老街 (已搬遷) 新店位置

是日路過呢度，見到幾多人等位。八卦睇吓餐牌，原來價錢都幾平，仲唔駛加一，一於入嚟試吓~餐廳面積不大，但依然貼左唔少經典廣告poster佈置，仲播放經典國語歌。「特別的愛～給特別的妳，我的寂寞⋯」酥炸花枝丸$26 - 稍嫌唔夠彈牙，但墨魚味十足，炸到金黃色，幾香口。鹽酥雞滷肉飯$48 - 好多塊鹽酥雞，而且夠熱，味道亦好適中唔會過鹹，除左滷水蛋，伴菜仲有冬菜、粟米同紅蘿蔔粒，幾豐富。餸多過飯，好抵食～鹽酥雞大小適中，仲有成7件，一口一塊，食落好滿足。紅燒牛肉麵$58 - 湯底味道可以再濃少少，牛肉帶有牛筋位，肉質軟腍。麵條就幾爽口彈牙，口感唔錯。所有台灣特飲跟餐都只係$12，冷熱同價!  凍胚芽奶茶加$12 - 好大杯，而且胚芽夠多，飲落味道夠濃，絕不欺場。熱蜂蜜柚子茶加$12 - 蜂蜜味濃郁，杯底仲有唔少柚子肉。感覺呢度嘅飲品雖然賣相普通但味道足夠。晚餐時段，好多人，都幾迫吓。但兩個人一飯一麵一小食兩杯飲品先係$156，每人先係$78，真係好抵食!

眨下眼原本畢業左4年，真係光陰似箭日月如梭..畢左業咁耐都係第1次同Charming食飯，由於佢係沙田番工架關係，我地就揀左個中間點旺角食喇。係又吾知食咩架情況下我地就是但搵左呢間食喇。我點了紅燒牛腩牛筋麵，成碗麵一d都吾熱，湯底好重果皮味我最憎，麵質有點糊，牛腩牛筋都不過不失啦。朋友就點左紅燒牛肉乾拌麵，佢都係話麵質糊糊的。老街風味雞翼，其實都是用滷水汁浸的，只有雞皮食到滷水味，雞肉係一d味都冇。餐牌寫住有5隻但我地果碟有6隻，不過都食剩2隻，吃不下了 鹽酥雞炸得不夠鬆脆，而且肉質乾身鞋口。反而小香腸味道不錯，可以一試可能成餐飯最好味就係杯野飲吾係講笑。

台灣美食，除了勾起旅行的回憶，也有青蔥歲月的回憶。想當年台風盛極一時，經常光顧台式餐館。長大後到台灣旅行，在台灣公司工作，對台灣的回憶就更多更深了。所以嚐到台式美食，都是感慨良多 ～我的青春呀！ 只是潮流多變，近年吹韓風，旺角區出現很多韓國餐廳。紅的橙色的食物，看到就感到很辣。這晚，朋友想選擇中式的粥粉麵飯，不太刺激的食物呢。走著走著，看到年輕時很喜歡的台灣菜！招牌美食：牛肉麵，鹽酥雞，滷肉飯 　剛好有座位，一於馬上就座了。內部裝潢以台灣照片及品牌為主。聽到熟悉的國語歌，就很自然地跟著哼呢！我倆仔細琢磨餐牌後，向職員下單了。　　　酥脆鹽酥雞(小)　　在西門町，士林等旺區一定會感覺到炸雞的香味。鹽酥雞！這種炸雞勝在油炸但不油膩，表面酥脆，中間嫩滑。最特別是，台灣餐廳／小食檔的鹽酥雞，都可以達到味道一致。加上這是餐廳招牌美食之一，質素肯定有保證。　向職員查詢，小的份量剛我好倆二人。點一份小的鹽酥雞吧！　果然香氣十足。表面很乾身，不油膩，而中間雞肉已有底味，炸過仍然保持鮮嫩多汁，感覺與台灣嚐到的没有太大分別。鹽酥雞即點即炸，外脆內嫩，看上去 做法簡單，應該是使用特別的炸粉和醃料吧！