得龍大飯店 (已搬遷) 新店位置

下午同家人飲茶～有位長輩突然講起噚日去完新蒲崗食飯～有味菜叫「金錢雞」聽聞金錢雞係以前的平民燒味身為90後的我～完全冇聽過但長輩講到非常吸引～而且曾當選米芝連最後我們決定當晚去飯決定後馬上打去訂位～重點訂埋金錢雞留意返～唔訂就有機會食唔到架啦本身想訂埋野雞卷⋯結果冇最後訂埋古法太爺雞～之後就等待夜晚來臨啦～我們大概七點左右到～除了已經訂了的～我們還order幾道菜先上枱的是原籠馬拉糕新鮮熱辣～而且比外面食煙韌隨後上枱的蝦多士及椒鹽九肚魚沒有太大驚喜～但味道不錯因為沒有期望～所以沒有失望然後～我最期待的金錢雞終於來到！竟然只是小小的一舊⋯而且還要四十大元一舊不過～放入口那刻就已經知道超值了金錢雞的結構是：薑>叉燒>雞肝>肥豬肉聽到是肥豬肉～起初聽到都驚但肥豬肉入口完全沒有油膩感金錢雞整個配搭非常好～如果配上紅酒就更完美 蝦子柚皮～由於我本身不好柚皮～所以冇食但家人話食落口完全冇柚皮的味道可能柚皮已炆了一段時間～柚皮味已揮發入口淋身～配上蝦子就好啫啫生菜/芥蘭 煲雖然普通～但好惹味但菜的份量略嫌有點少原籠金蒜糯米蝦飯原本糯米飯已經好好味再加上蒜蓉同蝦完全加分食到很飽

呢間食店又係一路收藏左好耐都未去食，因為佢係要多人嗌餸食飯先抵，而且又要book枱，要好難得先約齊咁多人唔甩底去食👯👯 偏偏就俾我遇到呢個機會，一行九人有男有女唔嫌佢位置唔近地鐵站，終於去左食🤤我地叫左砵酒焗桶蠔、蝦多士、啫啫芥蘭、大良炒牛奶、魚湯肉碎浸翡翠苗、椒鹽鮮魷、馳名得龍燒鵝皇、原籠金蒜糯米蝦飯，可能仲有不過唔記得影相～🐚砵酒焗桶蠔無記錯係一人一隻，或者有一兩個人可以食多隻。每隻都超大舊而且個味係超濃既，可以用下面啲生菜包嚟食，好惹味然後個蠔唔會有腥味🍞蝦多士都係佢其中一款招牌菜，食咗就覺得真係值得一試！完全唔油膩而且成塊野都超脆，如果蝦肉可以大舊啲就好啦（忍唔住食晒先影）🥗啫啫芥蘭原來都係多人會order既菜色，我自己本身鍾意食啫啫既配塔，因為個汁好惹味，呢碟菜都唔例外🍶大良炒牛奶唔係到到都有得食，有得食又未必煮得好食，但呢度就唔同啦，個炒牛奶好滑而且唔會無味，煮出嚟亦都唔會太杰，成道菜好適中好岩食🐟魚湯肉碎浸翡翠苗就正正常常，個魚湯撈埋肉碎成個味道好鮮好清新🦑椒鹽鮮魷就係去到邊都一定會嗌嘅！一個好味嘅椒鹽鮮魷除咗啲炸粉唔可以太厚之外，魷魚亦都唔可以韌，要煮嘅時間拿捏得好先至

好期待食金錢雞， 不過要等到三月，香食太爺雞，不過已經賣曬，所以抱住一個心態，今餐食完，會再返黎多一次。蝦多士入口好碎，不過味道麻麻，蝦都無味，呢個可以skip山楂咕嚕肉：啲肉唔會乾，外面炸得好香好碎，山楂味道酸甜得黎岩岩好，正！啫啫芥蘭：有鑊氣味，調味都做得好，不過煮多十秒就好啦，始終有d生生地梅菜炒飯: 最最最回味, 有好多飯焦，唔痴牙，梅菜同豬肉好野味，平時夜晚小食飯嘅我都要食兩碗，落豬油系個煲邊嘅係唔同啲個紅豆沙真係好沙！唔太甜，不過一入口就知係心機作，為呢餐飯有完美嘅句號。食後感：色，香，味都好好，唔咩特別要彈，一定會再返黎

自從mikiki 商場的出現，以及啟德區陸續發展起來，新浦崗一帶也漸漸發展起來。不過，在工廠區一帶，其實仍隱藏著不少平民食肆，其中得龍更是擁有超過40年歷史的老店，提供不少懷舊菜式。我們先點了金錢雞，成份包括肥豬油及雞肝等，以今時今日的角度去看，可能不算健康。但難得去到老店，沒理由不試吧？另一味懷舊得來又不健康的是蝦多士，以蝦膠釀在油炸多士之上，十分美味！這裡還有一些傳統的“功夫菜”，但正因為功夫太多，外間的酒樓已很少提供，說的是雞蛋蒸魚腸這一道菜。雖然兩者都是平民食材，但只要處理得宜，也能化成美食！用來送白飯，簡直一流！最後奉上的甜品，包括紫米露和桂花糕，兩者都挺好吃，後者口感有點像jerry, 有點驚喜！

原本想來食湯飯，點知阿姐話夜晚食湯飯唔抵傢！叫我下次中午先嚟食！（個阿姐好好人），咁唯有今次試下小菜先！點知發現許多其他地方都已經失傳嘅菜式！結果真係好好味呀！由於今次得兩個人食，所以叫左太爺雞，上湯豆苗，蝦多士！太爺雞:啖啖煙熏香味，肉質鮮嫩上湯豆苗:夠晒味道蝦多士:雖然係油左少少，不過蝦膠部分好彈牙，口感一流！最後贈送嘅甜品桂花糕，真係好多桂花紅棗杞子食完真係好滿足下次一定要叫多d人嚟一齊食！

我哋今年選擇了得龍食團年飯，咁去得得龍食嘅當然要食佢地嘅懷舊餸啦！我都覺得佢哋都幾利害，因為我地一次過叫咗好多餸但係佢哋都可以做到很快地上枱！所以我哋唔使一個鐘頭就可以食完餐飯!

記得兒時常到新蒲崗探親戚跟住便去得龍飲茶，當時感覺是一間街坊得很的酒家。轉眼廿載，一家再到新蒲崗裡辦事所以順理成章便會再到這家懷舊中式酒家懷念過去。得龍做的是老派傳統特色粵菜，老菜式老伙記，裝修依然好有 80's 風格，入了去像回到 "譚詠麟張國榮年代"，但牆身已經貼滿了很多什麼米芝連得獎乜乜物物等等........一家五口點了些招牌特色小菜，個人來說食物質量算中規中矩，食懷舊味道多過食物味道本身；蝦多士較肥，椒鹽九肚魚無甚特別，鐵板煎釀鯪魚太多骨，只有大良炸鮮奶拼煎釀雞翼是較為少吃到有及有特式的，整體來說一般。。。。因為不是太出色，其他類似酒家味道也差不多，而且價錢亦比想像中貴，所以都是隔幾年來試一次便夠了....

母親節很多餐廳都趁火打劫，焗人吃貴夾唔好食的套餐...幸好, 找到得龍, 可以平時般散叫~很久没來, 原來租埋旁邊開多一間呢~新鋪很闊落, 只有4-5張枱先來一客蝦多士~蝦膠爽口，多士香脆，而且不油，多吃一舊也不覺膩。味道不錯，但不太滑。再「淋」一點會更喜歡。上次吃過，忍不住要encore!加了脆米的飯很有口感，加上香噴噴的扣肉，忍不住要多吃兩碗！吃了扣肉飯，對梅菜扣肉没太大興趣，只吃了一小口。喜歡它不太肥，一點也不油膩~梅菜也很香！我們還叫了例湯及馬拉糕。例湯料足，火喉十足！馬拉糕因為吃得太飽，已吃不下......唯有打包~喜歡這裡的餸菜夠大碟，和家人朋友一起吃，開心share~很有家的感覺而且待應們的服務很友善，絕對會再來！

咁好天氣, 先去左郵輪碼頭行下, 諗下食乜好, 近近地就決定去新蒲崗尋味 ! 我地一行4人去食飯, 由於時間尚早所以都唔使等位...見到金錢雞, 但好似需要預定先有得食, 咁就厚住面皮問有冇得食啦, 好彩有得order, 味道幾好,濃濃既子薑味,食落去都唔算太過肥膩. 總體黎講食物質素同價錢都可以接受. 值得試下

傳統菜都食過好幾間，今次就試下得龍，名就聽過好耐，亦有朋友黎過。4日前已經訂位，但係就唔記得訂野食，食之前1日打去，D單已經full哂啦…唯一個佛跳牆仲未fully book，照殺！菜式基本上是睇左食評先叫啲~花雕話梅豬手 - 花雕酒好濃，好香(我實在好鍾意花雕果種酒香味)，加上話梅果種酸酸甜甜，作為餐前小食，就最適合不過。佛跳牆 - 叫左個4人份量，都足夠我地7個人分，每人1碗啱啱好。如果自命係湯神啲就唔該order個大D架啦~湯啲味道濃郁，材料的精華完全溶響湯裡面個，賣相亦非常清澈，入口鮮又味，望下個碟湯渣先~有烏雞、瘦肉、金華火腿、花膠、海蔘、正淮山、螺頭、杞子…材料好豐富呀！古法太爺雞 - 味道特別，而且好入味，食落有陣好清啲茶燻味(好似茶葉蛋咁，但係冇咁濃烈)，以為咁入味，D肉就嚡口啦?又錯啵~D雞肉啱啱好，夠熟又嫩滑，燻過啲雞皮特別好食，配合埋雞肉啲黃油…嘩~膽固醇?咩黎架！?果然係得獎啲菜色，好味!呢個太爺雞今我想起我媽媽做啲油燻雞，我立即問番坐響我旁邊啲媽咪D味道似唔似，佢都話似呀~不過因為油燻雞啲烹調時間好耐，媽咪近呢10年都冇煮過啦~(我老公一聽到就立即叫佢整啦~因