —-古早味 我覺得食台灣野應該係要食晒好多款嘅小食 所以今次我哋決定唔會一人一個set野 , 小菜（佢個沙茶牛肉都好吸引!!)  ,而係叫好多種小食一齊share ～ 講起小食 我地就叫咗花枝蝦餅$38  蚵仔煎 $52 鹽酥豆腐$38 最咪再加多碗古早牛肉麵$60 一人一杯嘢飲~最後最後當然一定要叫碗三色芋圓$39咁樣先至係叫一餐完美嘅台式晚餐架ma! 花枝蝦餅有兩塊 炸得酥脆 而且啖啖肉亦都見到好多蝦肉喺裏面用料好足～蚵仔煎淋上甜醬 而且好多蚵仔 但實在太多韭菜 對於唔太好韭菜既我 係唯一我唔鐘意既地方～鹽酥豆腐炸得香脆 內裡軟滑 再加埋脆蒜粒同味粉 惹味非常!!!  至於碗古早牛肉麵 牛肉好軟稔 而且好入味 有三大件牛肉 唔錯 另外手工麵好彈牙有咬勁～兩杯飲品都有水準 我的芋香珍珠奶茶 芋頭味濃 珍珠有咬口彈牙 朋友既奶蓋好厚身 最後我哋已經好飽所以將個甜品打包左返屋企食芋圓份量好多啊再加埋紅豆沙甜甜咁非常滿足嘅一餐～～～～

其實我真係好鍾意食台灣菜，特別係牛肉麵，鍾意周圍去食，咁今日就約左個老友係銅鑼灣交收d野啦！咁就搵下openrice有咩台灣菜啦！見到有間新嘅古早味，d食評都唔差，一個去食完就話可以再encore,一個就話唔試就笨，唔試就笨咁緊要!!!!好!一於去試下啦！一上到去，𨋢門開果下都覺得好靚，新裝修，而我係晚市時間去呀！燈光暗暗地氣氛都非常好!咁我地入去啦，職員都好有禮貌咁帶我地去張二人枱，餐廳都坐得幾舒服，咁我地就望下個餐牌先啦！咁佢個餐牌都做得幾靚，有圖片，有英文，而且菜式都非常多，有夜市小食，例如刈包，鹽酥雞，宜蘭卜肉，蚵仔酥等等，而飯類都有台灣餐廳常見嘅滷肉飯，嘉義雞肉飯等等，而麵類就有我最愛嘅紅燒牛肉麵，台南擔仔麵，新竹炒米粉等，還有其它的小炒，款式非常多!飲品都係，以奶茶，紅茶，綠茶及花茶為主，好似都幾好飲咁!咁最後我地就選擇左蚵仔煎，紅燒牛肉麵，滷肉飯，麻油炒腰花，飲品就選擇左菠蘿紅茶及奶蓋烏龍茶。首先黎嘅係蚵仔煎，個碟都幾靚，賣相唔錯，稍為煎燶左少少，咁食落去口有好少燶味，但係可以接受，而做法都非常正宗，佢個漿係用地瓜粉開呀！食落去口感係唔同呀！不過我覺得蚵仔份量就稍為少左d