友拉麵

營業中

休息中

隱藏喺舊式商場嘅日式拉麵店，店內佈滿貓貓擺設同裝飾，啱晒貓奴🐱▪️魚介拉麵🍜湯底好濃魚介味，火炙豚肉有好多塊，肥瘦適中，經過炙燒好焦香。味玉係原隻，唔會浸晒啲蛋黃落個湯度。另外可以揀曲麵/直麵，曲麵會比較掛湯▪️櫻花蝦拉麵🍜滿滿嘅櫻花蝦，每啖都食得到，鹹香味十足▪️蜜糖芝麻雞翼🐥雞翼好脆，入面juicy，面頭淋咗蜜糖，甜甜哋，加埋芝麻好香▪️黃金丸 (地瓜+香芋)🍠地瓜皮包住香芋，外脆內軟友拉麵📍荃灣西樓角路202-216號昌寧大廈1樓53-54號舖

荃昌中心呢個小商場內一個日式和風木系裝潢再放滿貓咪照片同擺設, 已經非常吸引貓奴入去蔥山拉麵 - 超級多蔥, 真係成坐山咁高, 唔知店方用咩蔥, 夠蔥香而唔會嗆喉同辣, 幾好豚骨湯底濃厚度剛剛好, 湯夠熱唔會太鹹同味精, 麵夠掛湯唔會好快變淋櫻花蝦拉麵 - 相比蔥山, 櫻花蝦份量就比下去, 但蝦味都夠, 食到底都仲有蝦味, 不過我一定大推蔥山拉麵 不得不提佢地對筷子好靚好紮實, 而且仲係即棄式, 超有誠意 蜜糖芝麻雞翼 - 即叫即炸, 非常香口內裡相當juicy北海道牛肉薯餅 - 皮薄酥脆, 牛肉同薯仔分量剛好, creamy有牛肉味

今日去荃灣做野 同事話 #友拉麵 呢間炸物好食就入去試下店舖裝潢四處都充滿貓貓既相😽😽愛貓之人一到要黎喇🤗 同埋頭頂掛滿燈 比人有種好舒服既感覺💕日式餃子 $30/5🥟咬落去餃子外皮香脆 內裏多肉汁再沾上日本醋 酸酸地嘅醋汁加埋肉汁令餃子嘅肉汁更鮮甜☺️日本炸吉列生蠔 $35/4吉列炸蠔嘅外皮酥脆 食落去會有索索聲 唔錯～蜜糖芝麻雞翼 $30/3表面會有啲蜜糖汁喺度 食落去甜甜地 雞翼既肉夠嫩滑不過我自己覺得比較甜 鍾意食甜嘅就要必食😉炸芝士年糕 $28/2超喜歡芝士年糕 所以一見到就即係要食🤣呢到炸得口感Q彈香糯 咬落軟軟糯糯有淡淡既芝士香味 好味😋筷子都好靚好日本風☺️👍🏻服務會主動問需唔需要勾袋扣👍🏻👍🏻而且女侍應態度都好好 夠細心

前二日突然好想食拉麵，諗起荃灣最多小店既連環商場有一間好吸晴既拉麵店，二話不說立即去止下口癮😂由荃灣站經天橋行過黎大約5分鐘，因為門面好夠日本feel，基本上好易認到😌我今日自己一個食，所以選擇Bar枱位置感覺特別正🤭全店有好多貓貓裝飾，而且店面好乾淨好舒服，等候拉麵既我用黎欣賞佢地既擺設🐱櫻花蝦拉麵$88我超愛食櫻花蝦🦐，所以可以一秒決定😆舖頭有提拱直麵及曲麵選擇，我個人喜歡曲麵，因為比較沾湯😋湯底濃郁而不油膩，有二件日式火灸义燒，肥瘦適中😋加埋隻溏心蛋係超正❤️佢既荀都幾好食加埋櫻花蝦連湯一啖一啖飲，好似就飲哂😆蜜糖芝麻雞翼$30我係絕對推薦雞翼❤️❤️❤️一份有三隻連翼尖雞翼，所以用手羽先會更貼切。雞翼外層炸得好香脆，內部肉質仍然保持多汁軟滑，再加上有微甜蜜糖加芝麻☺️絕對係不能錯過既小食❤️真心讚揚店主既衛生度，見到客人離開後除左立即清理外，佢用消毒劑大力清潔枱面😆佢絕對係用力去抹到好乾淨👏👏👏👏食物高質用心，加埋細心清潔。我個人係大力推薦大家去試下