CHIMAC (QRE Plaza)

營業中

休息中

最近又好想食炸雞，一於睇吓港島區有無好味炸雞店先。途經灣仔，見到呢間韓式炸雞好似唔錯，喺香港都有幾間分店，質素應該有保證喇。一於買外賣返屋企眾樂樂。<二人特攻炸雞盒> $178韓國原味炸雞蜂蜜焦糖炸雞想試多啲唔同嘅部位，所以揀咗有骨炸雞，兩人套餐可以選擇原味加一款自選口道。我揀咗蜂蜜焦糖炸雞。原味炸雞炸到金黃香脆，食食吓仲有一陣咖哩粉嘅香味。相信有用上咖哩粉醃製；蜂蜜焦糖口味濃郁香甜，可口不膩。如果雞件可以大翻少少就完美喇。魚糕串炸紫菜卷魚糕串口感彈牙，紫菜捲香口美味，內包粉絲，沾上年糕汁又喺另一種滋味。感覺彷彿重回韓國街頭掃街既回憶。韓式粉絲辣炒年糕粉絲尚算入味，如果香油味再重啲就更好；年糕煙韌，不過醬汁偏稀，有點可惜。兩人套餐仲有得揀飲品，比如忌廉鮮奶、雪碧等。個人都幾推介呢個套餐，雖然份量唔算好多，但勝在小食種類繁多，咩都可以試吓，啱晒一啲胃口唔大但咩都想食既人。餐廳主打外賣，但都有提供堂食座位。依家凡購買消費滿$100，仲會送雞喜發財揮春一張，佈置家裡一流。

喺灣仔嘅每一個角落都充斥着唔少現代同埋經典嘅地點或者係店舖，有啲係多年歷史嘅傳統手工藝或者係食物，就以皇后大道東為例，而家仲多咗QRE Plaza , 🫣雖然睇落好似只係一個好細嘅建築物，但係裏面居然都有幾出色嘅食肆， 估唔到喺呢一度都可以遇到韓式炸雞店CHIMAC😏兩個人一齊食嘅時候，仲有個新推出嘅超值套餐，🤤$200都唔需要就已經可以食到兩款口味嘅炸雞再加兩款小食同埋兩個小主菜仲有兩罐嘢飲，呢個價錢真係為佢獨尊😜原味炸雞— 🍗無論而家嘅味道出得有幾多，但要是到最經典嘅炸雞絕對係原味選擇。🍗為咗要炮製最熱辣辣嘅炸雞，所以order完之後大約都要等10分鐘左右。 🍗新鮮熱辣嘅原味炸雞除咗皮脆肉嫩多汁之外， 可以見到裏面係包含着唔厚嘅炸漿，🍗咁就可以更加食得出原汁原味亦都相對冇咁熱氣， 呢度都有有骨雞同埋無骨雞可以選擇其實就各有特色，投其所好🍗蜂蜜焦糖炸雞— 🍯食完原味之後對於其他味道都係比較常見嘅配搭，但唯獨是蜂蜜焦糖係一個感覺到又香又甜嘅配搭。 🍯而佢嘅形式就係蜂蜜焦糖醬林上原味炸雞嗰度，經過烤焗一段時間之後蜂蜜焦糖醬就會融入咗喺脆皮裏面，🍯然之後當一咬嘅時候就會再慢慢滲透落肉質裏面