Goobne Chicken (荃新天地)

營業中

休息中

呢間係香港開咗好多間分店，不過我都係第一次食！我哋叫咗半半烤雞（$238，加一$262）原味烤雞同蜜糖香滑烤雞各半，以為好快上….但原來佢哋係即叫即整，所以我哋等左at least 20分鐘😢再者我又大頭🦐以為叫嘅係炸雞，原來無睇清楚menu 寫‘烤’雞，太失敗了🙈🙈講番今次主角😗個烤雞唔乾有少少汁，而且即烤上枱熱辣辣食！原味烤雞唔太入味，蜜糖香滑烤雞就入味D甜甜地，隻雞係幾滑嘅，而酸蘿蔔好開胃。不過呢個價錢略嫌偏貴，而且雞嘅件數唔多，味道亦沒有太大驚喜，食完一次唔會再食。

昨天晚上約咗朋友去荃新天地影個靚地球就係呢個喇👆🏻👆🏻，期間限定至2019年5月19號，要影相就快D嚟喇😊！影完相緊係去搵食！今晚就食呢間啦！主打韓式烤雞，似乎都幾受歡迎，店鋪都滿座！有自助取票機很方便！今晚取票完成多等十分鐘左右就可以進去餐牌圖文並茂，好精美，有D寫住New的相信就是新出品，試吓新嘢先😋每枱也會有一份特別的餐具，這個一次性手套的包裝，很惡搞😂食物終於登場，這是蟹籽沙律雞蛋卷，口感層層疊，蛋裏包着芝士，面層灑了蟹籽，沙律醬是用上千島醬汁，這個配搭還是第一次嚐到！用作前菜很好！這個是我們的主菜，蜜糖烤雞選了冇骨！是用芥末和蜜糖來烤，酸酸甜甜的！很開胃！碟旁附上蜜糖芥末來點著吃，我們整碟KO了這是一杯名為鯊魚之涙的飲品！可以選擇有酒精或無酒精！但一上抬真的很吸睛！是一杯是🍑＋🍋的沙冰飲品，好解渴！可惜鯊魚不能帶走😛，我估名為鯊魚之涙，是因為海洋污染吧看到飲品的顏色的猜測😜！

健康之選 蜜糖烤雞香港開得越來越多韓國餐廳 但講到烤雞始宗 就一定係 Goobne今日特登去試新出嘅蜜糖香滑烤雞荃灣店唔算好大 只係得十多張枱 閒日去都坐無虛席 所以今日都等左一陣位雖然店面唔大 不過都坐得好舒服 環境寧靜 可以一邊食一邊同朋友慢慢傾計 首先上場係經典凱撒沙律 食肉之餘當然要食返啲蔬菜啦 沙律就係一個最好嘅選擇呢度嘅沙律份量十足 除咗新鮮嘅蔬菜 仲有橄欖車厘茄麵包粒等等 而沙律醬係另上 可以跟返自己口味去落沙律醬的份量食物上場！我地叫左蟹子沙律醬芝士雞蛋卷 厚厚的雞蛋卷 加上橙黃色嘅沙律醬 外貌相當吸引 一刀切落去 熱辣辣的芝士馬上流出黎 令人食指大動酸酸地並帶小小辣嘅沙律醬 配上芝士雞蛋卷 中和返芝士的油膩感 加上蟹子的特別口感 十分開胃 終於到主角 蜜糖香滑烤雞 我地叫左無骨見到每一塊都啖啖肉 被蜜糖醬汁包裹着首先唔點醬食一舊 好多汁 帶微微的蜜糖味名副其實「香滑」烤過嘅雞塊 其平時韓式炸雞唔同雞皮嘅油份已經谷晒出嚟 所以食落絕對唔肥膩 又唔會熱氣 配埋旁邊嘅醃蘿蔔 一酸一甜 越食越好味絕對係健康之選

晚上約左一班朋友聚會，平時食得太多邊爐、放題，食到厭曬，所以想換換新口味。女仔都特別中意食韓式野。而且依間店岩岩開果陣可謂大熱，次次經過都見到門口排曬長龍。見依排熱潮過左，我地都只需等左１５ｍｉｎｓ左右就入到去。1. 　蜜糖香滑烤雞我地嫌炸雞太油膩、熱氣，所以揀左韓式烤雞。蜜糖香烤雞真係好正，皮脆肉嫩，保留肉汁，好juicy。大人話食烤雞不如去ＫＦＣ，但依個烤雞同ＫＦＣ真係吾係同一個層次。肉身不厚，香口不膩。2.　韓式牛肉炒年糕普普通通的炒年糕，下面仲有好多粉絲，熱氣十足。年糕的濕度因而十足，食到最尾都仲熱熱地，不會因為變凍而變得硬口。3.　鯊魚之淚我叫左無酒精的，好有兒時飲波子汽水的味道。