新南苑私房菜火鍋鷄煲 (海德中心) (已結業)

今日過海食飯，朋友介紹黎到灣仔海德中心嘅新南苑私房菜火鍋雞煲。坐地鐵過黎，由灣仔站出只隔一條街，唔駛5分鐘，非常方便。樓下大堂寬落企理，又有廣告版介紹呢度有不同款式嘅菜式，包括燒烤海鮮串燒、私房菜、精美小菜及海鮮火鍋等，而且價錢都幾吸引。上到黎嘩，人山人海，好多人喎，好彩友人話一早BOOK左檯，一黎就可以入座了。行過見到魚缸有唔同海鮮，生猛龍蝦、大大條象拔蚌等等，絕對吸引海鮮控嘅眼球。朋友話呢度係佢嘅午市飯堂，點解咁講，因為佢喺呢頭返工，午市時間超多人，食飯又貴(坐得好少少都要成百蚊)，但佢發現呢度有超值午餐，$88有老火湯、自選小菜/主食，有茶飲，仲有甜品送。午市時段免收茶芥加一添。而且選擇又多，日日食唔同款式都夠你食兩個月呀，認真誇張。呢度嘅房間用校園做主題，全部都編左名架，有校長室、美術室、實驗室咁，認真鬼馬，最啱一班鍾意Facebook打咭、直播嘅朋友黎一路食飯又影下相咁。最近成日打邊爐，今日轉下口味食下小菜先。小菜款式選擇多，見到樣樣都想食呀。雞煲雖然只係半隻，但份量都唔少喎。而且一黎到已經香氣撲鼻，但原來未食得架，比你聞下架咋，之後要蓋上焗5分鐘先食得。焗一焗再加入油炸鬼炒

一間菜館如果能做到菜式多元化，味道穩定及優質服務，一定能吸引顧客長期光顧，位於灣仔的新南苑正好符合這三方面的優點，難怪這天我們和老爺奶奶專程來吃小菜卻全場滿座～在樓下新南苑的廣告版已介紹新南苑除了私房菜外，還有雞煲火鍋及燒烤海鮮串燒，非常多元化⋯進入餐廳首先見到養著各式海鮮的魚缸，店員說今天海鮮已賣了很多，只剩這些啊⋯餐廳環境以校園作主題，有不同的主題房間，以校園課室命名，如校長室、訓導室等等，牆上都是七彩繽紛的塗鴉，還有特色書法，一班人包一個主題房間聚舊拍照，令照片更具玩味和充滿潮氣﹗雖然這晚的客人以火鍋為主，但我們還是決定吃小菜，小菜款色很多，價錢屬於中價，有好多款小菜都想試啊﹗這裡的雞煲很受歡迎，我們當然也點了個招牌鬼馬雞煲(半隻)試試看，單看顏色已經知道雞煲很入味，上枱時需要先蓋上煲蓋焗5分鐘，然後開蓋加入油炸鬼再抄3分鐘，然後就可以享用了﹗雞煲的醬汁被雞肉完全吸收，所以剩下的醬汁不多，微辣的非常惹味，如果以半隻雞來說我覺得份量算多，而且雞肉都大大件又厚肉，肉質嫩滑，值得一讚﹗第二道菜我們點了蟹肉金粟羹，粟米味非常重，反而蟹肉味被蓋過了，但嚐個鮮甜的粟米羹暖一暖胃，更加好胃口繼

新南苑喺旺角都已經開左一段時間，有唔少好評，加上早前有電視節目介紹過，又再喚起我想試之慾，原來港島區已經有分店，更加方便我，週二晚收工就過左黎食晚飯。一早聽聞過佢地嘅半放題海鮮火鍋抵食，但由於我最近食得太多韓燒打邊爐，預先睇過其他人上傳嘅菜牌，見呢度有小菜可點，就比較放心。餐廳位於2樓，驟眼睇位置唔算好多，尤以大枱為主，枱與枱間空間感足，環境唔錯，坐得舒適。細看之下先知原來佢地設有獨立房間，裝潢都幾有心思呢，廳房以學校為主題命名，例如電腦室、體育室等。特別係頭頂嘅大燈，木桶造型都幾特別。一出lift門已經好快有店員招待，而且聞到好香雞煲味，原來3位以上可以先享用雞煲再轉湯底打邊爐，都有唔少火鍋店走呢個路線而好成功。仲要見到佢地9:30pm開始會做8折，$228就食到半任食火鍋，免加一、醬油，真係抵。搵日收夜要再黎試下。因為我地選擇食小菜，所以店員都好細心，幫我地拆走電磁爐，以免阻礙。餐紙上印有關於新南苑嘅小小背景，係以前觀塘仁愛圍最旺嘅食肆，後來因為重建以結業，輾轉經歷時間，又再喺旺角開店。小菜選擇不少，部分菜式例如鵝掌、花膠海參等，需要一日前預訂，另外中式小菜、炒飯麵飯都有供應，定價