籠太子點心專門店 (已結業)

琴晚吃放題吃得太多，午餐想自己一人靜靜的吃得清淡一點。在這類形式的點心專門店，一人吃點心絕對是正常之舉，不像在酒樓一樣，總要一大班人，反倒輕鬆不少。一坐下已經送上熱茶及洗餐具的器具，留意這種港式傳統風。不過以為可以選擇茶種，店內只固定一種，茶芥為$3，不用加一服務費。籠太子蝦餃皇 - $30新鮮蒸起冒出白煙。蝦餃皮薄得隱約可見內餡，用筷子一夾頗有彈性。肉餡由數隻蝦和豬肉組成，有些許肉汁，味道新鮮爽滑彈牙。蜜味叉燒腸 - $26布拉腸粉皮薄得來又不會卷太多層，香滑得來有彈性，與叉燒比例接近一半一半，好香嫩。少許甜豉油調味，不多不少不會太甜或太咸。

本來打算去時代廣場食上海菜，點知去到連排隊都冇得排，原來要預早成個禮拜打電話訂位先有，真係好好生意。誤打誤撞搵咗呢間專做點心嘅餐廳食個下午茶，位置好方便，而且餐廳入邊嘅座位都好闊落。首先值得一讚嘅係食物都係新鮮出爐，所有食物連埋杯茶都好熱咁上枱，而我覺得食點心最緊要係夠熱！我哋叫嘅都唔係啲咩太特別嘅點心，蝦餃燒賣都做得相當有水準，蝦餃皮夠薄，燒賣夠彈牙。小籠包的確好多汁，只係略嫌接口位嘅皮做得太厚。叉燒腸嘅腸粉皮都夠晒簿。雪山叉燒包同埋糯米雞我覺得就同出邊酒樓食嘅差唔多啦。而且餐廳嘅侍應都好有禮貌，成個氣氛都相當唔錯，以上我哋食咁多嘢兩個人埋單都係$174 ，性價比相當高。