湯煲私房火鍋

營業中

休息中

打邊爐最重要係湯底, 每款都想試, 店員推介水鴨煲$288, 可以食埋隻鴨店員好細心簡單講解有咩好食, 自動幫我地加湯, 收碟, 服務100分醬料$30有6款, 自家製蝦蟹醬最有特色, 似XO醬有蝦頭蝦米蝦膏蝦油湯底加左果皮, 好香藥材味, 聞落似肉骨茶飲完2碗湯後食鴨, D肉好軟, 無牙都食到, 好好味打邊爐點可以無肥牛, 本地手切肥牛$398, 牛味濃郁, 頂級肥牛果然係唔同D蜂巢凍豆腐$68吸收哂湯底味道, 比起食炸響鈴健康D帶子丸$148都係店員推介, 入面有竹笙好爽口彈牙娃娃菜份量唔細, 洗得好乾淨無泥今晚食得好滿意

朋友介紹呢間私房邊爐，話D湯底係手工整，而且好飲，所以就去試下。我地叫左椰子雞煲湯底，小編唔係特別鍾意椰子味，但同行朋友都鍾意，所以就跟大隊。雞係比我地自己落落去。見到雞肉個樣都幾新鮮同多肉。有比D調味料，有心思～老闆娘會幫我地睇火，飲得嘅時候會同我地講，飲哂D湯先開始打邊爐。個湯真係好好飲，一鍋4個人分真係唔夠喉雖然小編唔好椰子，但呢個雞煲令我改觀，因為真係好清甜好味，原來靚野食落真係唔同D！D雞肉質好，嫰滑新鮮，唔韌。調味料都幾齊，平時食開嘅都有。特別介紹嘅係最上排左二嗰樽，係舖頭特製嘅蝦醬，有D似XO醬，不過唔辣嘅，幾好食架～呢度D餸都好靚好新鮮我地叫左個安格斯牛，勁好味呀！！好冧，牛味夠重，唔蘇，又新鮮，勁滿足！個豬都好好食，好新鮮同冧，佢薄切，所以唔洗淥太耐就食得，咁就唔怕太老啦～豆腐吸左D椰子雞湯味好正，而且好新鮮小編超鍾意食蟹柳，打邊爐必點，正！菜超級新鮮同大份，好好食比 menu 大家參考下～ 呢度D食材好新鮮，湯又好飲，物有所值

之前聽朋友講起呢間火鍋個湯底好正，咁啱嚟呢頭做野就順面試下！我就覺得整體都好唔錯啊👍🏻1.鴛鴦鍋（沙嗲煲+雜菜豆腐白湯煲） 沙嗲湯底好夠味，基本上火鍋料唔洗點醬汁都可以啊！而雜菜豆腐白湯就好啱我口味，味道清甜～彤樂評分：9/102.蜂巢凍豆腐 一上枱店員就提我地快啲落，事關凍豆腐淥得越來就越入味，真係要一讚服務好好啊！而凍豆腐吸滿湯汁真係好好味啊！彤樂評分：8/103.自家製蝦丸見到點餐紙有推薦叫蝦丸，所以就揀咗佢！果然無介紹錯啊！蝦丸絕對係今餐重點👍🏻有蝦味得嚟又好彈牙！彤樂評分：10/104.安格斯肥牛脂肪分佈得好靚啊！而且牛味都幾濃～彤樂評分：8.5/105.日本白金腩肉肉質都係好正啊！夠晒鮮嫩～彤樂評分：9/106.酸梅湯打邊爐就梗係要叫返楂酸梅湯嚟下一下火啦！我就好鐘意佢個酸梅湯夠曬酸啦！彤樂評分：8/10