波士廳•101

營業中

休息中

外父80大壽，想搵個特別嘅地方枱慶祝一下，最後揀咗喺九龍最高嘅大廈食飯，人多要包房，最低消費$12,600。呢度係代客泊車，但泊車嘅地方冇傷殘電梯上到8樓轉101樓電梯，個設計有啲奇怪？最後要先放低外父係8樓再返去一樓泊車，行動唔方便的老人家，有D麻煩。上到去101樓，原來都有幾間餐廳，間間都好似幾高級下，由餐廳門口行入去影相，睇晒成個西九龍嘅全景，大地在我腳下嘅feel，景觀真係唔錯，但最好梗係望中環嘅海景啦，下次可能要去其他望中環的餐廳試下。先訂了午市商務套餐B，因為未過最低消費，最後加點每人一隻帶子同埋炸雞。前菜的XO醬內乾瑤柱份量好多，好香但又唔算辣，有水準，所以幾個人空口都清佐3碟，立即叫侍應再上多幾碟，最後比錢時發現每碟要收$23，都唔算平。先來點心拼盤，黑松露素菜餃嘅黑松露好突出，個皮亦都好煙靭好薄；蝦餃亦到好似超過兩隻蝦，好新鮮好爽脆；春卷就普通啦，個皮炸得唔係好脆或者烤完放耐左少少。生磨杏汁嫩白肺湯係成個套餐最好食嘅菜式，感覺真係老火湯，啲豬肺好淋好入味，杏汁味唔算重，反而都應該落咗唔少椰汁，好滋潤好清甜。大漠風沙蝦球其實係鹹蛋黃蝦球，唔見到風沙，蝦及炸的水準還可以。

人家的波士上司，我們的親人，林太生日，林總要請客，除夕日中午我們一伙人有老有嫩來到 ICC 的波士廳飲茶。 食肆位於101樓層，居高林下的氣勢，由地下走廊至乘搭電梯已經可以感受到，有星空之旅之感。 波士廳的裝潢同樣配合，別樹一格。 原來飯店沒有巨桌，我們分享兩張倚窗的八人桌，飽覽開陽景觀，似乎一切在我們腳下，高人一等的感覺湧現，12月31號正是準備去舊迎新的好日子，期望2018年是開心豐足的一年！ 點心分類花上了心思，皆是好意頭的祝福語，蒸蒸日上、腸腸久久、包你滿意、獨領風騷，最後是特色小食。 平均價錢八九十元一份，是波士才花得起的消費，列明不使用味精及人造色素，大家能夠吃得健康，看來又是物有所值！ 全部點心都做得非常精緻味道好，基本的蝦餃燒賣腸粉等無需逐一評，只談以下的精緻幾款。 石榴陳皮牛肉球  我向來喜歡特色，石榴陳皮牛肉球的出場別出心裁，每棵牛肉球頂端上，放上一串類似葡萄的點綴，實在令賣相添身價。 奇妙的少許果甜，似乎激活了牛肉球的滋味，甜鹹衝擊，刺激食慾，腐皮包薄而紮實，牛肉球軟棉汁豐，口感開心滿足。 松露脆皮豬  可愛的小豬形態，鼻大眼小真趣緻，相機自然先食。