點心到 MIX·大排檔

營業中

休息中

我真係好鍾意去飲茶，食個包嘆杯茶真係人生一大樂事今日帶姑婆去呢間旺角人氣點心店，真係食到Lam lam 脷，難怪人流絡繹不絕🧑‍🤝‍🧑👭👬👫🥢口水雞雞肉嫩滑，口水汁送白飯一流，清甜爽脆青瓜伴碟🥢蒜蓉炒菜心夠鑊氣，菜心莖炒得夠鮮嫩，鍾意爽口嘅朋友一定唔失望🥢$1 鑊氣豉椒炒蜆雖然係1蚊，但份量唔少，仲要全部都冇沙🥢蜆蚧鯪魚球份量有10粒，新鮮即炸，魚肉彈牙，蜆蚧醬味道夠鹹鮮🥢大肚婆炒飯有蝦仁、叉燒、炒蛋、翠肉瓜等配料，飯粒炒得夠乾身🥢杏汁燉白肺湯好足料燉湯，有豬肺、瘦肉、雞肉、淮山、南杏、桂圓聞到微微杏汁味🥢黑金流沙包比茶樓嘅Size細咗少少，雖然我攤凍先食，但仍然做到流沙效果🤤見到呢度晚市有海鮮食，下次拉大隊再嚟食先

餐廳：點心到 MIX·大排檔地點：旺角洗衣街金雞廣場菜式：點心餐牌：餃點類，酥點類，生滾粥，小食，中點類，包點類，腸粉類，飲品，原盅燉湯，甜點類，籠仔蒸飯類。價錢親民。茶位每位$5。蜆蚧鯪魚球 $28蜆蚧鯪魚球一客六球，炸到金黃色，外皮香脆而入面彈牙，魚味濃又無骨，蔥味勁香，真係啖啖肉。面頭加上少少新鮮菜苗。個蜆蚧醬真係有蜆肉，味道少少辣多多鹹。燒汁釀虎皮椒 $27燒汁釀虎皮椒一客四件，三紅一青椒。面頭鯪魚肉份量都唔少，質素同鯪魚球一樣。食落只係微辣，剛剛好。面頭加上菜苗裝飾。燒汁釀茄子 $25燒汁釀茄子一客三件，大大件茄子面頭有半個鯪魚球，茄子同鯪魚肉都係脆皮架！食落好多汁，燒汁唔會過鹹，味道唔錯。豉汁蒸鳳爪 $24豉汁蒸鳳爪一客大概有5件鳳爪，都好淋，味道唔錯。下底加左幾粒花生，都有少少紅椒同綠椒裝飾。醬皇金錢肚 $28醬皇金錢肚大概有5塊，爽口彈彈地牙又滑滑地，個汁少少辣，好惹味，加上辣椒裝飾。配有3粒冬瓜粒降油膩感。榴槤雪媚娘 $35榴槤雪媚娘一客兩件，用金色紙兜裝住，賣相討好。塊糯米皮非常薄，入面包住大量白色忌廉，帶微微榴槤味，唔錯。附上鐵匙羹兩隻。所有點心都係即叫即整，熱辣

近排發現真係好耐無食點心，前排行街後經過見到呢間點心舖，就簡簡單單入去食下點心😆餐廳的點心款式頗多，而且質素不錯，性價比高！榴蓮雪媚娘可以話係超超好食，入面好大舊榴槤肉，味道香甜，外皮非常薄+煙靭，配上cream好滑，一吃難忘～（之後我地仲外賣左2個返屋企😋）懷舊混醬腸粉的皮非常滑香，配上芝麻同花生醬真係最佳配搭黑松露菜苗餃賣相好精緻，而且用料幾好還點了原隻蝦燒賣、蜆蚧鯪魚球和川芎白芷燉魚頭湯，特別喜歡燒賣，是原條蝦放上去，都幾彈口。川芎白芷燉魚頭湯亦非常足料，好香川芎味。下次再來食精緻+抵食飲茶🫖！