韓脈 (帝國中心)

營業中

休息中

餐廳環境非常寬敞舒適，店員全部韓國人，仲會自動波幫你烤肉。呢度出名味道比較正宗，雖然佢係燒肉店，但係最出名嘅竟然係醬油蟹🦀💭落完order之後，會送上勁多前菜😆 總共有六款，泡菜、醃蘿蔔、菠菜、芽菜、沙律，竟然連醃鵪鶉蛋都有😍 另外仲有一兜生菜俾你包燒肉食😋💭之後會送上一份烤蛋餅，以熱鐵pan奉上，喺韓國食嘅韓燒店都會送烤蛋餅😍幾香濃蛋味，要趁熱食～🦀醬油蟹 $250/1pc、$488/2pcs💭嚟到呢度必食醬油蟹！應該係我喺香港暫時食到最好食嘅醬油蟹！💭隻蟹好鮮甜，一啲都唔腥，而且個汁唔會好鹹，非常好食😍 size就唔算大，一人一隻都得！💭Order醬油蟹會送牛油飯，加咗生蛋黃同埋飯素，個飯就咁食都好好食，加埋啲蟹膏落去更加滋味🤤🍐蜂蜜梨汁生牛肉 $180💭去韓國除咗一定要食醬油蟹，另一樣必食嘅一定係生牛肉😍😍😍 呢度嘅生牛肉除咗有雪梨條之外，仲加咗蜂蜜梨汁，增加佢嘅鮮甜度。有青瓜片俾你夾住食。份量都幾多，好抵食！🐷蜂窩五花腩 （170g） $150💭半肥瘦適中嘅五花腩，𠝹咗蜂窩紋原來咁樣燒起嚟特別好食（又可能因為韓國姐姐燒得好食🤣） 好鍾意五花腩嘅油脂喺口入邊炸出嚟嘅感覺😍 夾生菜

呢間餐廳主打韓式燒肉同韓式料理🇰🇷曾經有唔少電視節目介紹過📺✨先送上多款拌菜，包括涼拌芽菜、涼拌櫛瓜、酸漬蘿蔔、千島醬沙律、生菜、醬煮鵪鶉蛋、泡菜同鐵板蛋餅，全部都可以無限追加💗醬油蟹 ($250/ 1pc)醬油蟹雖然唔算得好大隻，不過夠哂新鮮又滿滿蟹膏，蟹肉飽滿鮮甜，滲透醬油香，醬油唔會太鹹，完全無腥味🦀配上紫菜牛油飯，簡直係絕配！🍚💗特級牛肋骨 ($275)牛肋骨以鑽石形切割𠝹花，肉質軟嫩鬆化，油脂分佈均匀，肉汁完全鎖緊，點少少麻油海鹽令肉味更濃郁🥩💗蜂窩五花腩 ($150)厚切五花腩肥瘦相間，肉質爽嫩更有嚼勁，滿滿油脂香且充滿肉汁🐖一定要加埋韓式豆瓣醬同包住生菜一齊食🥬💗葛根水冷麵 ($98)冷麵質感煙韌彈牙，配料有雪梨片、酸漬蘿蔔、青瓜同熟蛋🍜加入黃芥辣同醋汁，味道酸甜冰涼，非常解膩🧊

韓國菜永遠有一種魔力隔一排就會突然好想食特別睇完韓劇/running man真係流哂口水🤤今日目標係食韓燒🥩🥓🔥叫左受歡迎的蜂窩五花腩+特級牛肋骨一🐷一🐮 最佳配搭食物上枱速度超快牛肉豬肉未燒前都好吸引 望落新鮮肥美用豬脂肪開爐 先放五花腩 燒到外層焦糖色再點醬 加埋蒜頭 夾埋生菜 美味～店員再幫手燒埋牛肋骨會細心問想要全熟定medium佢地燒一定好食過自己燒😆今次將剛燒好的牛肉配白飯😍再飲啖燒酒🤩正每次除左食燒肉外我都喜歡叫一個鍋物今次叫了牛胸肉大醬湯 味道濃郁 配白飯一流食完燒肉大餐最適合食咩？一定係食水冷麵🧊冰涼高湯配埋青瓜水梨 明明食到好飽都可以一啖接一啖用黎做ending係完美👍🏼值得一讚 員工非常細心 態度友善仲有啊📢餐廳原名叫韓珍 最近改左叫韓脈啦

正宗地道韓國料理🥕醬油蟹&牛油飯 1pc$250⭐️⭐️⭐️⭐️☆醬油蟹真係好大隻，而且好多蟹膏，蟹肉鮮甜不會腥，蟹膏再放落有隻蛋既紫菜牛油飯，再加幾匙醬油，跟住再拌勻，成件事夠晒邪惡夠惹味呀～美中不足係醬油5夠鹹，不過滿滿既蟹膏撈飯真係一流👍👍👍🥕蜂窩五花腩$150⭐️⭐️⭐️⭐️☆原條五花腩上，好大條，脂肪同肉分佈均勻，完全係五層，店員好好甘主動過黎幫你燒，完全5怕5識燒，仲幫你剪好肉肉，同埋介紹有咩醬汁同食法，可以點樣點汁食，真係完全有番到韓國餐廳既感覺呀～🥕牛五花肉(150g)$150⭐️⭐️⭐️⭐️⭐️就甘睇牛五花肉好似好多肥膏，不過燒既時候睇住佢慢慢收縮，再燒到滿滿既油脂，跟住放落韓國既洋蔥酸甜汁度，放落口時感覺不會太肥太油膩，因為酸酸甜甜可以解左油膩感覺，雖然未到入口即溶既感覺，但滿口牛既油脂香，又重牛味又易咬，再配上一啖紫菜飯真係好正！🥕50cm雞蛋卷$158⭐️⭐️⭐️⭐️⭐️真係好長好大條，一上枱都o左嘴😯，入面有泡菜同生菜，雞蛋卷偏薄身，好有蛋味又嫩滑，再加上沙律醬同茄汁，成件事好正，🐰食左2件都飽飽地。🥕korean peach juice$20⭐️⭐️⭐️⭐️⭐️好香🍑 味🥕前菜⭐️⭐️⭐️⭐️⭐️全部都大大份，而