糖室 (已結業)

吃貨記憶，離不開食。上至介紹，下至餐牌……提起屋邨大排檔的文青系甜品，零碎片段即從腦海拼湊出。一拍即合，立時起行。食前，心內抱怨著山長水遠唔就腳。一食才知，CP值爆燈，不枉此行。鐵鍋棉花糖吐司 ($56)即叫即焗，約6吋的鐵鍋原個上陣。一看得知烤得剛好，要等20分鐘也是值得。必食！鋪滿士多啤梨、藍莓、粟米片，再加球雪糕。繽紛漂亮，未吃先興奮，絕對要相機食先！翻開一看，內藏麵包粒夾層，構成吐司組合。萬惡的棉花糖，外脆內軟，又是玩拉絲的時候～飽肚度十足，甜品當正餐無難度，建議跟愛人、姊妹（2-3個）甜蜜分享。蜂蜜藍莓吐司條 ($38)加碼要多一份吐司，同樣是超水準之作。別小看那奶白色的一球，是白桃雪糕呢！清香特別，直接把一旁較稀的蜂蜜藍莓醬比下去。（利申：小P分明是藍莓控喔……）回到主角吐司條，鬆脆度完勝薯片。烤香後甜香誘人，不用點醬已經超好食。必食+1！宇治抹茶冰 ($42)越凍越想食雪糕、刨冰，當日在河口湖凍病了亦然。見到心愛的抹茶，自然點上一份。滿滿的一碗，堆成小山狀，對得起這價錢有餘。可惜，拌上煉奶、蜂蜜和北海道牛乳後，抹茶味過弱了啦……是照顧了偏好淡茶的口味嗎？挖著挖著，中間找到

南山邨，相信依個邨名都有唔少人認識，因為一張相而令好多攝影發燒友過黎影相/採訪。已經同依個地方有8年既經歷，雖然變唔大，但位於大排檔區，就多左一間西式甜品店，為依個舊區增添左新活力！黎得食甜品既人，除左附近街坊，我諗大多數都係學生為主，中學、城大等等行過黎，5-10分鐘就話咁易。我同CHICKEN揀正食飯時間黎就冇乜人，室內環境唔算大，再加上落雨就冇坐都出去，而環境佈置主要係楓木色為主，走休閒路線。MEAU設計精巧，圖文並荗得黎夠慳位，不過款式太多太吸引，搞到有選擇困難症！！蜂蜜藍莓吐司條，四條吐司條加一球雲尼拿雪糕，吐司條非常脆身，咬落去「索索」聲，點上藍莓醬令面層微軟，再一啖咬落去，甜得黎脆卜卜，雪糕都可以加上去，令口感更加唔一樣～兩種配醬任點，食落去唔會話好甜，感覺不錯！玫瑰杞子雪耳露，做女人都要滋補下，與此同時比自已機會食甜品，比較中意熱食，口感稠身，充滿杞子既味道，而雪耳滑嫩，有龍眼同紅棗補血氣，生理期既女士唔建議食住～加上玫瑰錦上添花，令到成碗雪耳露賣相更吸引！食落去都有淡淡玫瑰味～宇治抹茶梳乎厘，梳乎厘上面鋪上一層抹茶粉，製作需時要等，再配多個雪糕。內裡軟綿綿熱辣辣，加上