炑八韓烤 (黃金廣場) (已結業)

朋友推介這個抵食下午茶，今日下午有空就去試一試，$48 已經食到，而且仲要免加一，難怪平日三點都差不多滿座，問店員原來星期六日都有呢個套餐，正！下午茶款式選擇好多，份量大過一份午餐。套餐包括泡菜前菜、韓式清湯、主食及小食。主食我點了蛋包飯，賣相吸引，蛋非常滑，飯不是用白飯，是帶有茄汁味的飯，好味！小食選擇了炸大大雞脾，咁大隻雞脾都叫做小食，嚇親，哈哈！包一杯大大杯飲品，選了荔枝冰茶。之前已經試過炑八午餐，但下午茶嘅配搭非常適合一個人去，一份餐已經可以試多種類食物，好滿足！

炑八一向俾我嘅感覺係一間幾貴下嘅韓燒舖頭，但係起朋友介紹先知，原來佢嘅lunch set其實幾抵食下。今日難得嚟到銅鑼灣，決定同朋友嚟食我想食好耐嘅蛋包飯。今次係我第二次食佢嘅lunch set，睇完個menu發現加咗價，之前食記得加埋野飲都唔駛$50，依家最平嘅餐都要$52🙈。一坐底未叫野食佢已經放低咗個湯同前菜，個湯嘅味似菜湯咁，有椰菜、白蘿蔔、紅蘿蔔同少少蔥，味道唔錯。前菜有拌芽菜同泡菜，芽菜少少辣，味道唔錯。泡菜就比平時超市買嘅辣同咸。雞扒蛋包飯($52)碟飯份量超級多，有四件雞扒，一堆沙律同蛋包飯。雞扒似加咗照燒汁煎， 齋食會咸咗d，但係送飯就啱啱好。沙律加咗胡麻醬，醬嘅份量再多d就好la。蛋包飯用西炒飯做底，上面嘅蛋份量又多又滑，唔錯😋。基本上女仔嚟食應該會食唔曬，我就已經食唔曬d雞扒，要朋友幫手食🙈。荔枝特飲(跟餐+$8)係打卡一流嘅飲品，上次嚟食果陣試曬咁多個人嘅飲品發現其實隻隻味係一樣，得個甜字，所以今次都唔抱太大期望。但係今次有驚喜，佢除咗外表唔同咗之外，依杯野真係有荔枝味，似荔枝味嘅雪碧。裡面有一粒荔枝同兩舊橙，雖然有汽水浸住d橙，不過d橙都係好酸，冇咩事都係唔好