euro go go

營業中

休息中

快閃 euro go go是日午膳時間到訪這是一間西式快餐連鎖店自助搵位形式QR code自助落單到櫃檯落單付款亦可每張枱上都有個枱號服務員會根據枱號送餐不用自取二人午餐 $236～ 蜜糖雞翼～ 蘑菇肉醬意粉～ 千島海鮮薄餅(半份)～ 蜜桃茶 x 2整體而言，食物中規中矩，價錢平宜，服務員友禮，蜜糖雞翼是每次必食😋

先上飲品分別叫咗凍焦糖泡沫奶茶同熱意式泡沫咖啡，焦糖有啲酸，唔知係溝埋奶茶嘅味定係啲冰溶咗而變酸，下次會試下揀朱古力口味，咖啡正常。蜜糖雞翼係焗嘅，上枱時好熱，雞翼醃得夠味，蜜糖好足份量！薯皮拼盤係個人好鍾意嘅一款食物，每次都忍唔住叫，分別有吞拿魚，芝士同煙肉3種口味，可以揀要唔要酸忌廉，推薦配埋食會比較解膩，應該有落咗蒜油，今次食冇之前食咁脆，但都係好食嘅。意粉係套餐，揀咗紅酒炆燉牛脷意粉，配蒜茸包同熱檸水。牛脷煮得淋，意粉偏幼，唔會煮到太軟身，紅酒醬唔會太酸，味道唔錯。蒜蓉包好脆，稍嫌唔夠味，如果餐可以配湯就更好。不得不讚下呢個分店嘅員工服務態度好好，友善待客，亦都好主動去幫忙。一開頭想叫青醬意粉，點知冇青醬，買完其他先再返去買，我唔知原來意粉係餐，結果多咗杯餐飲🤣。買完想改成飲品拎走，員工非常主動幫忙，會再返去食～☕️凍焦糖泡沫奶茶$30☕️熱意式泡沫咖啡（大）$32蜜糖雞翼$58薯皮拼盤$102意粉餐$88❌加一服務費

蜜糖雞翼euro go go 稱第二相信冇人可以稱第一☝️🤣🤣（帶返個頭盔🪖先 以上評語係我自己意見）.每次真係必叫架😙😙😌😌好好味蜜糖唔會同你慳住落～ 每一口都有蜜糖味雞翼提早醃製左 雞肉都好有黑椒味🤩仲有即叫即焗 熱辣辣出爐🔥正啊～蜜糖雞翼 $50.今次試吓新野～香蒜硯肉意粉🍝$68唔係講笑！好好味😋仲意蒜香既你真係唔好錯過～🤣🤣每一啖都有滿口既蒜香🧄意粉🍝唔會太淋身 硯肉無沙 都好味👍🏼肉醬意粉🍝 $54 唔會失敗既食物～ 安全之選👻兩人三樣野 經濟實惠 CP值高😇😇埋單$172-可以太夜去 冇咩人食lor~位置坐都得幾舒服 但係冷氣太大有啲凍🤪

Euro gogo 相信大家都食過~🤗🤗快餐西餐店嚟講 佢都CP值高😍食咗三樣嘢 埋單都唔洗$140-每次必叫蜜糖雞翼😎🤤蜜糖味好出色雞翼唔會焗得好燶 仲好Juicy 👍🏼肉醬意粉🍝都好多肉碎😬意粉唔會太硬 撈埋一齊正～煙肉蘑菇薯蓉（唔知幾時開始改良咗）以前真係薯蓉 唔會有一粒粒嘅薯仔🥔近呢一年食 仲有啲薯粒喺入邊有嘢咬下 口感都幾好😇煙肉鹹鹹地 依家係冇咩味嘅薯蓉 正👏🏻👍🏼黃大仙呢間分店座位充足大家都有安全距離入位之前要登記安心出行/紙仔購買食物之後 職員安排位置（唔使自己搵位我覺得仲好）😆😆仲有專人送餐服務😆方便～

已經成為euro gogo的粉絲好多年了，一直都比佢的即焗文化著迷。今次去到黃大仙的分店同朋友仔食個飯再去上堂。如果大家去過euro gogo好多次應該都知呢間連鎖餐廳真係長期都好多人，不過去過幾次黃大仙中心呢個門市，每次都會有位！先飲返個湯。蘑菇湯係我最近先發覺佢的存在，但飲落去好creamy好香！重點係超大碗，如果你仲想order其他野食的，建議2-3人share。之後呢個係我長期euro gogo的Top之選 --- 焗蒜蓉飽！佢除左外脆內軟，蒜蓉味仲非常香，見到D蒜蓉牛油搽滿整個飽面，係用心之作。煙肉蘑菇薯蓉係我讀大學的温書良伴，㫮因又香又飽肚。剛上枱的時候，芝士仲可以拉絲tim！加上煙肉的油香，真係色香味俱全。差D忘記呢個雞翼，香脆的雞皮，Juicy的雞肉，再加埋大量的蜜糖，簡直可以與燒野食的燒雞翼媲美！呢個係芝士焗西蘭花，由於菜會出水，減輕了芝士的濃度，不過味道還可。呢碟係卡邦尼意粉，可能之前食得太濃芝士味，呢碟無咁濃味，不過口感都感Creamy。飲品方面叫左(左)凍蜜桃茶 及 (右)凍荔枝茶。茶味濃，再加果味，唔會太甜。