Goobne Chicken (The Hart)

營業中

休息中

午餐想食韓式烤雞，烤雞選擇很多，心大心細，決定跟朋友各點一種口味。先來的是餐飲，除了汽水也有熱飲，適合冬天想飲熱飲的我。另附上凱撒沙律作前菜。未知是否疫情下員工不足，等了挺久才送上主菜烤雞。先到三重芝士烤雞，烤雞上灑上三種混合芝士粉，咬下立馬感受到濃濃芝士香，雞烤得夠香滑，不錯。另配上醃酸白蘿蔔及薯角，很豐富。蜜糖咖喱烤雞主菜。烤雞稍微帶有咖喱香，外層塗上厚厚的蜜糖，又甜又辣很過癮。比三重芝士有另一番味道，兩道烤雞也美味，不錯。最後送上魚糕湯，熱辣辣，但味精味較濃，可以放棄。

星期五放工，同朋友諗唔到食乜，突然之間諗起呢間烤雞！！由其係蜜糖咖喱果款😀食過幾次都覺得好好食😉第一次黎尖沙咀呢間分店，星期五梗係多人Happy Friday架喇，我地拎左飛都排左20分鐘左右。呢道啲座位都比較逼，袋都冇位放，建議可以仿效啲餐廳擺個籃俾人放袋，如果唔係攬住個袋食雞都幾呢hea....職員安排左我地坐左係一個燈光比較暗嘅位，影相冇咁靚😴呢間餐廳啲野食出名大碟，我同朋友兩個人都嗌唔到好多樣野，我地一共嗌左兩樣😂鐵板芝士泡菜炒飯首先當然要將啲炒飯同芝士撈均佢，芝士真係百搭呀😍好好食，份量好大，芝士拉絲😍如果再熱啲會更好😅由於我地好肚餓都清晒蜜糖咖喱烤雞每次黎必點！每件烤雞都占滿左蜜糖，雞件一咬開都肉汁豐富😋😋😋😋蜜糖味又不會搶走咖喱味！真係好好食啊😋我要俾5粒星！啤酒🍻烤雞都要配啤酒！！Hite係韓國啤酒，個人鐘意hoegaarden多點整體黎講呢間食烤雞真係唔會黎錯嘅！同埋好岩一大班朋友黎食，因為啲野夠大碟😂

之前見網上面話佢出左新menu, 上去諗住睇下多左啲咩架咋，點知見到一堆人排，又抵唔住頸排埋一份，好無定力丫！🤣🔹蜜糖咖哩烤雞 $195蜜糖味香甜，加上淡淡咖喱味烤雞皮好薄，幾脆身，一啲都唔油，感覺好健康，可惜肉乾身左少少🔹韓式炒粉絲雞蛋卷 $148蛋煎得好靚，夠力包住啲餡得黎，但一啲都唔老粉絲份量好多，再配上午餐肉、芝士、蔬菜午餐肉味道好出，芝士重係半溶再加上蔬菜提供額外口感，整個雞蛋卷口感非常豐富🔹泡菜煎餅 $108韓國傳統泡菜餅，加入蝦同魷魚酸辣味好出，幾開胃加上係用鐵板上，熱住食，香氣更加四溢

同朋友一行五人係尖沙咁食lunch，係公司附近有呢間烤雞店，就trytry佢啦😌Menu上有簡單介紹下佢地既idea同做雞既方法，係烤雞唔係炸雞喔。黎烤雞店緊係要食烤雞啦 !!! 😍 影左個正價既價錢比大家睇先。午市套餐$98係包括半份烤雞（可揀有骨/無骨），沙律或魚糕湯，飯，薯角，飲品。我哋除咗叫午市套餐之外仲另外叫咗個韓式炒粉絲雞蛋捲。雞蛋卷包得實淨唔會一咬就散開晒，包埋粉絲一齊食口感好新奇😛玉竹茶。鐵板芝士泡菜炒飯，滿滿嘅芝士包圍住個飯🤤味道好夾食完亦都唔會太膩。朋友話一定要叫呢個蜜糖咖喱烤雞，雖然兩個味道係好唔同嘅嘢，但因為佢咖喱味唔會太重太濃，所以放埋一齊個味道出奇地幾好食，食到甜味之餘亦都有咖喱嘅香味😮魚糕湯嘅份量都唔細入面亦都有兩至三塊魚糕，仲有少少辣，正(˶‾᷄ ⁻̫ ‾᷅˵)呢個係果味蒜香烤雞，食落去有好香嘅蒜味👍🏿呢個係黃金酥脆烤雞，只有呢一份嗌咗冇骨。本人最鍾意係食呢一個味道😍咬落去仲非常之juicy! 有肉汁流出黎！整體來講因為佢係一間烤雞店唔係炸雞店，所以雞肉都唔會太油膩，同埋感覺上健康少少🤣

打風前夕 去醫飽個肚 黎到呢間韓式烤雞🤗餐廳好大 唔洗等就入得去鐵板芝士泡菜炒飯 可以見到滿滿嘅芝士包圍住炒飯 炒飯上面有隻荷包蛋同紫菜 我決定將佢撈勻 由於係鐵板上 芝士仲有半融化狀態 同炒飯撈勻後 每一口飯都有芝士嘅煙銀口感 而且炒飯的泡菜加埋洋蔥和其他配料嘅炒飯 味道好濃郁 而且唔覺膩👍🏻另外我地叫左蜜糖咖哩烤雞 份量非常多！其中有雞除 雞翼 同雞脾件 雞嘅size好大隻 而雞皮亦都烤到非常脆 由於係烤嘅原理 雞皮冇炸粉 所以冇吸到油 好乾身而蜜糖咖哩味好配合 甜甜地辣辣地👍🏻呢度嘅雞可以講係皮脆肉嫩 雞肉係有好多肉汁 而且好滑👍🏻 啤酒配烤雞 一流👍🏻

約左好久的閨蜜晚餐我哋選擇咗係尖沙咀嘅赫德道，地方就腳，靜靜地傾吓計好過Bar restaurant😌呢度環境好韓國feel，店員都好親切，細心今晚落雨，店員安排左我哋坐窗邊，一路食嘢一路講近況，好舒適好有意境，為整頓晚餐增添左色彩點了一碟蜜糖咖哩烤雞，放在桌上，好似一件藝術品，肉質很滑，很香口，蜜糖味甜度剛剛好，帶小小咖喱幑辣，連唔食辣嘅都接受到另外再點左砂鍋魚糕湯，賣相很得意，色彩繽紛繽紛，各種唔同嘅魚肉都有，個湯好鮮甜我哋飲咗大半咁多肉當然要點返個沙律中和下，好大一盤，真係物如其名，成件盆栽藝術品咁，有少少唔捨得食😅朋友想食芝士就點左個芝士烤雞串，同樣地都係好大碟，一條蔥故夾住一件烤雞，好香口，而且不油膩，整盤芝士煙煙韌韌飲品方面，好有特色，點一杯全晚都飲晒，因為同樣地大大杯我哋又發掘左一個新嘅聚腳點，三五知己飲嘢吹水冇得頂

同好友諗唔到食乜好？近排韓風吹襲，突然醒起食韓式炸雞，(Goobne Chicken)在韓國都有成千間分店，而在香港都開左幾間分店，所以都好方便！呢間主打係非油炸烤雞！諗起都勁想食！我們去到人流唔算多，可能平日的關係！唔駛等就己經可以入座！我們叫左個凱撒沙律，整體嘅感覺好新鮮，沙律菜夠晒爽脆，而且又有車厘茄麵包糠，材料相當豐富！蜜糖咖喱烤雞，好有蜜糖味，再加上有咖喱味，外脆內軟，好juicy,勁好味！但兩個人食，份量會太多，食唔到其他野！黑朱古力芝士拿鐵，太甜，覺得麻麻地！鯊魚之涙,呢杯仲可以俾你選擇有酒精同無酒精！我朋友就揀左杯有酒精的！飲落都好特別，酸酸甜甜，都幾好飲的！

同朋友聚餐，一大班frd 子最好食韓國野! 黎到酒吧林立嘅赫德道，夜晚好旺，要黎記得訂好枱，用餐時間限90分鐘。叫service 可以用枱面嘅鐘，店員好快就落好哂單。魚糕鍋熱辣辣上枱，魚糕非常軟滑，湯汁帶少少香辣，仲有雞蛋同蔬菜配料。最鍾意呢款魚糕，腐皮入面有爽滑粉絲，好有層次!雞蛋卷好大條， 又足料，蛋卷好滑，每次黎都必食!蜜糖咖哩烤雞，甜甜地帶咖哩香味，份量好多，烤雞都可以又脆又嫩滑，厲害!果味蒜香烤雞，168蚊，呢款醃得更加入味，加d 檸檬汁更好食。芝士炒年糕，好大碟! 大量芝士係底，上面放滿韓式辣醬年糕，魚糕同即食面，非常邪惡了吧～到叫飲品時間，鯊魚之淚夠哂誇張吸睛，真係好似冰封嘅大海!朋友叫嘅蘋果酒飲品，下面係似雪碧嘅沙冰，非常大杯，兩個人一杯都ok我叫左柚子沙冰，都係好大杯，酸酸甜甜又冰涼，配烤雞唔錯!每人大約230蚊，係大班朋友聚餐唔錯嘅選擇。

自從來自星星的你播出後，香港捲起左一陣食韓式炸雞嘅熱潮，各大韓式炸雞店係香港開設分店，高峰期嘅時候排成個鐘都未必有得入。Goobne就係熱門炸雞店嘅期中一間。係我試過唔同嘅炸雞店之後，Goobne係少數令我做回頭客嘅一間，在我眼中，佢絕對係香港韓式炸雞店中嘅冠軍。是日同朋友慶祝生日，佢話想食韓式炸雞，我二話不說就預約左goobne。Goobne同其他炸雞店主要嘅唔同在於佢地嘅雞多數都係烤嘅，感覺會比較健康。咖哩蜜糖炸雞外層非常香脆，雞皮上塗滿左厚厚嘅蜜糖，再點埋特制嘅咖哩醬食，令人回味無窮。芝士年糕個人覺得無咩特別。呢個柚子韓式米酒係好似沙冰咁，飲落非常酸酸甜甜咁，非常適合夏天飲。

今日終於一嘗這 Goobne Chicken，這間近來極受歡迎的韓國炸雞餐廳,果然非同凡響，烤雞非常出色，難怪6:30pm已開始有人排隊。我們去的是尖沙咀分店，好好彩等了一陣比待應編排坐了窗邊位，可一邊食烤雞一邊看街外景物，極其享受。這間尖沙咀韓國Goobne Chicken 餐廳都算大間，坐位勁多，而且部份是露台位，最厲害是不到7:00pm已全場爆滿，外面還有數十人在等位，淨食雞都咁誇張。不過，又實在太美味，食完包你有下次。我們order了蜜糖咖喱烤雞$168元，原隻雞烤完再斬件， 熱騰騰即製，美味又香脆。實在太出色， 蜜糖淋上面，又有咖哩調味，更難得雞得皮超脆而不太油，初時食到甜甜滋潤蜜糖味，食食下會品嘗到很香濃的咖哩味，先甜後香辣，原來味道咁夾，食到我倆忍唔到口，先肶後翼再雞胸，一件接一件咁食，超爽的感覺。掂！酸蘿蔔作配料，食烤雞其間無咁膩口，夾！杏仁好香口，又脆又大粒。韓式雞蛋卷$148元，色香味俱全，賣相好得之餘，味道更好食到停唔到口。雞蛋很香很滑，雞蛋一層層的。餡料好豐富，分別有黃瓜、餐肉、醃紅蘿蔔、 海苔、和紫菜，加上茄汁和芥辣，而且仲熱的，非常好食！而這裏的飲料也非常突

四人行突然想食炸雞，朋友介紹Goobne Chicken，今日冇得book位要Walk-in，平日都要等大約二十分鐘先有位架！我地叫咗蜜糖咖哩烤雞、特制蛋卷、照燒烤雞同炒年糕。不得不推介這碟蜜糖咖哩烤雞，大家一放埋嘴就靜靜的食不停，好食到出唔到聲 哈哈(誇張)！味道好加上雞肉都比較幼嫩，不用點芥末已經好好食其次推介韓式炒粉絲雞蛋卷，雞蛋比較滑之餘裡面又有豐富的涵料配合，再加上他們調較過的千島醬吃，口裡的感覺相豐富其他的...照燒烤雞 同 炒年糕，我個人覺得比較一般。份量方面都好足料，四個人叫四樣野其實都好飽

朋友生日，相約尖沙咀Goobne Chicken大快朵頤。我一定會再幫襯款款都大大碟，我們6人叫了以下三款已夠飽：1. 鐵板軟芝士甜辣脆雞 （我至愛） 無骨嫩滑雞肉，香甜惹味，配上軟香芝士，令人食不停口。必試之選。2. 蜜糖咖喱烤雞咖喱香味混合蜜糖的甜味，出奇的夾。雞肉質感尚可，若能再滑點更佳。3. 素菜蛋卷 本來想試粉絲蛋卷，但那天售罄，只能選這款。由於其他食物味道較濃和較膩，這蛋卷便起了中和作用。較清口味，配合蛋香和蔬果，伴雞件吃很適合。4. 酸蘿蔔配菜 必備，可添加，超解油膩5. 柚子味米酒沙冰（一大瓶）冰涼可口，製作認真，很香西柚味，原來韓國米酒很易入口，甜甜地很可口，配烤雞一流。6. 鯊魚特飲 （真名忘記了） 外形熬食，影相必備。可選有酒精或無酒精。

去呢間食過幾次，今次決定一大班朋友去食。上次我過嚟呢度食左芝士豬助骨，不過味道麻麻，所以我吾會再叫lu。不過佢既咖喱蜜糖烤雞真係非常非常非常好食。外皮脆內面雞肉好鬆軟。我地5人叫左2碟雞，一碟蛋卷，另外仲叫咗兩杯嘢飲。雖然佢個蛋捲係價錢來講唔係好吸引，但係味道都唔錯。蛋皮非常滑，咬落好有層次，口感很好。外面又厚又惹味，加上芥末同茄醬既配合，係呢道先做到甘既水準。咖哩蜜糖烤雞：一直既最愛，吾會好似其他炸雞店甘肥膩，而且佢咩醬汁配得好好。唔會話好油同咸。佢嘅外皮脆，肉質滑嫩。醬汁令佢表面外皮閃閃亮亮，賣相同口感都叫左一杯酒精既鯊魚飲品，一杯是無酒精的。2杯賣相一樣，但有酒精那杯比較甜味重，而無的那一杯便是酸甜口味。如果香港食韓國雞，我一定推薦goobne!!!!!!!

點解話Goobne既雞係健康版? 因為佢唔係用油炸既方式黎整，而係焗既~ 但係整出黎同炸雞一樣非常惹味，不容錯過!是日同朋友唱完K之後就黎到尖沙咀既Goobne直落食晚飯，大約7點左右上到去，已經差不多滿坐，有幾個人係門口等位，二話不說即刻拎飛仔排隊，6個人係大檯，下一張就係我地。等左15分鐘到就有店員叫我地號碼，確定我地6個到齊之後就帶我地入坐lu，比左張靠牆既卡位我地，闊落坐得舒服。有朋友之前黎過食，推介蜜糖咖哩烤雞，蛋卷同燒酒cocktail特飲，我地一於叫晒黎試😂😂再加多一份芝士烤雞同埋芝士年糕。最先黎既係燒酒特飲，見到個底有好多柚子肉~店員亦貼心地準備左一人一隻燒酒杯，細細杯，慢慢飲一飲落已經試到燒酒既味道，加埋柚子甜甜地，好易入口，食住野一個唔小心就一杯接一杯😂不過對我黎講呢就好似甜左少少，可能我本身麻麻地甜野，但朋友們都表示岩岩好呢個就係包左韓式粉絲既蛋卷la~ 餡料滿滿，蛋又香又厚，加埋茄汁同芥末一齊食，好好味! 芝士年糕好足料，有年糕之餘仲有拉麵，大家除左爭住影相，仲爭住拉一條條芝士絲出黎😂 個個都成功! 年糕完全地道韓國風味，醬料算幾辣，但又好香好香，撈埋芝士一齊食

     好耐無食韓式炸雞啦，聽好多同事都話呢間好食，所以同男朋友一齊去試下，下午2点去到無乜人..我唔食到辣；所以點左一個甜甜地咖哩蜜糖烤雞，點左一個我最愛的芝士排骨，呢個食完好滯同好膩的感覺，所以食完夜晚果餐我都無再食飯和其它野，一直飽到聽朝.不過呢杯帶條鯊魚的藍色鯊魚之淚飲品都幾貴，成七十幾，但系覺得只是普通沙冰飲品，個烤雞就熱辣辣，一陣陣香甜的蜜糖味，咬開好多汁，鮮嫩無比的感覺，好正，雞胸位也唔覺得“鞋”，連雞皮都烤到無肥膏存在，因為我一向好怕食到雞皮果D肥肥的感覺，呢下先最正，我一定會再食的，芝士排骨一定要熱的時間才可以包住舊排骨，一凍小小就會無辦法再包番舊骨架，所以一定要趁熱時自己就快手快腳 包左先食呀，旁邊還伴有薯角、西蘭花和紅蘿蔔。我男朋友都不斷食D醃蘿卜同西蘭花先可以解到膩的感覺，呢個前菜系不可缺少的。