鼎泰豐

營業中

休息中

終於去試咗名氣好大嘅鼎泰豐 就連海外都出咗好多分店💁🏻‍♀️我哋四個人星期六夜晚walk-in都等咗一陣 不過店面位置好多所以好快都有位可能期望過高 食物質素都真係幾失望🥲.🎈小籠包 ($66)小籠包可以話係呢度嘅招牌菜 性價比唔算特別高雖然一咬落去就有湯汁 但係就略嫌唔夠香🥲評分: 6/10.🎈蝦肉煎餃 ($88/6)呢一個價錢略貴 但同樣地質素都只係一般值得一讚嘅係脆皮確實剪得好脆 而且餃子入面都有湯汁雖然好多標準都達到 但我覺得總係覺得有種公式化嘅味道🤣評分: 6.5/10.🎈雞絲蝦仁春卷 ($54/4)呢一個可以話係所有菜式裏面比較好 雖然雞絲冇雞味 但係蝦仁真係有原粒蝦仁蝦肉結實👍唔會話霉霉爛爛春卷炸得都夠脆評分: 7/10.🎈炸醬拌麵 ($58)我自己就覺得味道較淡 但係同行友人就覺得味道適中所以真係各花入各眼啦🤣我就覺得炸醬唔香 麵條有啲淋 只可以話算抵食份量唔算少😂評分: 6/10.🎈排骨蛋炒飯 ($90)以一個炒飯來講佢嘅價錢比較貴評分: 4/10

台灣鼎泰豐就食得多，香港確實少食。咁岩朋友生日，就去果到慶祝。聽聞都多人等位，眼見都有旅行團入去食，我地都等左30mins。Menu 有唔同語言，英文，中文，日文，韓文都有，講真都幾多選擇，同台灣主店差不多。將炸醬，豬肉粒撈埋一齊食，有別於香港嘅炸醬麵，麵煙韌。炸排骨即係香港人講嘅豬扒，已經碎上蓋喺蛋炒飯上，方便進食。豬扒好淋，炒飯金黃乾身。今次叫左最原始嘅小籠包，皮薄，要小心咁夾起，食落去都爆左d湯汁出黎。酸酸辣辣，都幾開胃，材料有肉絲，木耳，豆腐。外表有d似鍋貼，煎得好香口，入面蝦肉加埋小小高湯，唔錯。因為冇買cake，就叫左迷你壽包賀壽，細細個一啖食哂，當甜品唔錯。

今日中午我們去咗尖沙咀新港中心嘅「鼎泰豐」食中午飯！我們叫咗冰鎮涼瓜第一啖咬落去就覺得味道好清甜，但慢慢之後涼瓜嘅甘甜味就會滲透出嚟，感覺好清新！涼拌黑木耳嘅黑木耳相當爽口嫩滑，配埋鎮江醋一齊食，真係好醒胃！小籠包嘅皮好薄身，但唔會一夾起就裂開溜晒啲湯汁出嚟，湯汁嘅味道好鮮味，肉質都幾軟滑！蝦肉煎餃煎得相當香口脆身，入面嘅蝦肉都幾大隻！台式酸辣湯嘅材料好豐富，味道酸酸辣辣，都幾開胃！紅燒牛肉湯麵嘅湯底好鮮甜濃郁，牛肉嘅肉質超鬆軟嫩滑！蔥花蛋炒飯炒得好乾身，而且粒粒分明，鷄蛋嘅味道好香濃！油炸排骨湯麵嘅排骨嘅肉質好鬆化，而且係分開另上，唔會放喺湯入面浸到腍晒！赤豆鬆糕食落嘅感覺係蒸熟咗嘅雲片糕咁，味道唔會太甜，感覺都幾特別！

今晚我們去咗「鼎泰豐」新港中心店食晚飯！我們叫咗蟹粉小籠包、蝦仁燒賣、蝦肉煎餃、原味水晶肉、酒糟鴨舌、蟹粉豆腐、紹興醉鷄、台式酸辣湯、炸醬拌麵、紅燒牛肉湯麵、原盅牛𦟌湯麵同鳳梨酥！蟹粉小籠包嘅皮好薄，夾起嚟食唔會好易穿，有好多湯汁，肉質鮮嫩同有著濃濃嘅蟹黃味！另外有隻好精緻嘅蟹公仔，真係好可愛！係本人嘅必食推介！蝦肉煎餃嘅賣相好特別，六隻煎餃連埋一齊嚟煎，令到煎餃嘅外皮非常香脆！原味水晶肉嘅肉唔會好硬同好實，啫喱好煙韌彈牙！紹興醉鷄嘅鷄肉好嫩滑同彈牙，酒味清香濃郁！紅燒牛肉湯麵嘅湯底好濃郁，牛肉亦炆得好腍，麵質較腍，唔係好彈牙！台式酸辣湯嘅酸辣味道恰到好處，唔會太酸同太辣！

兔爸話好想食上海野，兔囡第一時間諗起上菜速度好快既鼎泰豐蝦肉煎餃蝦(超多)，勁脆，正招牌小籠包皮薄，多汁， 肉鮮，饀多，兔爸最愛蝦春卷大大隻爽囗蝦，不油膩，正菜肉包 肉及大白菜都切得夠幼細，正台式擔擔麵麵幼滑，少辣，花生醬味濃，兔囡最愛排骨蛋炒飯味道香濃，排骨跟豬扒一樣大， 煎得好香，正兔爸話下次又再黎食，兔囡聽到即刻開心到呢