地茂館甜品

營業中

休息中

📍九龍城 𝙺𝚘𝚠𝚕𝚘𝚘𝚗 𝙲𝚒𝚝❝大家既回憶💭懷舊傳統中式糖水舖🍡簡單而細膩既美味😋❞🤎合桃露 $26 (4.5/5)合桃露唔係咁常見 但我自己由細到大都好鍾意食😚呢度既合桃露特別濃厚🥰好濃合桃香味而唔會過甜 感覺好天然 食落肚暖笠笠☺️🤍蛋白燉鮮奶 $27 (4.5/5)我一定會揀熱食🔥奶香味會更出! 質地都算滑溜🤤🍡糖不甩 $20 (4/5)有8大粒🤩用黃糖水煮 好軟糯 我略嫌有點太黏口🤣(可能我中意實淨煙靭嘅麻糬 糖不甩應該係用湯圓皮 所以口感同麻糬會唔同😙)我哋點晒花生糖碎🥜一滴不留🤪꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍地茂館甜品 (九龍城)九龍城福佬村道47號地舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_九龍城🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_港式 #joys_甜品

一直對中式傳統糖水特別鐘情，貪佢好味之餘又健康。而九龍城裡面嘅地茂館甜品喺我心中一直穩固地佔據我最喜愛糖水店嘅頭五位，除咗因為佢哋嘅中式甜品的確非常地道好味，價錢又親民之外，亦同我好耐之前係報道了解過佢哋嘅背景有關。地茂館由1990年開張，所有糖水都係自家手製，一切過程包括磨豆、炒芝麻甚至隔渣嘅網袋都係親自製造，可謂真才實料。個女唔忍心無人繼承爸爸經營咗二十幾年嘅甜品店同時亦希望將中式糖水繼續傳承，所以接手，從學習到與時並進其實都並非一件易事，地茂館咁多年都有咁多捧場客，絕對係兩代人嘅堅持所得嘅。自己近年雖然對甜點嘅熱誠大減，已經一段長時間無到訪，但今次再訪時仍然係十分興奮。今次到訪，見到店面有翻新過，無特別大整修，改變嘅只係燈光更加明亮，餐牌上嘅字體印得更加清晰，仍然保留住以前原汁原味。餐牌上面糖水種類好多，基本上你諗到嘅中式糖水呢度都會有，每款糖水都可以加錢加唔同配料(例如蓮子，薏米白果，湯丸等)，今次食完晚飯先嚟，只能夠叫兩款品嚐。🔸蛋白燉鮮奶(熱)($𝟐𝟕)：燉嘅熟度啱啱好，質感順滑軟身，奶味香濃，糖份適中，唔會過甜，食完後奶味喺口裡面瀰漫，做得相當有水準。🔸軟滑糖不甩($𝟏𝟗

平日九點食糖水，竟然爆晒，堂食又有，外賣又有，外賣仲要唔洗加錢，估唔到淨係賣中式糖水都咁受歡迎。*豆花合桃露 (熱) $26豆花滑，但豆味差好多。反而合桃露好出色，濃郁+香味十足嘅合桃味，質感順滑濃厚。下次我會單獨叫碗補腎合桃露。糖不甩 $19湯圓本身煙韌，但佢過腍，我唔太鍾意佢嘅質感。花生碎偏甜，份量少，唔夠所有糖不甩撈埋一齊食。香滑芝麻糊 (熱) 生磨 $25芝麻糊又滑又厚身，少少張口，杰到面頭有層薄衣。唔好甜唔重口味嘅我竟然覺得佢唔夠甜，芝麻香味又淡，可能黑芝麻原材料出事，或者係炒芝麻火候未到，所以芝麻味聞落食落都差啲。蛋白燉鮮奶 (熱) $27燉鮮奶質地滑身軟身，蛋白冇蛋腥味，奶味香濃。份量滿晒夠一碗，不過我自己覺得甜咗啲，要知道本身奶已經有奶甜味。

話說我由細到大都住九龍區，細細個就開始食哩度。又話說好耐無黎食，成年幾無黎食，都係跟他黎食，甜品依舊keep住高水準，價錢亦非常okay 無錯！佢舖頭係翻新左，不過餐牌依舊，只不過係美化左，令到個環境更舒服，乾淨企理傳統得黎，店入面其他嘅餐牌設計都色彩繽紛，好得意，坐喺度好舒服原盅燉木瓜燉雪耳，潤得黎養顏之餘又可以有豐胸作用呀雪耳燉同木瓜都燉得好淋，加上糖水甜度適中，唔會太甜亦唔會唔夠甜加上仲有好多南北杏，好爽口蛋白燉鮮奶，度度嘅中式甜品舖都會有，不過整得好味嘅真係少至又少咖！哩度燉嘅好有奶味，又滑，而且唔會好散佢地嘅餐牌詳細認真寫上甜品製作過程，用心出品九龍城必食