蜜瓜爺爺 (已結業)

原來佢半個月前已經執左了😭😭但都想照寫，希望佢遲啲會開番，大家去懲罰下佢🥲之前聽朋友講太子有間蜜瓜奶好好味，就去試試佢💁🏻‍♀️雖然佢個位置真係有啲隔涉，但勝在無乜人較靜😂店舖亦都有啲位比你坐低飲，環境好舒服😌==============================🥤 蜜瓜爺爺 @grandpa_melon📍 太子界限街12號地下A號舖 (太子站 D出口，步行約4分鐘)⏰ 星期一至日 12:30 - 22:00 ==============================1️⃣【蜜瓜爺爺奶】$33黎到蜜瓜爺爺梗係飲蜜瓜奶🍈佢地都係用日本當造嘅蜜瓜，特別鮮甜！🤩望住佢將一片片嘅蜜瓜再加埋明治鮮奶，味道好濃郁！佢完全無加啲咩額外嘅糖漿或者現成嘅蜜瓜汁用料簡單，全部都係即叫即整，特別新鮮🥳(🔥 怒飲指數：9/10)==============================🔥評分：環境：8/10 （外賣）味道：9/10性價比：8/10服務：8/10總分：8.3/10

天口㷫，行街時都想飲杯冰凍果汁解下暑～ 最近途經太子，幫襯咗位於界限街嘅小店「蜜瓜爺爺」，呢度主打日本蜜瓜製作嘅特飲！真係超吸引！ 🤤 睇住大片大片蜜瓜榨成果汁，好治癒！ 店員製作蜜瓜奶中。店員話佢哋嘅蜜瓜都嚟自日本靜岡。我上網查過，靜岡縣蜜瓜喺日本裡都非常有名，平均甜度有18度（一般日本蜜瓜甜度係14度）！以飽滿、多汁同清甜而馳名！於是我立即order蜜瓜奶試吓。 今次我叫咗無糖，想試真啲蜜瓜原味🍈 不塊係18甜度！無糖都好夠甜，飲落口勁清甜，加咗奶，質感更順滑，成件事好高質。 🤤大推！ 蜜瓜爺爺係界限街一角，經過飲一杯消暑一流！ 其實一杯廿零三十蚊，真心唔貴！P. S. 我曾行360超市，見過靜岡蜜瓜，一個差唔多賣緊約一百蚊港紙！落完訂單，見到店員大塊大塊咁將啲蜜瓜肉掉入榨汁機榨，果下真係有啲擔心佢哋會蝕錢（？）😂 總結嚟講，蜜瓜爺爺係幾抵飲！

太子與深水步交界有非常多小店,今天總算見識到,因為從來沒有認真探索過太子這個區域,對於香港人來說,太子就只是一個有待平反的傷痛歷史吧。蜜瓜爺爺是一間比較新的飲品黃店,在開飯啦的食評不多,所以可以參考的意見較少。這是一間鮮榨的果汁店,提供四種水果:蜜瓜草莓藍莓牛油果,並再細分為果汁、果汁奶、果汁椰奶三種。今次試了兩種:蜜瓜奶及蜜瓜椰奶,都是33元。蜜瓜奶 5/5分 - 非常有衝擊力的飲品,啖啖都是鮮甜的蜜瓜,非常高質素的水果奶,一定給滿分！蜜瓜椰奶 3/5分 - 椰奶蓋過本身主打的蜜瓜味,稍為可惜建議大家先試蜜瓜奶，因為味道太驚天動地泣鬼神了!超級力推的水準之作!黃店必撐!下次再來!加油!

由於想飲d 健康飲品，就去左公司附近買左杯蜜瓜奶飲。店舖設計係開放式廚房，客人可以睇到店主點幫你整杯蜜瓜奶，制作過程透明度好高。蜜瓜奶無落糖，但唔會好淡，而且因為都放左好多蜜瓜去榨汁，所以都好重蜜瓜味。如果咁岩經過太子都可以去幫襯支持下呢間高質小店～～